$
Can castor oil help with dry eyes: ஆமணக்கு எண்ணெய் என அழைக்கப்படும் விளக்கெண்ணெய் காலம் காலமாக ஆயுர்வேதத்திலும், வீட்டு வைத்தியத்திலும் பயன்படுத்தப்படும் பொருட்களில் ஒன்று. இது பல வழிகளில் ஆரோக்கியத்திற்கு நன்மை பயக்கும். தோல் மற்றும் கூந்தல் பிரச்சனைகளுக்கு இது ஒரு சஞ்சீவி என்று கூறலாம்.
இந்த எண்ணெய் பல கண் பிரச்சனைகளை குணப்படுத்தவும் உதவுகிறது என கூறப்படுகிறது. சமீபத்தில், ஆக்லாந்து பல்கலைக்கழக ஆராய்ச்சியாளர்களால் நடத்தப்பட்ட ஆய்வில், ஆமணக்கு எண்ணெய் பற்றிய மருத்துவ சோதனை நடத்தப்பட்டது. இந்த ஆய்வு முடிவில் விளக்கெண்ணெய் கண்களுக்கு நன்மை பயக்கும் என்பது நிரூபணமானது. இந்த ஆய்வைப் பற்றி விரிவாக பார்க்கலாம்.
இந்த பதிவும் உதவலாம் : Eye Flu: அதிகரிக்கும் மெட்ராஸ் ஐ; காரணங்கள் மற்றும் அறிகுறிகளை அறிவோம் வாருங்கள்
ஆய்வு கூறுவது என்ன?
ஆராய்ச்சியாளர்களின் கூற்றுப்படி, ஆமணக்கு எண்ணெய் கண்களுக்கு பாதுகாப்பானது மட்டுமல்ல, வறண்ட கண் பிரச்சனையைக் குறைக்கவும் உதவுகிறது. இந்த எண்ணெயில் ஈரப்பதமூட்டும் பண்புகள் உள்ளன. எனவே இது கண்களின் ஈரப்பதத்தை பராமரிப்பதன் மூலம் உலர் கண் பிரச்சனையிலிருந்து நிவாரணம் அளிக்க உதவுகிறது.
ஆய்வின்படி, ஆஸ்திரேலியாவில் 50 வயதுக்கு மேற்பட்டவர்களில் சுமார் 58 சதவீதம் பேர் உலர் கண் பிரச்சனையை எதிர்கொள்கின்றனர். ஆய்வில், உலர் கண் மற்றும் பிளெஃபாரிடிஸ் நோயால் பாதிக்கப்பட்ட 26 பேருக்கு 4 வாரங்களுக்கு ஆமணக்கு எண்ணெய் வழங்கப்பட்டது. அதன் பிறகு அவர்களின் அறிகுறிகள் குறைய துவங்கியது.
இந்த பதிவும் உதவலாம் : Pink Eye Infection : பிங்க் ஐ தொற்று கேள்விப்பட்டதுண்டா? அறிகுறிகள் எப்படி இருக்கும்? வராமல் தடுப்பது எப்படி?
கண்களுக்கு ஆமணக்கு எண்ணெயின் நன்மைகள்
- ஆமணக்கு எண்ணெய் பல வழிகளில் கண்களுக்கு நன்மை பயக்கும் என்று கருதப்படுகிறது.
- இந்த எண்ணெய் கண் வறட்சியைக் குறைப்பது மட்டுமல்லாமல் கண்ணீரில் இருக்கும் இயற்கை எண்ணெயையும் அதிகரிக்கிறது.
- இந்த எண்ணெய் கண்களின் அரிப்பைக் குறைக்கவும் உதவுகிறது.
- கண்கள் வீங்குதல், அதாவது கண்களில் ஏற்படும் வீக்கம் போன்ற பிரச்சனைகளும் நீங்கும்.
- கண்களுக்குக் கீழே உள்ள கருவளையங்களை நீக்கவும் இதைப் பயன்படுத்தலாம்.
இந்த பதிவும் உதவலாம் : Improve Eyesight: கண் பார்வையை மேம்படுத்த எளிய வழிகள்!
வறண்ட கண் பிரச்சினையில் இருந்து நிவாரணம் பெற
- வறண்ட கண்களில் இருந்து நிவாரணம் பெற, உங்கள் கண்களுக்கு சூடான அல்லது ஈரமான துணியைப் பயன்படுத்தலாம்.
- இதற்காக நீங்கள் ஈரப்பதமூட்டும் ஜெல் அல்லது களிம்பு பயன்படுத்தலாம். ஆனால், அதைப் பயன்படுத்துவதற்கு முன்பு, நிச்சயமாக ஒரு மருத்துவரை அணுகவும்.
இந்த பதிவும் உதவலாம் : Kan Imai Veekam: கண் இமை வீக்கம் ஏற்பட இதெல்லாம் காரணமாம்!
- இதற்கு கண்களை சுத்தமாக வைத்துக்கொள்ளுங்கள். மேலும், போதுமான அளவு தண்ணீர் குடித்து, உங்களை நீரேற்றமாக வைத்துக் கொள்ளுங்கள்.
Pic Courtesy: Freepik
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version