$
Yoga asanas for strong spine: இன்றைய நவீன காலகட்டத்தில் போதிய உடல்செயல்பாடு இல்லாதது, நீண்ட நேர உட்கார்ந்த வாழ்க்கை முறை உள்ளிட்ட பல்வேறு காரணங்களால் மக்கள் பலதரப்பட்ட பிரச்சனைகளைச் சந்திக்கின்றனர். இதனால் முதுகு வலி, இடுப்பு வலி, உடல் எடை அதிகரிப்பு உள்ளிட்ட பல்வேறு பிரச்சனைகள் எழலாம். குறிப்பாக, பலவீனமான முதுகெலும்பு பிரச்சனை அறிகுறிகளை அன்றாட வாழ்க்கையில் ஏற்படுத்தும் தாக்கத்தை உணராமல் நம்மால் அறிய முடியாது.
பலவீனமான முதுகெலும்பு காரணமாக அடிக்கடி சாய்வது, நேரான தோரணையை பராமரிக்க போராடுவது அல்லது முதுகில் தொடர்ந்து அசௌகையம் போன்றவை ஏற்படலாம். இது தவிர, கீழே குனிவது போன்ற எளிமையான செயல்களின் மூலம் விறைப்பு அல்லது வலி ஏற்பட வாய்ப்புண்டு. இதிலிருந்து விடுபட சிறந்த, இயற்கையான தேர்வாக யோகாசனங்களை செய்யலாம். யோகா போன்ற இலக்குகளின் மூலம் முதுகெலும்பு ஆதரவு மற்றும் வலுவூட்டல் நன்றாக இருக்கும். மேலும் யோகா செய்வது நெகிழ்வுத்தன்மை, தோரணையை மேம்படுத்துகிறது. இவை முதுகுத் தண்டை ஆதரிக்கும் தசைகளை வலுப்படுத்துகிறது.
இந்த பதிவும் உதவலாம்: தீராத மலச்சிக்கல் பிரச்சனையால் அவதியா? இந்த யோகாசனம் செய்யுங்க
முதுகெலும்பு ஆரோக்கியத்திற்கான யோகாசனங்கள்
முதுகெலும்பு ஆரோக்கியத்தை வலுப்படுத்தவும், அசௌகரியத்தைக் குறைக்கவும், வாழ்க்கைத் தரத்தை மேம்படுத்தவும் உதவும் சிறந்த யோகாசனங்கள் சிலவற்றைக் காணலாம்.
மார்ஜரியாசனம்-பிட்டிலாசனம் (Cat-Cow Pose)
இந்த ஆசனமானது முதுகெலும்பு ஆரோக்கியத்திற்கான சிறந்த யோகாசனம் ஆகும். இதில், கைகள் மற்றும் முழங்கால்கள் நிலையில் இருந்து தொடங்கி, மணிக்கட்டுகளை தோள்களுக்குக் கீழேயும், முழங்கால்களை இடுப்புக்குக் கீழேயும் வைக்க வேண்டும். பின், தலை மற்றும் வால் எலும்பை பிட்டிலாசனம் போஸில் தலையை உயர்த்தில் மூச்சை உள்ளிழுக்கலாம். அதன் பிறகு கன்னத்தை மார்பை நோக்கி இழுத்தி, முதுகெலும்பை பூனை போஸில் வளைக்கலாம். இப்போது மூச்சை வெளியே விட வேண்டும். இவ்வாறு செய்வது நெகிழ்வுதன்மையை அதிகரிக்கவும், முதுகெலும்பு பிரச்சனையைக் குறைக்கவும் உதவுகிறது.
பாலாசனா (Child Pose)
குழந்தை போஸ் என்றழைக்கப்படும் பாலாசனா, முதுகெலும்பு ஆரோக்கியத்திர்கு உதவுகிறது. இந்த ஆசனத்தில் கீழ் முதுகு மெதுவாக நீட்டப்படுகிறது. இதில் பாயில் மண்டியிட்டு, முன்னோக்கி குனிந்து கைகளை முன்னால் நீட்ட வேண்டும். இப்போது குதிகால் மீது மீண்டும் உட்கார்ந்து கொள்ளலாம். இவ்வாறு செய்வது தளர்வை ஊக்குவித்து, முதுகெலும்பு பதற்றத்தை விடுவிக்க உதவுகிறது.
