உடல் எடை குறைப்பதால் வெளிப்புறம் மட்டுமல்ல உள் உறுப்புகளிலும் இவ்வளவு மாற்றம் நடக்கும்

உடல் எடை குறைப்பதால் உடலின் உட்புறத்தில் கிடைக்கும் நன்மைகளும் மற்றும் பிற நன்மைகளும்

ஆரோக்கியமான இதயம்

அதிக எடை கொண்டவர்கள் இதயம் தொடர்பாக நிறைய சிரமங்களை எதிர்கொள்கின்றனர், ஏனெனில் இதயம் அதிக இரத்தத்தை பம்ப் செய்ய வேண்டும் மற்றும் பருமனான உடலை ஆதரிக்க கடினமாக உழைக்க வேண்டும்.

இதன் காரணமாக இதயம் பல பிரச்சனைகளை சந்திக்கிறது. உடல் எடையை குறைப்பது, உங்கள் இதயத்திற்கு நன்மை பயப்பது மட்டுமல்லாமல், உயர் இரத்த அழுத்தத்தையும் குறைக்க உதவுகிறது, மேலும் இது பல இதய நோய்களுக்கான ஆபத்து காரணியாகும்.

நல்ல கொலஸ்ட்ரால் அளவு

• உடலில் இருந்து சில கிலோவை குறைத்து, உங்கள் வாழ்க்கையில் வழக்கமான உடற்பயிற்சியை மேற்கொள்ளுங்கள், இதன்மூலம் நல்ல கொழுப்பு அளவு அதாவது HDL அளவு அதிகரிக்கிறது.
• நல்ல கொலஸ்ட்ரால் அல்லது HDL அளவை அதிகரிப்பது என்பது கெட்ட கொழுப்பு அல்லது HDL அளவை அழிப்பதாகும்.
• இதயம் தொடர்பான நோய்கள் ஏற்படும் அபாயத்தில் இருந்து விடுபடலாம்.

நீரிழிவு நோயின் அபாயம் குறையும்

சிறிய அளவிலான எடை இழப்பு கூட உங்கள் உடல் இரத்த குளுக்கோஸ் அளவைக் கட்டுப்படுத்த உதவுகிறது மற்றும் நீரிழிவு நோயை உருவாக்கும் அபாயத்தைக் குறைக்கவும் உதவும்.

புற்றுநோயின் அபாயம் குறையும்

எடை இழப்பு புற்றுநோயின் அபாயத்தை நீக்குகிறது. பருமனான ஆண்களுக்கு புரோஸ்டேட் புற்றுநோயின் ஆபத்து அதிகமாக உள்ளது, அதே சமயம் பருமனான பெண்களில் கருப்பை மற்றும் கர்ப்பப்பை வாய்ப் புற்றுநோயின் ஆபத்து அதிகமாக உள்ளது.

ஆஸ்டியோபோரோசிஸ் அபாயம் குறையும்

பருமனான உடல் உங்கள் எலும்புகள் மற்றும் மூட்டுகளில் ஏற்படுத்தும் மன அழுத்தத்தை குறைக்கும். கொஞ்சம் எடையைக் குறைத்தால் கூட, எலும்பு மூட்டுகளின் அழுத்தத்தைக் குறைக்கலாம் மற்றும் அவற்றை வலிமையாக்கலாம் . அதேபோல் கீல்வாதம் போன்ற நோய்களிலிருந்து உங்களைப் பாதுகாத்துக் கொள்ளலாம்.

மகிழ்ச்சியான வாழ்க்கை

எடை இழப்பு நீண்ட காலம் வாழவும், சிறந்த வாழ்க்கையை வாழவும் உதவுகிறது. அதிகப்படியான கொழுப்பு பல நோய்களை வரவழைத்து முதுமையில் நிலையற்ற தன்மையை ஏற்படுத்துகிறது. வயதானவர்கள் மற்றும் உடல் பருமன் உள்ளவர்களுக்கு நடப்பதில் கூட சிக்கல் ஏற்படக்கூடும்.

பாலியல் வாழ்க்கையில் திருப்தி

உடல் எடையை குறைப்பது உங்கள் செக்ஸ் வாழ்க்கையை மிகவும் திருப்தியாக மாற்றுகிறது. சில கிலோ எடையை குறைப்பதும் ஆண் மற்றும் பெண்களின் செக்ஸ் வாழ்க்கையை மேம்படுத்துகிறது.

இனப்பெருக்க ஆரோக்கியம்

பருமனான ஆண்கள் மற்றும் பெண்களில் இனப்பெருக்க பிரச்சனைகள் அதிகம் காணப்படுகின்றன. உடல் எடையை குறைப்பதே இந்த பிரச்சனைகளுக்கு தீர்வு. கர்ப்பமாக இருக்க விரும்பும் பெண்கள் ஆரோக்கியமான எடையை பராமரிக்க வேண்டும் என்பது மிக அவசியம்.

அதிகம் படித்தவை: Sleepy While Studying: புத்தகம் படிக்க உட்காரும்போது ஏன் தூக்கம் வருது தெரியுமா? காரணம் இங்கே!

தன்னம்பிக்கை அதிகரிப்பு

பருமனானவர்களிடம் பொதுவாகவே தன்னம்பிக்கை என்பது மிக குறைவாக இருக்கும். அதேசமயம் உடல் எடையை குறைப்பது என்பது ஒரு நபருக்கு நிறைய நம்பிக்கையை ஏற்படுத்தும். எதிலும் மன தைரியத்துடன் இருக்க உதவும்.

pic courtesy: freepik