How To Lose Weight With Breathing Exercises: உடல் எடையைக் குறைக்க பலரும் பல வழிகளைத் தேர்வு செய்கின்றனர். இதில் பலரும் எளிதான முறையில் உடல் எடையைக் குறைக்கவே விரும்புகின்றனர். உணவுமுறை மாற்றங்கள், வாழ்க்கை முறை மாற்றங்களின் மூலமாக உடல் எடையைக் குறைப்பது பொதுவானதாகும். இதனுடன் எளிய முறையாக சுவாச பயிற்சியை மேற்கொள்ளலாம். சுவாச பயிற்சிகள் உடல் ஆரோக்கியம் மட்டுமல்லாமல் மன ஆரோக்கியத்தையும் மேம்படுத்துவதாக அமைகிறது.
சுவாசம் என்பது ஒரு தானியங்கி செயல்முறையாகக் கருதப்படுகிறது. சுவாசப் பயிற்சி செய்வதை பலரும் வழக்கமாக்கிக் கொண்டுள்ளனர். இதில் கவனிக்க வேண்டியதாக அமைவது இந்த சுவாசப் பயிற்சிகள் உடல் எடையைக் குறைப்பதிலும் உதவுகிறது என்பது குறித்து காணலாம். இந்த சுவாசப் பயிற்சிகள் மன அழுத்தத்தைக் குறைப்பதற்கும், வளர்ச்சிதை மாற்ற செயல்பாட்டை மேம்படுத்தவும், பசியைக் கட்டுப்படுத்தவும் உதவுகிறது.
முக்கிய கட்டுரைகள்
-1751385849349.jpg)
-1745778518611.jpg)
இந்தப் பதிவும் உதவலாம்: Neck Pain Exercises: தீராத கழுத்து வலியிலிருந்து நிவாரணம் பெற இந்த உடற்பயிற்சிகளை செய்யுங்க
சுவாசத்திற்கும் எடையிழப்புக்கும் இடையே உள்ள தொடர்பு
சுவாசப் பயிற்சிகளை மேற்கொள்வது உடல் எடையிழப்புக்கு பெரிதும் உதவுகிறது. இதில் எடை குறைய சுவாச பயிற்சிகள் செய்வதன் நன்மைகளைக் காணலாம்.
வளர்ச்சிதை மாற்ற மேம்பாடு
சரியான சுவாச நுட்பங்களை மேற்கொள்வது ஆக்ஸிஜன் உட்கொள்ளலை மேம்படுத்துகிறது. இது திறமையான செல்லுலார் வளர்ச்சிதை மாற்றத்திற்கு மிகவும் முக்கியமானது. இந்த அதிகரித்த ஆக்ஸிஜன் அளவுகள் ஓய்வு வளர்ச்சிதை மாற்ற விகிதத்தை அதிகரிக்கிறது. அதாவது உடல் ஓய்வு நேரத்தில் கூட அதிகளவிலான கலோரிகளை எரிக்க உதவுகிறது. 
பசியைக் கட்டுப்படுத்துதல்
சில வகையான சுவாசப் பயிற்சிகள் பசியைக் கட்டுப்படுத்த உதவும் சிறந்த பயிற்சியாகும். இந்த நுட்பங்கள் முழுமையின் உணர்வை அதிகரிக்கிறது. இந்த முழுமை உணர்வின் மூலம் அதிகம் சாப்பிடுவதற்கான தூண்டுதலைக் கட்டுப்படுத்த உதவுகிறது.
மன அழுத்தத்தைக் குறைப்பது
மன அழுத்தத்துடன் இருப்பது உடலில் கார்டிசோலின் வெளியீட்டைத் தூண்டலாம். இது பசி அதிகரிப்பு மற்றும் கொழுப்பு சேமிப்பை ஊக்குவிக்கலாம். அதிலும் குறிப்பாக, வயிற்றுப் பகுதியில் கொழுப்பு அதிகரிப்பைத் தூண்டுகிறது. இதற்கு சுவாசப் பயிற்சிகள் சிறந்த தேர்வாகும். ஏனெனில், சுவாசப் பயிற்சிகள் செய்வது உடலில் கார்டிசோலின் அளவைக் குறைக்க உதவுகிறது. இதன் மூலம் மன அழுத்தம் மற்றும் அது தொடர்பான எடை அதிகரிப்பையும் குறைக்கிறது.
இந்தப் பதிவும் உதவலாம்: எக்சர்சைஸ் பண்ணா மூளை ஷார்ப்பா இருக்குமா? ஆராய்ச்சியாளர்கள் சொல்லும் ரகசியம்
எடை இழப்பிற்கு உதவும் சுவாசப் பயிற்சிகள்
எடை இழப்பு பயணத்தில் சில குறிப்பிட்ட சுவாசப் பயிற்சிகளை மேற்கொள்ளலாம். அவற்றைப் பற்றி இங்குக் காணலாம்.
உதரவிதான சுவாசம்
- இந்த ஆசனம் செய்வதற்கு முதலில் ஒரு வசதியான நிலையில் உட்கார்ந்து அல்லது படுத்துக் கொள்ள வேண்டும்.
