பொதுவாக, இதய முறிவு என்பது மாரடைப்பு முறிவு என்றும் அழைக்கப்படுகிறது. இது ஒரு அரிய வகையான மற்றும் உயிருக்கு ஆபத்தான நிலையைக் குறிக்கக் கூடியதாகும். இந்த நிலை மாரடைப்புக்குப் பிறகு ஏற்படக்கூடியது. இது இதய வால்வுகள், அறைகள் மற்றும் இதய தசைகள் பிரிவதால் ஏற்படுகிறது. இவை இதயத்தை பலவீனப்படுத்துவதுடன், அதன் பம்ப் செய்யும் திறனையும் குறைக்கிறது. இந்த நிலையில் உள்ள நோயாளிகள் மரணத்தின் அதிக ஆபத்தில் உள்ளனர். இதனால், மக்கள் பெரும்பாலும் அதன் அறிகுறிகளை அடையாளம் காண மாட்டார்கள். இது சரியான நேரத்தில் சிகிச்சை அளிக்கப்படாத போது மரணத்திற்கு வழிவகுக்கும்.
இதய முறிவு
நம் உடலில் இதயத் தசை பல அடுக்குகளால் ஆனதாகும். அதில் ஒன்று அல்லது அதற்கு மேற்பட்ட அடுக்குகளில் ஏற்படும் சேதம் அல்லது பலவீனம் காரணமாக இதய முறிவு ஏற்படக்கூடும். இது குறித்து, லக்னோவில் உள்ள கபூர் ஹார்ட் சென்டரின் மூத்த இருதயநோய் நிபுணர் டாக்டர் கே.கே. கபூர் அவர்கள் கூறுகையில், "இதயச் சுவர் கிழிந்து, இதய அறைகளுக்கு இடையில் அல்லது பெரிகார்டியத்தில் இரத்தம் கசியும் போது இதயத்தில் ஒரு முறிவு ஏற்படுகிறது." இது இதயம் இரத்தத்தை பம்ப் செய்வதை கடினமாக்குகிறது. இதன் உடலின் மற்ற பகுதிகளுக்கு போதுமான இரத்தம் செல்வதைத் தடுக்கப்படுகிறது.
இந்த பதிவும் உதவலாம்: இடது தோள்பட்டை மற்றும் கையில் வலியா? இது மாரடைப்பின் முதல் எச்சரிக்கை இருக்கலாம்! புறக்கணிக்காதீர்கள்!
இதய முறிவுக்கான முக்கிய காரணங்கள்
இதய தசை பலவீனம் (கார்டியோமயோபதி)
பல வகையான கார்டியோமயோபதிகள் இதய தசையை பலவீனப்படுத்தி, முறிவு ஏற்படும் அபாயத்தை அதிகரிக்கிறது. இதில் விரிவடைந்த கார்டியோமயோபதி, ஹைபர்டிராஃபிக் கார்டியோமயோபதி மற்றும் பெரிகார்டிடிஸ் ஆகியவை அடங்குகிறது.
மாரடைப்பு (மையோகார்டியல் இன்ஃபார்க்ஷன்)
மாரடைப்பு என்றும் அழைக்கப்படும் இதய முறிவானது, இதய செயலிழப்புக்கு ஒரு முக்கிய காரணமாக அமைகிறது. பொதுவாக, மாரடைப்பு ஏற்படும் போது இதயத்திற்கு செல்லும் இரத்தத்தை வழங்கும் தமனிகள் அடைக்கப்பட்டு, இதய தசைக்கு சேதத்தை ஏற்படுத்துகிறது. இந்த சேதம் இதய சுவரை பலவீனப்படுத்தி, முறிவு ஏற்படும் அபாயத்தை அதிகரிக்கிறது.
மார்பில் கடுமையான அழுத்தம்
இதில், மார்பில் ஏற்படும் கடுமையான அடி அல்லது விபத்தில் ஏற்படும் கடுமையான காயம் காரணமாக இதயச் சுவரில் ஒரு கிழிவை ஏற்படுத்தும். இது இதய முறிவுக்குக் காரணமாகும்.
