ஈறு நோய் முதல் மன அழுத்தம் வரை.. மாரடைப்பை ஏற்படுத்தும் ஆபத்து காரணிகள் என்னென்ன தெரியுமா?

இன்றைய நவீன காலத்தில் மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவை பல பிரச்சனைகளுக்கு வழிவகுக்கிறது. இதில் உடல் எடை அதிகரிப்பு, நீரிழிவு நோய், இதய நோய், மாரடைப்பு மற்றும் பக்கவாதம் போன்ற பல்வேறு பிரச்சனைகள் ஏற்படலாம். அவ்வாறே, இதில் இதய பாதிப்புகளில் ஒன்றான மாரடைப்பு இளம் வயது நபர்களையும் பாதிக்கக்கூடிய ஒரு நாள்பட்ட நோயாக மாறிவிட்டது. ஆம். உண்மையில், இன்று சமீபகாலமாக மாரடைப்பால் பாதிக்கப்பட்டு, உயிரிழக்கும் நிலையை அடைகின்றனர். எனவே தான் மாரடைப்பு குறித்த விழிப்புணர் சமீபத்தில் பரவி வருகிறது.

பொதுவாக, மாரடைப்பு ஏற்பட பல்வேறு காரணங்கள் இருக்கலாம். ஆரோக்கியமற்ற உணவுமுறை, உடல்செயல்பாடு இல்லாமை போன்றவை இதற்குப் பின்னால் இருக்கும் என்பது பலரும் அறிந்த ஒன்றே. ஆனால், மாரடைப்பு ஆனது இன்னும் பல்வேறு காரணங்களால் ஏற்படும் என்பது உங்களுக்குத் தெரியுமா? அதிலும் நாம் மேற்கொள்ளும் சில பழக்கங்கள் இதய ஆரோக்கியத்தைப் பாதிக்கக்கூடியதாக அமைகிறது. அவ்வாறு, இதில் எந்தெந்த பழக்கங்கள் மாரடைப்பை ஏற்படுத்தும் என்பது குறித்து ஊட்டச்சத்து நிபுணர் மற்றும் எடை இழப்பு நிபுணருமான லீமா மகாஜன் தனது இன்ஸ்டாகிராம் பக்கத்தில் பகிர்ந்துள்ளார். அதைப் பற்றி இங்குக் காண்போம்.

இந்த பதிவும் உதவலாம்: 

மாரடைப்பை ஏற்படுத்தும் அன்றாட பழக்கங்கள்

நிபுணர் லீமா மகாஜன் அவர்களின் கூற்றுப்படி, “இதய நோய் ஆபத்து இரத்த அழுத்தம் அல்லது நீரிழிவு நோயால் மட்டுமல்ல, அன்றாட பழக்கவழக்கங்கள் மற்றும் மறைக்கப்பட்ட காரணிகளும் உங்கள் தமனிகளை சேதப்படுத்தி மாரடைப்புக்கான வாய்ப்புகளை அதிகரிக்கின்றன” என்று தனது பதிவில் குறிப்பிட்டுள்ளார். இதனைத் தொடர்ந்து எந்தெந்த காரணிகளால் மாரடைப்பு ஏற்படும் என்பது குறித்தும் விளக்கியுள்ளார்.

பிளேக் & ஈறு நோய்

பற்களின் ஆரோக்கியமின்மை அல்லது பற்கள் பாதிப்பினால் மாரடைப்பு ஏற்படக்கூடும். குறிப்பாக, பிளேக் மற்றும் ஈறு நோய் போன்றவை மாரடைப்புக்கு வழிவகுப்பதாக ஊட்டச்சத்து நிபுணர் குறிப்பிடுகிறார். இதற்கு முக்கிய காரணம், பாதிக்கப்பட்ட ஈறுகளில் இருந்து வரும் பாக்டீரியாக்கள், இரத்தத்தில் நுழைந்து, வீக்கத்தை ஏற்படுத்தி, தமனி சுவர்களின் அடைப்புக்கு வழிவகுக்கிறது. இவையே மாரடைப்பை ஏற்படுத்துகிறது.

