Muskmelon Benefits: புற்றுநோய் தடுப்பு முதல் இதய ஆரோக்கியம் வரை.. முலாம்பழம் நன்மைகள் இங்கே..

$

Health Benefits Of Muskmelon: முலாம்பழம் ஊட்டச்சத்துக்களின் சக்தியாக அறியப்படுகிறது. இதில் வைட்டமின் சி, ஏ, கே, பி, பொட்டாசியம், மெக்னீசியம் மற்றும் லைகோபீன் ஆகியவை உள்ளன. 

முலாம்பழத்தில் கண் ஆரோக்கியம், எலும்புகளின் ஆரோக்கியம், இரத்தம் உறைதல் ஆகியவற்றிற்கு உதவுகிறது. இது உடலுக்கு ஆற்றலை வழங்குவதோடு, வளர்சிதை மாற்றத்தையும் நரம்பு மண்டலத்தையும் சிறப்பாக வைத்திருக்க உதவுகிறது. மேலும் இதில் உள்ள நன்மைகள் குறித்து இங்கே காண்போம். 

ஹைட்ரேட் செய்யும்

முலாம்பழத்தில் அதிக நீர்ச்சத்து இருப்பதால் உடலை நீரேற்றமாக வைத்திருக்கும். வெப்பமான காலநிலையில் உடல் வெப்பநிலை மற்றும் வளர்சிதை மாற்றத்தை சீராக்க உதவுகிறது. முலாம்பழத்தில் 90 சதவீதத்திற்கும் அதிகமான நீர் உள்ளது. இது வெப்பமான காலநிலையில் உடலை நீரேற்றமாக வைத்திருக்கும்.

ஆன்டி-ஆக்ஸிடன்ட்கள்

முலாம்பழத்தில் பீட்டா கரோட்டின் மற்றும் வைட்டமின்-சி போன்ற ஆன்டி-ஆக்ஸிடன்ட்கள் நிறைந்துள்ளன. தீங்கு விளைவிக்கும் ஃப்ரீ ரேடிக்கல்களை எதிர்த்துப் போராடுவதில் அவை முக்கிய பங்கு வகிக்கின்றன. நாள்பட்ட நோய்களின் அபாயத்தைக் குறைக்கிறது. உடலின் பாதுகாப்பு அமைப்பை பலப்படுத்துகிறது.

கண் ஆரோக்கியம்

முலாம்பழத்தில் பீட்டா கரோட்டின் நிறைந்துள்ளது. இது உடலில் வைட்டமின் ஏ ஆக மாற்றப்படுகிறது. விழித்திரை செயல்பாட்டிற்கு வைட்டமின் ஏ முக்கியமானது. தர்பூசணியை தொடர்ந்து சாப்பிடுவது கண் ஆரோக்கியத்திற்கு நல்லது.

இதையும் படிங்க: Water Apple Benefits: தண்ணீர் ஆப்பிளில் இவ்வளவு நன்மையா?

செரிமானம் சீராகும்

முலாம்பழத்தில் நார்ச்சத்து நிறைந்துள்ளது. இது செரிமானத்தில் முக்கிய பங்கு வகிக்கிறது. குடல் இயக்கத்தை எளிதாக்குகிறது. குடல் பாக்டீரியாக்களின் வளர்ச்சியை ஊக்குவிக்கிறது.

இரத்த அழுத்தம் குறையும்

இரத்த அழுத்தத்தால் பாதிக்கப்பட்டவர்களுக்கு முலாம்பழம் பயனுள்ளதாக இருக்கும். இதில் உள்ள பொட்டாசியம் இரத்த அழுத்தத்தை குறைக்கிறது. 

எடை கட்டுப்பாடு

முலாம்பழம் சுவையில் இனிப்பாக இருந்தாலும், கலோரிகள் குறைவாக உள்ளது. எனவே காலை உணவாக எடுத்துக்கொள்ளலாம். இதில் உள்ள நார்ச்சத்து வயிறு நிரம்பிய உணர்வை உண்டாக்கும், பசியை உண்டாக்காது. இதன் விதையில் உள்ள பொட்டாசியம் கொழுப்பை குறைக்க உதவுகிறது. எனவே உடல் எடையை குறைக்க விரும்புபவர்கள் இதை தேர்வு செய்ய வேண்டும்.

இதயத்திற்கு நல்லது

முலாம்பழத்தில் உள்ள ஆன்டிகோகுலண்ட் பண்புகள், இதில் உள்ள அடினோசின், இரத்தத்தை மெலிக்க உதவுகிறது. இதனால் இதய நோய்கள் வருவதை குறைக்கிறது.

புற்றுநோய் 

இந்த பழம் புற்றுநோயைத் தடுப்பதிலும் பயனுள்ளதாக இருக்கும். இதில் உள்ள வைட்டமின் சி மற்றும் பீட்டா கரோட்டின் புற்றுநோயை உண்டாக்கும் ஃப்ரீ ரேடிக்கல்களை எதிர்த்துப் போராட உதவுகிறது. இதன் விளைவாக, உடல் செல்கள் சேதமடையாது.

Image Source: Freepik