$
Why you are not getting slim even after workout: மோசமான வாழ்க்கை முறை மற்றும் தவறான உணவு பழக்கங்களால், உடல் பருமன் அதிகரிப்பது சாதாரண விஷயமாகி விட்டது. ஆனால், ஏறிய எடையை குறைப்பது என்பது அவ்வளவு சாதாரணமான விஷயம் அல்ல. உடல் எடையை குறைக்க நம்மில் பலர் ஜிம்மில் மணிக்கணக்கில் வியர்வை சிந்த உடற்பயிற்சி செய்வார்கள்.
இன்னும் சிலர் யோகா செய்வார்கள். ஆனாலும், சிலர் தங்கள் எடையை குறைக்க சிரமப்படுவார்கள். இப்படி ஏன் நடக்கிறது என எப்போதாவது நீங்கள் யோசித்தது உண்டா? நீங்களும் இது போன்ற பிரச்சினையை சந்தித்தால், இதற்கான காரணத்தை நாங்கள் உங்களுக்கு கூறுகிறோம்.
இந்த பதிவும் உதவலாம் : Metabolism Boosting Tips: மெட்டபாலிசத்தை அதிகரிக்க சூப்பர் டிப்ஸ்!
உடற்பயிற்சி செய்தும் எடை குறையாமல் இருக்க என்ன காரணம்?
- உடல் எடையை குறைக்க, ஜிம்மில் வியர்வை சிந்த உடற்பயிற்சி செய்வது மட்டும் போதாது. இதனுடன், உங்கள் உணவிலும் நீங்கள் முழு கவனம் செலுத்த வேண்டும். வொர்க்அவுட்டுடன் சரியான டயட்டை எடுத்துக் கொள்ளாவிட்டால், எடை குறையை குறைக்க முடியாது. நிபுணர்களின் கூற்றுப்படி, நீங்கள் 2 முதல் 3 மணிநேரம் கூட உடற்பயிற்சி செய்துவிட்டு, கொழுப்பு மற்றும் கலோரிகள் நிறைந்த உணவை சாப்பிட்டால், உடல் எடையை குறைப்பது கடினம்.
- மன அழுத்தம் அதிகமாக இருந்தால், உடற்பயிற்சி செய்தும் எந்த பயனும் இருக்காது. உண்மையில், சிலர் அதிக மன அழுத்தத்தில் இருப்பார்கள், இதன் காரணமாக உடலில் கார்டிசோல் ஹார்மோன் வேகமாக அதிகரிக்கிறது. இதனால், ஒரு நபர் மீண்டும் மீண்டும் பசியை உணர்வார். பசியைப் போக்க, மக்கள் அதிக கலோரிகள் மற்றும் சர்க்கரை உள்ள உணவுகளை உட்கொள்ளத் தொடங்குகிறார்கள், இது எடை அதிகரிப்புக்கு வழிவகுக்கிறது.
இந்த பதிவும் உதவலாம் : மட்டன் சாப்பிட்டால் கொலஸ்ட்ரால் கூடுமா? - மருத்துவர் சொல்லும் உண்மை!
- சுறுசுறுப்பாக இருக்க தண்ணீர் குடிப்பது மிகவும் அவசியம். ஆனால், சிலர் தங்களை நீரேற்றமாக வைத்திருக்க மாட்டார்கள். தண்ணீர் குடிப்பது உடலில் உள்ள கழிவுகளை வெளியேற்ற உதவுகிறது. இது வளர்சிதை மாற்றத்தை அதிகரிக்கிறது.
- தவறான உடற்பயிற்சியால், உடற்பயிற்சியின் பலனைப் பெற முடியாது. இது தவிர, தூக்கமின்மையும் உடல் பருமனுடன் இணைக்கப்பட்டுள்ளது. போதுமான தூக்கம் இல்லாதவர்களுக்கு உடற்பயிற்சிகள் வேலை செய்யாது.
- உங்கள் வொர்க்அவுட்டில் பலன் கிடைக்காததற்கு நீங்கள் செய்யும் தவறான உடற்பயிற்சிகளும் காரணமாக இருக்கலாம். நீங்கள் நீண்ட காலமாக தவறான உடற்பயிற்சிகளையும் அல்லது தவறான வழியில் உடற்பயிற்சிகளையும் செய்து வரலாம். இதன் காரணமாக உங்களுக்கு பலன் கிடைக்காது.
Pic Courtesy: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