சில மருந்துகளை உட்கொள்வது
சில வகையான புற்றுநோய் எதிர்ப்பு மருந்துகளின் பக்க விளைவுகளின் காரணமாக, இதய தசை பலவீனமடைதல், முறிவு ஏற்படும் அபாயம் அதிகரிக்கிறது.
இதய முறிவு ஏற்படுவதற்கான அறிகுறிகள்
இதய முறிவின் அறிகுறிகளை ஆரம்பத்திலேயே கண்டறிந்து தகுந்த நடவடிக்கை எடுப்பதன் மூலம், அதன் ஆபத்துகளைத் தடுக்கலாம். அதன் சில முக்கிய அறிகுறிகளைக் காணலாம்.
மூச்சுத் திணறல் - இதய முறிவு இரத்தத்தை பம்ப் செய்வதில் சிரமத்தை ஏற்படுத்துகிறது. இது மூச்சுத் திணறலுக்கு வழிவகுக்கக்கூடும்.
வேகமான மற்றும் ஒழுங்கற்ற இதயத் துடிப்பு - மாரடைப்பானது இதயத் துடிப்பு தொந்தரவுகளையும் வேகமான மற்றும் ஒழுங்கற்ற இதயத் துடிப்பையும் ஏற்படுத்தக்கூடும்.
கூர்மையான மற்றும் குத்தும் நெஞ்சு வலி - இந்த வலி பொதுவாக மார்பின் மையத்தில் ஏற்பட்டு தொடர்ந்து இருக்கலாம்.
இந்த பதிவும் உதவலாம்: ஈறு நோய் முதல் மன அழுத்தம் வரை.. மாரடைப்பை ஏற்படுத்தும் ஆபத்து காரணிகள் என்னென்ன தெரியுமா?
பலவீனம் மற்றும் தலைச்சுற்றல் - இதயத்தால் உடலின் மற்ற பகுதிகளுக்கு போதுமான இரத்தத்தை பம்ப் செய்ய முடியாது. இது பலவீனம் மற்றும் தலைச்சுற்றலை ஏற்படுத்தக்கூடும்.
மயக்கம் - கடுமையான சந்தர்ப்பங்களில், இதய செயலிழப்பு மயக்கத்தை ஏற்படுத்தலாம்.
வியர்வை - மாரடைப்பு என்பது ஒரு மன அழுத்த சூழ்நிலை மற்றும் குளிர் வியர்வையை ஏற்படுத்துகிறது.
இதய முறிவு தடுப்பு மற்றும் சிகிச்சை
இதய முறிவு ஏற்படுவதற்கான அறிகுறிகள் தோன்றினால், மருத்துவர்கள் எலக்ட்ரோ கார்டியோகிராம் (ECHO) பரிசோதனையை மேற்கொள்ளலாம். இந்த சோதனையில், இதயத்தை பரிசோதிக்கும் எக்கோ கார்டியோகிராம் (ECHO) செய்யப்படுகிறது. மேலும், CT ஸ்கேன் உள்ளிட்ட பிற சோதனைகளும் செய்யப்படுகிறது. பின்னர் நோயாளியின் நிலையைப் பொறுத்து சிகிச்சை தீர்மானிக்கப்படுகிறது.
மேலும், இதயத் துடிப்பைத் தடுப்பதற்கு, புகைபிடிப்பதை நிறுத்த வேண்டும். மேலும், ஆரோக்கியமான உணவை உண்ணுவது, தொடர்ந்து உடற்பயிற்சி செய்வது போன்றவற்றை மேற்கொள்ள வேண்டும். மேலும் இரத்த அழுத்தம், கொழுப்பு மற்றும் இரத்த சர்க்கரை அளவைக் கட்டுக்குள் வைத்திருக்க வேண்டும். மேலும், இதய நோயின் அறிகுறிகளை கண்டால், தாமதிக்காமல் மருத்துவரை அணுகுவது அவசியமாகும்.
இந்த பதிவும் உதவலாம்: காரமான உணவுகளை சாப்பிட்டால் மாரடைப்பு ஏற்படுமா? மருத்துவர் தரும் விளக்கம் இதோ
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Oct 15, 2025 18:54 IST
Published By : கௌதமி சுப்ரமணி
