சைத்ரா ரெட்டியின் அசத்தலான அக்கி ரொட்டி ரெசிபி! இப்படி செஞ்சா மிச்சமே இருக்காது

அக்கி ரொட்டி டாகோஸ் ரெசிபி தயார் செய்யும் முறை

இதில் முதலில் அக்கி ரொட்டி தயார் செய்யத் தேவையான பொருள்கள் மற்றும் செய்முறை குறித்துக் காணலாம்.

தேவையானவை

• தண்ணீர் - 11/2 கப்
• உப்பு - 1/2 டீஸ்பூன்
• எண்ணெய் - 1 டேபிள் ஸ்பூன்
• அரிசி மாவு - 1 கப்

இந்த பதிவும் உதவலாம்: Kovil Puliyodharai Powder: கோவில் சுவையில் வீட்டிலேயே புளியோதரை பவுடர் தயாரிப்பது எப்படி?

செய்முறை

• முதலில் வாணலி ஒன்றை அடுப்பில் வைத்து தண்ணீரை ஊற்றி உப்பு, எண்ணெய் போன்றவற்றைக் கொடுக்கப்பட்ட அளவில் சேர்க்க வேண்டும்.
• பின் இதில் அரிசி மாவு சேர்த்து நன்றாகக் கலக்க வேண்டும். இதை மிதமான தீயில் வைத்து கட்டிகள் இல்லாதவாறு கலக்க வேண்டும்.
• பிறகு அடுப்பை அணைத்து, அதை ஆற விட வேண்டும்.
• சூடு ஆறிய பிறகு, கையில் மாவை நன்கு மென்மையாக மாறும் வரை பிசைந்து கொள்ள வேண்டும்.
• இவ்வாறு குறைந்தது 2 முதல் 3 நிமிடங்கள் அழுத்தம் கொடுத்து மாவை பிசைய வேண்டும்.
• பின் அரிசி மாவு தூவி, சப்பாத்திக்கு மாவு உருட்டுவதை போல, உருட்டிக் கொள்ளலாம்.
• நன்கு மெலிதாக உருட்டி, வட்ட வடிவில் கொண்டு வர வேண்டும். இல்லையெனில் வட்ட வடிவிலான பாத்திரத்தைக் கொண்டு மாவை அதே வடிவில் எடுத்துக் கொள்ள வேண்டும்.
• பிறகு அடுப்பில் தோசைக்கல் வைத்து சிறிது எண்ணெய் தடவி அதில் அக்கி ரொட்டியைச் சேர்க்கலாம்.
• இரு புறமும் நன்கு வேகவைத்துக் கொள்ள வேண்டும்.
• இதை அழுத்தம் கொடுத்து கரண்டியால் அழுத்தும் போது, உப்பிய நிலைக்கு வரும்.

அக்கி ரொட்டி ஸ்டஃப்டு தயாரிக்கும் முறை

இதில் அக்கி ரொட்டியினுள் வைக்கும் ஸ்டஃப்பிங் தயாரிக்கும் முறை குறித்துக் காணலாம்.

தேவையானவை

• எண்ணெய் - 2 டேபிள் ஸ்பூன்
• பெரிய வெங்காயம் - 1 (நீளமாக நறுக்கியது)
• பச்சை மிளகாய் - 1 (நறுக்கியது)
• குடைமிளகாய் - 1 (நீளமாக நறுக்கியது)
• கேரட் - 1 (நீளமாக நறுக்கியது)
• உப்பு - தேவையான அளவு
• சோளம் - 1 சிறிய கப்
• மிளகாய் தூள் - 1/2 டீஸ்பூன்
• சீரகத் தூள் - 1/2 டீஸ்பூன்
• துளசி இலை - சிறிதளவு (தூளாக்கப்பட்டது)
• தக்காளி கெட்சப் - 1 டேபிள் ஸ்பூன்

இந்த பதிவும் உதவலாம்: Vazhakkai Kola Urundai: கலக்கலான சுவையில் வாழைக்காய் கோலா உருண்ட ரெசிபி! எப்படி செய்வது?

செய்முறை

• முதலில் பாத்திரம் ஒன்றை அடுப்பில் வைத்து அதில் எண்ணெய், பெரிய வெங்காயம், பச்சை மிளகாய், குடைமிளகாய், கேரட், உப்பு போன்றவற்றை மேலே கூறப்பட்டவாறு சேர்க்க வேண்டும்.
• பிறகு அதில் சோளம், மிளகாய் தூள், சீரகத் தூள், துளசி இலை மற்றும் தக்காளி கெட்சப் போன்றவற்றையும் குறிப்பிடப்பட்ட அளவில் சேர்த்துக் கொள்ள வேண்டும்.
• இதை 2 நிமிடம் அடுப்பில் வைத்து நன்றாக வதக்க வேண்டும்.

அக்கி ரொட்டி டாகோஸ் தயாரிக்கும் முறை

இப்போது அக்கி ரொட்டி மற்றும் ஸ்டஃப்டு சேர்த்து தயார் செய்யப்படும் அக்கி ரொட்டி டாகோஸ் எப்படி செய்வது என்பதைப் பார்ப்போம்.

• அக்கி ரொட்டியை எடுத்து சிறிது தக்காளி கெட்சப் சேர்த்து சீஸை துருவி பரவலாகச் சேர்க்கலாம்.
• பின் தயார் செய்த ஸ்டஃபிங்கை ரொட்டியின் சீஸ் மீது பரவலாக பாதி வரை சேர்க்க வேண்டும்.
• பிறகு ரொட்டியை அப்படியே மூடி வைக்க வேண்டும்.
• அதன் பின், வாணலி ஒன்றில் எண்ணெய் சேர்த்து, நன்கு சூடான பிறகு இந்த ஸ்டஃப்பிங் ரொட்டியைச் சேர்க்க வேண்டும். இது மிதமான தீயில் நன்கு பொரிந்த பிறகு எடுத்து விடலாம்.
• இப்போது சூப்பரான அக்கி ரொட்டி டாகோஸ் ரெசிபி தயாரானது.

இதை வீட்டிலேயே எளிதான முறையில் செய்து அசத்தி பரிமாறலாம். இது சுவையுடன், பல்வேறு காய்கறிகளின் ஆரோக்கியமிக்க ஊட்டச்சத்துக்களையும் தருகிறது.

இந்த பதிவும் உதவலாம்: Pudina Kulambu Recipe: புதினா சட்னி செஞ்சி போர் அடிக்குதா? புதினா குழம்பு இப்படி செஞ்சி சாப்பிடுங்க

Image Source: Freepik