அதிக நேரம் உட்கார்ந்திருப்பது

போதுமான உடல் செயல்பாடு இல்லாமல் அதிக நேரம் உட்கார்ந்திருப்பதும் இதய செயலிழப்புக்கு வழிவகுக்கலாம். இந்நிலையில், மணிக்கணக்கில் அதிக நேரம் உட்கார்ந்திருப்பது மெதுவாக சுழற்சியை ஏற்படுத்துகிறது. மேலும், இது சர்க்கரை மற்றும் கொழுப்பு வளர்சிதை மாற்றத்தை சீர்குலைக்கிறது. இவை இரத்த நாளங்களை கடினமாக்குவதுடன், மாரடைப்பை ஏற்படுத்துகிறது.

மோசமான தூக்கம் (<6 மணிநேரம்)

நாள்தோறும் போதுமான தூக்கம் இல்லாததன் காரணமாக, ஒருவரின் இரத்த அழுத்தம் அதிகமாகக்கூடும். இந்நிலையில், மன அழுத்த ஹார்மோன்களும் அதிகரிக்கிறது. இது அவர்களின் வளர்சிதை மாற்றத்தை சீர்குலைக்கிறது. இன்று பல்வேறு காரணங்களால் பலரும் 6 மணி நேரத்திற்கும் குறைவான தூக்கத்தைப் பெறுகின்றனர். எனவே நல்ல சீரான இரவு தூக்கத்தின் மூலம் மாரடைப்பு ஏற்படுவதைத் தடுக்க முடியும்.

குப்பை & அல்ட்ரா-பதப்படுத்தப்பட்ட உணவுகள்

இந்த வகை உணவுகளை உட்கொள்வதன் காரணமாக, மாரடைப்பு சம்பந்தமான பிரச்சனைகள் அதிகரிக்கலாம். அதாவது, சர்க்கரை, உப்பு மற்றும் ஆரோக்கியமற்ற கொழுப்புகள் அதிகம் உள்ள உணவுகள் வீக்கத்தைத் தூண்டுகிறது. மேலும் இது கொழுப்பை அதிகரிக்கும் மற்றும் தமனி அடைப்பை துரிதப்படுத்துகிறது.

இந்த பதிவும் உதவலாம்: 

நாள்பட்ட மன அழுத்தம்

ஒருவர் நாள்பட்ட மன அழுத்தத்தில் இருப்பது அவர்களுக்கு இரத்த அழுத்தத்தை அதிகரிக்கிறது. இதில் மன அழுத்த ஹார்மோன்கள் அதிகமாகி, உடலில் வீக்கத்தை ஊக்குவிக்கிறது. மேலும் இது இரத்த நாளங்களை பலவீனப்படுத்துகிறது. எனவே மன அழுத்தத்தைத் தவிர்ப்பதன் மூலம் மாரடைப்பு ஏற்படுவதைத் தடுக்கலாம்.

View this post on Instagram

A post shared by Leema Mahajan | Nutritionist & Weight loss specialist (@leemamahajan)

இதய ஆரோக்கிய உணவுகள்

நிபுணர் இந்த காரணிகளுடன், சில ஆரோக்கியமான உணவுகளையும் பகிர்ந்துள்ளார். அவரின் கூற்றுப்படி, இதய ஆரோக்கியத்திற்கு கொய்யா, மாதுளை, நெல்லிக்காய், கீரை, வெந்தி, பாசிப்பருப்பு, கொண்டைக்கடலை, வால்நட்ஸ், ஆளி விதைகள், ஓட்ஸ், சோளம் மற்றும் ராகி போன்றவற்றைச் சேர்க்க வேண்டும். இந்த தாவர அடிப்படையிலான உணவுகள் கொழுப்பைக் குறைக்கவும், வீக்கத்தைக் குறைக்கவும் மற்றும் இரத்த நாளங்களை நெகிழ்வாக வைத்திருக்கவும் உதவுகிறது.

மேலும் அவர், “இதயத்தைப் பாதுகாப்பது என்பது தினசரி பழக்கங்களை மேம்படுத்துவதாகும்: அதிகமாக நகர்வது, நன்றாக தூங்குவது, முழு உணவுகளையும் உண்ணுவது, மன அழுத்தத்தை நிர்வகிப்பது, வாய்வழி ஆரோக்கியத்தை கவனித்துக் கொள்வது போன்றவற்றைக் கையாள வேண்டும்” என பகிர்ந்துள்ளார்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: 

Image Source: Freepik