- பின் ஒரு கையை மார்பிலும், மற்றொன்றை வயிற்றிலும் வைக்க வேண்டும்.
- பிறகு மூக்கின் வழியாக மூச்சை உள்ளிழுக்க வேண்டும்.
- உதரவிதானம் செய்யும் போது நுரையீரலில் ஒரு நீட்சியை உருவாக்க போதுமான காற்றை உயர்த்துவதை உறுதிசெய்ய வேண்டும்.
நன்மைகள்
உதரவிதானம் செய்வது உடல் முழுவதும் ஆக்ஸிஜன் ஓட்டத்தை அதிகரிக்க உதவுகிறது. இது தளர்வை ஊக்குவிப்பதுடன், மன அழுத்தத்தைக் குறைக்கிறது.
செனோபி சுவாசம்
- முதலில் கைகளை உயர்த்தி, சற்று பின்னோக்கி சாய்ந்து நேராக நின்று ஆழமாக சுவாசிக்க வேண்டும்.
- இதில் மூச்சை வெளியேற்றுவதற்கு முன், ஆரம்ப நிலைக்குத் திரும்புவதற்கு முன்னதாக சில வினாடிகள் இந்நிலையில் வைத்திருக்க வேண்டும்.
நன்மைகள்
ஒரு மாத்திற்கு செனோபி சுவாசத்தை மேற்கொள்வது உடலில் நிறைந்துள்ள கொழுப்பின் அளவைக் கணிசமாகக் குறைக்க உதவுகிறது.
இந்தப் பதிவும் உதவலாம்: Morning Stretches: உடல் எடையைக் குறைக்க உதவும் சிம்பிளான ஸ்ட்ரெட்சஸ்!
Box Breathing
- இந்த வகை ஆசனத்தில் மூக்கின் வழியாக மூச்சை உள்ளிழுத்து, நான்கு எண்ணிக்கைக்கு மூச்சைப் பிடித்து, பிறகு நான்கு எண்ணிக்கையில் வாய் வழியாக மூச்சை வெளியேற்ற வேண்டும்.
- பிறகு நான்கு எண்ணிக்கைக்கு மூச்சை மீண்டும் பிடித்துக் கொள்ள வேண்டும். இதை செய்வது ஒரு பெட்டியைக் காட்சிப்படுத்திக் கொள்ள வேண்டும்.
நன்மைகள்
இந்த சுவாச பயிற்சி மன அழுத்தத்தை நிர்வகிப்பதற்கும், மன தெளிவை மேம்படுத்துவதற்கும் மிகவும் பயனுள்ளதாக அமைகிறது. இது கடைசியாக எடையிழப்புக்கு வழிவகுக்கிறது.
மாற்று நாசி சுவாசம் (நாடி ஷோதனா)
- நாடி ஷோதனா ஆசனத்தில் முதலில் வசதியான நிலையில் அமர வேண்டும்.
- பின் கட்டை விரல்களால் வலது நாசியை மூடி, இடது நாசி வழியாக ஆழமாக உள்ளிழுக்க வேண்டும்.
- பிறகு மோதிர விரலால் இடது நாசியை மூடி, வலது நாசி வழியாக மூச்சை வெளியே விட வேண்டும். இந்நிலையை பல நிமிடங்களுக்குத் தொடரவும்.
நன்மைகள்
இந்த ஆசனம் உடலின் ஆற்றலைச் சமநிலைப்படுத்தவும், மன அழுத்தத்தைக் குறைக்கவும், கவனத்தை அதிகரிக்கவும் உதவுகிறது. 
4-7-8 சுவாசம்
- முதலில் வசதியாக உட்கார்ந்து அல்லது படுத்துக் கொள்ள வேண்டும்.
- இந்நிலையில் மூக்கின் வழியாக நான்கு விநாடிகள் உள்ளிழுக்கவும், ஏழு விநாடிகள் மூச்சைப் பிடித்து, எட்டு விநாடிகளுக்கு வாய் வழியாக முழுமையாக மூச்சை வெளியேற்ற வேண்டும்.
- இந்த சுழற்சியை நான்கு முறை செய்யலாம்.
நன்மைகள்
இந்த ஆசனம் செய்வது நரம்பு மண்டலத்தை அமைதிப்படுத்தவும், மன அழுத்தத்தைக் குறைக்கவும் உதவுகிறது. மேலும் இது தூக்கத்தின் தரத்தை மேம்படுத்த உதவுகிறது, இவை அனைத்தும் எடை இழப்பு முயற்சிகளை ஆதரிக்கிறது.
இந்த வகை ஆசனங்கள் செய்வது உடல் எடையைக் குறைப்பதில் மிக முக்கிய பங்கு வகிக்கிறது.
இந்தப் பதிவும் உதவலாம்: Walking Benefits: தினமும் 10,000 ஸ்டெப்ஸ் நடந்தா, இந்த பிரச்சனை வரவே வராதாம்!
Image Source: Freepik