Rice Side Effects: அரிசி பிரியரா நீங்கள்?… அப்போ இதை கட்டாயம் தெரிஞ்சிக்கோங்க!

$

White Rice Side Effects: “நான் டயட்ல இருக்கேன் அரிசி சாதம் சாப்பிட மாட்டேன்” என கெத்து காட்டும் ஃபிட்னஸ் பீரிக் கூட, ‘சீட் டே’ என்ற பெயரில் கொஞ்சமாவது வெள்ளை சாதம் சாப்பிடாமல் விடமாட்டார்கள். இன்னும் சிலருக்கு கல்யாண பந்தியில் உட்கார்ந்துவிட்டாலே டயட் என்பது மறந்துவிடும். அந்த அளவிற்கு வாழை இலை விருந்தை வெளுத்து வாங்குவார்கள்.

என்ன செய்ய நூற்றாண்டுகளாக பழகிவிட்ட அரிசிக்கு பதிலாக, தென்னிந்தியர்கள் இப்போது தான் மெல்ல மெல்ல சிறுதானியங்கள், ஓட்ஸ், கோதுமை, பார்லி என மாறி வருகின்றனர். இருப்பினும் அரிசி மீதான காதலை அவ்வளவு எளிதில் மறக்க முடிவதில்லை.

“அரிசி சாதம் சாப்பிடுவது அவ்வளவு குத்தமா?”… ”நமது முன்னோர்கள் அதை சாப்பிட்டு ஆரோக்கியத்துடன் தானே வாழ்ந்தார்கள்?….” என அடுக்கடுக்கான கேள்விகள் எழலாம். அரிசி சாதம் சாப்பிடுவது தவறல்ல, அதை எந்த அளவிற்கு, எந்த நேரத்தில் சாப்பிடுகிறோம் என்பது தான் நமது ஆரோக்கியத்தை தீர்மானிக்கிறது.

தென் மாநிலங்களில் உள்ள பெரும்பாலான மக்களுக்கு அரிசி பிரதான உணவாக உள்ளது. சப்பாத்தியை விட சாதம் தயாரிப்பது மிகவும் எளிதானது என்பதால் சிலர் வழக்கமான உணவில் சப்பாத்திக்கு பதிலாக சாதம் எடுத்துக்கொள்கிறார்கள். அதேசமயம் சாதம் சாப்பிட்டால் உடல் எடை கூடிவிடும் என்று நினைத்து அரிசியைத் தொடாமல் இருப்பவர்களும் இருக்கிறார்கள். நீரிழிவு நோயால் பாதிக்கப்பட்டவர்களும் அரிசியை குறைந்த அளவில் எடுத்துக் கொள்ள வேண்டும்.

இதையும் படிங்க: Healthy Teeth: சாப்பிட்ட உடனேயே இத செய்யவேக் கூடாது - பல் மருத்துவர் எச்சரிக்கை!

அரிசியை அதிகமாக சாப்பிட்டால் என்னென்ன மாதிரியான எதிர்வினைகள் ஏற்படும் என அறிந்து கொள்வோம்…

வாயு தொல்லை:

அரிசி உங்கள் வயிற்றை மிக எளிதாக நிரம்பச் செய்கிறது. இதனால் வயிறு வீங்கியது போல் உணரலாம். சாதம் சாப்பிட்ட உடனேயே படுக்கைக்குச் செல்வது உடல் நலத்திற்கு நல்லதல்ல. இருப்பினும், அரிசியின் நன்மை என்னவென்றால், அவை எளிதில் செரிமானமாகும். நீங்கள் அரிசி சாப்பிட்ட பிறகு அடிக்கடி பசியுடன் இருப்பீர்கள், இது அதிகமாக சாப்பிடுவதற்கு வழிவகுக்கிறது.

சர்க்கரை அளவு அதிகரிப்பு:

அரிசியில் அதிக அளவு மாவுச்சத்து உள்ளது, அதை அதிகமாக உட்கொண்டால் நீரிழிவு நோயை அதிகரிக்கலாம். அதிக மாவுச்சத்து இருப்பதால், அரிசி உடலில் சர்க்கரையின் அளவை அதிகரிக்கிறது, எனவே நீரிழிவு நோயாளிகள் இதை உட்கொள்ளாமல் இருப்பது நல்லது.

கிளைசெமிக் இன்டெக்ஸ் (ஜிஐ) என்பது உங்கள் உடல் எவ்வளவு விரைவாக கார்போஹைட்ரேட்டுகளை உறிஞ்சக்கூடிய சர்க்கரைகளாக மாற்றுகிறது என்பதற்கான அளவீடு ஆகும். குறைந்த ஜிஐ உணவுகள் டைப் 2 நீரிழிவு நோயாளிகளுக்கு ஆரோக்கியமானதாகத் தோன்றுகிறது, ஏனெனில் அவை இரத்த சர்க்கரை அளவுகளில் மெதுவாக ஆனால் நிலையான உயர்வை உருவாக்குகின்றன.

இதையும் படிங்க: Javvarisi Benefits: ஜவ்வரிசி சாப்பிடுவது உடலுக்கு நல்லதா? - உண்மையான ஆரோக்கிய நன்மைகள் என்னென்ன?

அதிக ஜிஐ கொண்ட உணவுகள் இரத்த சர்க்கரையை வேகமாக அதிகரிக்க தூண்டும். வெள்ளை அரிசியில் 64 GI உள்ளது, இது இரத்த சர்க்கரையாக மாறும். எனவே இது சர்க்கரை நோயாளிகளுக்கு ஏற்றதல்ல.

எடை அதிகரிப்பு:

சமைத்த அரிசியில் அதிக கலோரிகள் உள்ளன, அதனால்தான் அரிசி சாப்பிடுவது உங்கள் எடையை அதிகரிக்கும். உங்கள் எடையைக் கட்டுக்குள் வைத்திருக்க, அரிசியை மிதமான அளவில் சாப்பிடுங்கள்.

மேலும் அரிசி சுத்திகரிப்பட்ட தானியமாக கருதப்படுகிறது. அதாவது அரிசி மீதுள்ள தவிடு நீக்கப்பட்டு, பாலிஷ் செய்யப்படுவதால் அதிலுள்ள சத்துக்கள் அகற்றப்படுகின்றன. இதனால் உடல் எடையை குறைக்க விரும்புவோருக்கு எந்த வகையிலும் அரிசி பலனளிக்காது என ஊட்டச்சத்து நிபுணர்கள் எச்சரிக்கின்றனர்.

சில ஆய்வுகள் வெள்ளை அரிசி எடை அதிகரிப்பு, தொப்பை கொழுப்பு மற்றும் உடல் பருமன் போன்றவற்றுடன் தொடர்புடையது என்பது உறுதிபடுத்தியுள்ளன.

சோம்பல்:

நீங்கள் மதிய உணவில் நிறைய அரிசி சாப்பிட்டால், சாப்பிட்ட உடனேயே தூக்கம் வரலாம். அரிசியில் அதிக கலோரிகள் இருப்பதால் இது நிகழ்கிறது மற்றும் வளர்சிதை மாற்ற செயல்முறை தொடங்கியவுடன் உங்கள் உடலை சோர்வடையச் செய்கிறது.

Image Source: Freepik