$
Which pulse helps in weight loss: தவறான உணவு பழக்கம் மற்றும் செயலாற்ற வாழ்க்கை முறை காரணமாக மூன்றில் ஒருவர் உடல் எடை அதிகரிப்பால் பாடு படுகிறார்கள். இதற்காக நாம்மில் பலர் ஜிம் சென்று கடுமையாக உடற்பயிற்சி செய்வோம். இருந்தாலும் சிலருக்கு உடல் எடை குறையாது. ஏனென்றால், உடற்பயிற்சியுடன் ஆரோக்கியமான உணவு பழக்கங்களையும் நாம் பின்பற்ற வேண்டும்.
வீட்டில் இருக்கும் சில பொருட்கள் உடல் எடையை குறைக்க மிகவும் பயனுள்ளதாக இருக்கும். இந்த விஷயங்களில் ஒன்று பருப்பு வகைகள். புரதம், கால்சியம் மற்றும் நார்ச்சத்து நிறைந்த பருப்பு வகைகளை உட்கொள்வது எடை மற்றும் உடல் பருமனை குறைக்க உதவுகிறது. உடல் எடையை குறைக்க எந்த பருப்பு நல்லது, அதை எப்படி சாப்பிட வேண்டும் என இந்த தொகுப்பில் பார்க்கலாம்.
இந்த பதிவும் உதவலாம் : Green Gram For Weight Loss: உடல் எடையைச் சட்டுனு குறைக்க உதவும் பச்சைப்பயறு. எப்படி சாப்பிடலாம்?
பாசி பருப்பு
எடை இழப்புக்கு பாசி பருப்பு மிகவும் சிறந்தது. இதில், வைட்டமின் பி-6, வைட்டமின் சி, இரும்பு, நார்ச்சத்து, பொட்டாசியம், தாமிரம், பாஸ்பரஸ், ஃபோலேட், ரிபோஃப்ளேவின், மெக்னீசியம், நியாசின் மற்றும் தயாமின் போன்ற சத்துக்கள் உள்ளன. இதில் அதிக அளவு நார்ச்சத்து இருப்பதால், உங்கள் வயிற்றை நிறைவாக வைப்பதுடன் நீண்ட நேரம் பசியை கட்டுப்படுத்தும். மேலும், இதில் குறைந்த கலோரிகள் இருப்பதால், இதை சாப்பிடுவது உடல் எடையை குறைக்க உதவுகிறது. உங்கள் உணவில் பாசி பருப்பு அடை, பருப்பு சாம்பார், கிச்சடி மற்றும் சூப் ஆகியவற்றில் சேர்த்து சாப்பிடலாம்.
கருப்பு பீன்ஸ் (Black Beans)
கருப்பு பீன்ஸ் புரதம் மற்றும் நார்ச்சத்துக்கான சிறந்த மூலமாகும். எனவே தான், இது எடை இழப்புக்கான சிறந்த தேர்வாக உள்ளது. கருப்பு பீன்ஸில் பசியைத் தணிக்கும் மாவுச்சத்து உள்ளது. இது உங்களை நிறைவாக வைப்பதுடன், அதிகமாக சாப்பிடுவதையும் கட்டுப்படுத்துகிறது.
இந்த பதிவும் உதவலாம் : Peanut For Weight Loss: உடல் எடையை கிடுகிடுவென குறைக்க… வேர்க்கடலையை இப்படி பயன்படுத்திப் பாருங்க!
கருப்பு பீன்ஸை உணவில் சேர்ப்பதால் நாள் முழுவதும் பசி குறைவாக இருப்பதாகவும், காலோரியின் அளவை குறைப்பதாகவும் ஆய்வில் தெரிய வந்துள்ளது. கருப்பு பீன்ஸில் ஆக்ஸிஜனேற்றிகள் மற்றும் ஒட்டுமொத்த ஆரோக்கியத்தை ஆதரிக்கும் பிற ஊட்டச்சத்துக்களும் நிறைந்துள்ளன. அவை கலோரிகளில் குறைவாக உள்ளன மற்றும் சாலடுகள், சூப்கள் மற்றும் டகோஸ் உள்ளிட்ட பல்வேறு உணவுகளில் பயன்படுத்தப்படலாம்.
துவரம் பருப்பு
துவரம் பருப்பு உட்கொள்வது உடல் எடையை குறைக்க உதவுகிறது என்பது பல ஆராய்ச்சிகளில் தெரியவந்துள்ளது. உடல் எடையை வேகமாக குறைக்க, துவரம் பருப்பு மற்றும் இதர உணவுகளை தினமும் உணவில் சேர்த்துக்கொள்ள வேண்டும். இதில் நார்ச்சத்து மற்றும் அமிலோஸ் எனப்படும் ஸ்டார்ச் உள்ளது.
இந்த பதிவும் உதவலாம் : Peas For Weight Loss: உடல் எடையை குறைக்க பட்டாணியை எப்படி சாப்பிடணும் தெரியுமா?
இது பசியைக் கட்டுப்படுத்த உதவுகிறது. இது தவிர, பட்டாணியில் உள்ள புரதம், வைட்டமின்கள், இரும்பு, துத்தநாகம் போன்றவை உடலில் ஊட்டச்சத்து குறைபாட்டை ஏற்படுத்தாது. இது நோய்களின் அபாயத்தைக் குறைக்கிறது. உடல் எடையை குறைக்க சாம்பார், கிச்சடி, சூப் மற்றும் பருப்பு செய்து சாப்பிடலாம்.
தட்டை பயறு
தட்டை பயறு புரதம் மற்றும் நார்ச்சத்து அதிகம் உள்ள ஒரு வகை வெள்ளை பீன்ஸ் ஆகும். தட்டை பயறு சாப்பிடுவது மனதுக்கு திருப்தியை தருவதுடன், பசியை கட்டுப்படுத்த உதவும் உதவுகிறது.
பசி கட்டுப்பாட்டில் இருக்கும் போது, அது எடை மற்றும் உடல் பருமனை குறைக்க உதவுகிறது. தட்டை பயறில் கலோரிகள் குறைவு. இதுமட்டுமின்றி, தட்டை பயறு வளர்சிதை மாற்றத்தையும் அதிகரிக்கிறது. இதன் காரணமாக, எடை குறைக்க உதவுகிறது. இதை சாலட், கிரேவி அல்லது அவைத்தும் சாப்பிடலாம்.
Pic Courtesy: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
