பல் வலி வந்தாலே பெரும்பாலானோர் அதை “சாதாரண பல் வலி தான்” என்று புறக்கணித்து விடுகிறார்கள். ஆனால் ஒரு சிறிய வலி கூட பல் உட்பகுதியில் மிகப் பெரிய பிரச்சனையின் அறிகுறி ஆகலாம் என நிபுணர்கள் எச்சரிக்கின்றனர்.
அதில் முக்கியமான ஒன்று “ரூட் கனால் சிகிச்சை” (Root Canal Treatment) எனப்படும் நவீன பல் மருத்துவ முறை. இது பல் அகற்றாமல் அதையே பாதுகாக்க உதவும் ஒரு அதிசய சிகிச்சை என்கிறார் டாக்டர் சந்தோஷ் ஜேக்கப், எலும்பியல் மற்றும் விளையாட்டு மருத்துவ நிபுணர்.
பல் அமைப்பு – மூன்று அடுக்குகள்
பல் மூன்று முக்கிய அடுக்குகளால் ஆனது:
* எனாமல் (Enamel) – பல் வெளிப்புறத்தின் கடினமான பாதுகாப்பு அடுக்கு.
* டெண்டின் (Dentin) – நடுவண் பகுதி; பல் வலிமையை அளிக்கிறது.
* பல்ப் (Pulp) – நரம்புகள் மற்றும் இரத்த நாளங்கள் கொண்ட மென்மையான மையம்.
பல் பூச்சு (Tooth Decay) எனப்படும் பிரச்சனை ஏற்பட்டால், எனாமல் உடைந்து, அந்த பாக்டீரியா மெதுவாக பல்ப் பகுதியில் நுழைகிறது.
எனாமல் உடைந்தால் என்ன ஆகும்?
எனாமல் சேதமடைந்ததும் கிருமிகள் உள்ளே சென்று பல்ப் பகுதியை தாக்கும். இதனால் பல் வலி, வீக்கம், மற்றும் சில நேரங்களில் பல் புழு (pus formation) ஏற்படும்.
இதை புறக்கணித்தால் பல் முற்றிலும் அழுகி போகும் அபாயம் உள்ளது. சிலர் வலியை தாங்க முடியாமல் பல் அகற்றச் செல்வார்கள். ஆனால் நிபுணர்கள் கூறுவதாவது – பல் அகற்றுவது கடைசி வழி மட்டுமே.
இந்த பதிவும் உதவலாம்: பற்களை ஆரோக்கியமா வைக்க நீங்க சாப்பிட வேண்டிய மற்றும் சாப்பிடக்கூடாத உணவுகள்
ரூட் கனால் சிகிச்சை எப்படி உதவுகிறது?
ரூட் கனால் சிகிச்சை (Root Canal Treatment) என்பது பல் பல்ப் பகுதியில் ஏற்பட்டுள்ள தொற்றை அகற்றி, பல் அமைப்பை மீண்டும் பாதுகாக்கும் நவீன மருத்துவ முறை. இதில் தொற்றான பல்ப் பகுதி சுத்தம் செய்யப்படுகிறது. நரம்புகள் அகற்றப்பட்டு சிறப்பு பொருளால் நிரப்பப்படுகிறது. பல் வலிமையை மீண்டும் தர “கிரௌன்” (Crown) பொருத்தப்படுகிறது. இந்த முறையில் பல் இயற்கையாகவே தங்கும்; அகற்ற தேவையில்லை.
ரூட் கனால் சிகிச்சையின் நன்மைகள்
* இயற்கை பல் பாதுகாப்பு
* வலி நிவாரணம்
* தொற்றுகளை தடுக்கும்.
* அழகு & நம்பிக்கை
View this post on Instagram
நிபுணர் எச்சரிக்கை
“பலரும் பல் வலி வந்தாலே வலிநிவாரணி மாத்திரை எடுத்துக்கொள்வார்கள். ஆனால் வலியின் காரணம் அகற்றப்படாமல் இருந்தால் அது ஆழமான பல் தொற்றை ஏற்படுத்தும். ரூட் கனால் சிகிச்சை மூலம் இதை சரியான நேரத்தில் குணப்படுத்தலாம்,” என டாக்டர் சந்தோஷ் ஜேக்கப் கூறுகிறார்.
“பல் வலி மீண்டும் மீண்டும் வந்தால் அல்லது சூடான உணவு சாப்பிடும் போது வலி ஏற்பட்டால் உடனே பல் மருத்துவரை பார்க்க வேண்டும். அதுவே உங்கள் பல் வாழ்நாளை நீட்டிக்கும்” என்று அவர் மேலும் கூறினார்.
வீட்டிலேயே பல் ஆரோக்கியம் பேண 3 முக்கிய வழிகள்
* தினமும் இருவேளை பல் துலக்குதல் (Fluoride toothpaste பயன்பாடு)
* சர்க்கரை மற்றும் குளிர்பானங்கள் குறைத்தல்
* ஆறு மாதத்திற்கு ஒருமுறை பல் பரிசோதனை செய்தல்
இறுதியாக..
பல் என்பது உடல் ஆரோக்கியத்தின் முக்கிய அங்கமாகும். வலி வந்த உடனே சிகிச்சை எடுத்தால் பல் வாழ்நாள் முழுவதும் தாங்கும். ரூட் கனால் சிகிச்சை என்பது பல் அகற்றாமல் இயற்கை பற்களை பாதுகாக்கும் நவீன மருத்துவ வரம் ஆகும்.
Disclaimer: இந்த கட்டுரை தகவல் நோக்கத்திற்காக மட்டுமே. மருத்துவ ஆலோசனைகளுக்கு, தகுதியான பல் மருத்துவரை அணுகவும். Self-treatment அல்லது தாமதம் அபாயகரமான விளைவுகளை ஏற்படுத்தும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Oct 06, 2025 13:53 IST
Published By : Ishvarya Gurumurthy