திரிகோணசனா (Trikonasana)
முக்கோண போஸ் என்றழைக்கப்படும் திரிகோணசனா செய்வது முதுகை பலப்படுத்துகிறது. மேலும் முதுகெலும்பை நீட்டை உதவுகிறது. இந்த திரிகோணசனா செய்யும் போது, முதலில் கால்களை அகலமாக வைத்து, உங்கள் கைகளை நீட்டி, உங்கள் உடற்பகுதியை ஒரு பக்கமாக சாய்த்து, உங்கள் கணுக்கால் வரை அடைய வேண்டும். இந்த தோரணை ஆனது நெகிழ்வுத் தன்மையை மேம்படுத்தவும், முதுகெலும்பை சீராக்கவும் உதவுகிறது.
இந்த பதிவும் உதவலாம்: Yoga for Back Pain: ரொம்ப நேரம் உட்கார்ந்து முதுகு வலியா? இந்த யோகாசனங்களை செய்யுங்க
அதோ முக ஸ்வனாசனம் (Downward Facing Dog)
கீழ்நோக்கி எதிர்கொள்ளும் நாய் என்றழைக்கப்படும் இந்த ஆசனம் அதோ முக ஸ்வனாசனம் என்றும் குறிப்பிடப்படுகிறது. இந்த பிரபலமான ஆசனமானது முதுகு தசைகளை பலப்படுத்தவும், முழு முதுகெலும்பை நீட்டவும் உதவுகிறது. இந்த ஆசனத்தில் முதலில் கைகள் மற்றும் முழங்கால்கள் நிலையில் தொடங்க வேண்டும். பிறகு உடலுடன் தலைகீழ் V ஐ உருவாக்க இடுப்பை உயர்த்த வேண்டும். பின் கைகளை பாயில் உறுதியாக அழுத்தும்போது, நீட்டிக்கப்பட்ட முதுகெலும்பை பராமரிக்கலாம். இந்த நிலைப்பாடு ஆனது தோரணையை மேம்படுத்த உதவுகிறது.
புஜங்காசனம் (Cobra Pose)
கோப்ரா-போஸ் என்றழைக்கப்படும் புஜங்காசனம் ஆனது முதுகுத்தண்டில் உள்ள தசைகளை வலுப்படுத்தும் ஒரு சிறந்த யோகாசனமாகும். இந்த யோகாசனத்தில் தோள்களுக்குக் கீழே உங்கள் கைகளால் குப்புற படுத்துக் கொள்ள வேண்டும். பின் முழங்கைகளை சற்று வளைத்து, உள்ளங்கையில் அழுத்தி, மெதுவாக மார்பை தரையிலிருந்து உயர்த்தலாம். இப்போது கீழ் முதுகில் சிரமப்படுவதைத் தவிர்க்க உங்கள் பின் தசைகளைப் பயன்படுத்தலாம். இந்த ஆசனம் செய்வது முதுகுத்தண்டில் உள்ள விறைப்பைப் போக்க உதவுகிறது. மேலும் அதன் நெகிழ்வுத்தன்மையை மேம்படுத்துகிறது.
இந்த யோகாசனங்கள் வலுவான மற்றும் ஆரோக்கியமான முதுகெலும்புக்கு வழிவகுக்கிறது. எனினும் உடல்நல பிரச்சனைகள் உள்ளவர்கள் அல்லது புதிதாக செய்பவர்கள் யோகா நிபுணரின் மேற்பார்வையில் இந்த ஆசனங்கள் செய்வது நல்லது.
இந்த பதிவும் உதவலாம்: Yoga For Neck Hump: கூன் முதுகை நேராக்க, இந்த ஐந்து யோகாசனங்களை மட்டும் செய்யுங்க
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
