Signs of heart attack in winter: உலகளவில் ஏற்படும் இறப்புக்கு முக்கிய காரணங்களில் ஒன்றாக மாரடைப்பு அமைகிறது. மேலும் குளிர்கால மாதங்களில் மாரடைப்பு நிகழ்வதற்கான வாய்ப்பு அதிகரித்தே காணப்படும். ஆம். குளிர்காலத்தில் இதயத்தில் கூடுதல் அழுத்தம் ஏற்படலாம். குறிப்பாக, இரவு நேரத்தில் உடல் ஓய்வில் இருக்கும் போது மற்றும் க்றைந்த வெப்பநிலையின் போது குளிர்காலத்தில் மாரடைப்பு அதிகரிப்பதற்கான வாய்ப்புகள் அதிகம் காணப்படுகிறது. இது பெரும்பாலும் இரவில் நிகழக்கூடியதாக அமைகிறது.
குளிர்ந்த காலநிலையின் போது, இரத்த நாளங்கள் சுருங்கி, இரத்த அழுத்தம் அதிகரித்துக் காணப்படலாம். இது இதயத்திற்கு ஆக்ஸிஜன் சப்ளை குறைவதற்கு வழிவகுக்கிறது. கூடுதலாக, குளிர்காலத்தில் உடலின் இயற்கையான பதில் அட்ரினலின் போன்ற மன அழுத்த ஹார்மோன்களை வெளியிடலாம். இது பாதிக்கப்படக்கூடிய நபர்களுக்கு மாரடைப்பை ஏற்படுத்தலாம். எனவே குளிர்காலத்தில் மாரடைப்பு ஏற்படுவதற்கான காரணங்கள் மற்றும் எச்சரிக்கை அறிகுறிகளைப் புரிந்து கொள்வது அவசியமாகும்.
இந்த பதிவும் உதவலாம்: Heart Attack: உங்க பிளட் குரூப் இந்த நான்கில் ஒன்றா? இந்த நோய் வருவதற்கான ஆபத்து அதிகம்!
குளிர்காலத்தில் மாரடைப்பை ஏற்படுத்துவதற்கான அறிகுறிகள்
மிகுந்த சோர்வு
சிலர் தெளிவான காரணமின்றி சோர்வை உணர்கின்றனர். குறிப்பாக, இரவில் இந்த சோர்வு மிகவும் தீவிரமடைவதன் காரணமாக அடிப்படை இதய பிரச்சனை ஏற்படலாம். எனவே இந்த அறிகுறிகளைக் கவனமாக மதிப்பீடு செய்வது அவசியமாகும். குளிர்ந்த காலநிலையில் ஏற்படும் மிகுந்த சோர்வு மாரடைப்பை ஏற்படுவதற்கு வழிவகுக்கிறது.
அதிகம் வியர்த்தல்
திடீரென அதிகளவு வியர்வை ஏற்படுவது அதிலும் குறிப்பாக குளிர்ந்த காலநிலையில் ஏற்படும் வியர்வை மாரடைப்புக்கான மற்றொரு குறிப்பிடத்தக்க அறிகுறியைக் குறிக்கிறது. இதில் குளிர்ந்த காலநிலையில் குளிர்காற்றையும் மீறி வியர்வையை உணரலாம். குறிப்பாக, இரவில் அதிகம் வியர்வை ஏற்பட்டால் மருத்துவ உதவியை நாடுவது அவசியமாகும்.
விவரிக்க முடியாத மார்பு அசௌகரியம்
மாரடைப்பு ஏற்படுவதற்கான முக்கிய அறிகுறிகளில் ஒன்றாக மார்பு அசௌகரியம் அடங்குகிறது. இந்த உணர்வு, மார்பின் இடது பக்கம் அல்லது நடுப்பகுதியில் அழுத்துதல் அல்லது முழுமையாக வெளிப்படுவதைக் குறிக்கிறது. எனவே இந்த அசௌகரியங்களைக் கவனித்திருப்பின், குறிப்பாக இரவு 10 மணிக்குப் பிறகு இதை உணர்ந்தால், அதை தீவிரமாக எடுத்துக் கொள்வது நல்லது. மருத்துவ உதவியை நாடுவது அவசியமாகும்.
தலை சுற்றல் அல்லது குமட்டல்
மாரடைப்புடன் குமட்டல் அல்லது லேசான தலைவலி ஏற்படலாம். குறிப்பாக, மாலை நேரத்தில் குமட்டல் அல்லது தலைசுற்றல் ஏற்படுகிறது. எனவே இந்த அறிகுறிகள் ஏற்பட்டால், கவனத்தில் கொள்ள வேண்டியது அவசியமாகும். ஏனெனில், இவை மிகவும் தீவிரமான இதய பிரச்சனைகளை ஏற்படுத்தலாம்.
இந்த பதிவும் உதவலாம்: தூங்காமல் இருப்பது இதய ஆரோக்கியத்தைப் பாதிக்குமா? அதை எப்படி தவிர்ப்பது?
மூச்சுத்திணறல்
மூச்சுத்திணறலை அனுபவிப்பது மிகவும் அசௌகரியத்தைத் தரக்கூடியதாகும். இது மார்பு அசௌகரியத்துடன் தொடர்புடையதாக இருக்கலாம். இதில் அவர்களுக்கு மார்பு இறுகுவதைப் போன்ற உணர்வு ஏற்படலாம். இது திடீரென இரவில் ஏற்பட்டால், மாரடைப்பு ஏற்படுவதற்கு முக்கிய அறிகுறியாகக் கருதப்படுகிறது.
மற்ற பகுதிகளில் வலி ஏற்படுவது
மாரடைப்பு ஏற்படுவது மார்பில் மட்டும் வலியை ஏற்படுத்துவது அல்ல. இது முதுகு, கழுத்து, கைகள், தாடை அல்லது வயிறு போன்ற மற்ற பகுதிகளிலும் வலி ஏற்படுவதைக் குறிக்கிறது. எனவே இந்த இடங்களில் அசௌகரியம் ஏற்பட்டால், குறிப்பாக இரவில் இது போன்ற அறிகுறிகளைக் கண்டால், உடனடியாக மருத்துவரை அணுகுவது அவசியமாகும்.
குளிர்கால மாரடைப்பைத் தவிர்ப்பது எப்படி?
குளிர்காலத்தில் நெஞ்சு வலி, மூச்சுத் திணறல் அல்லது மாரடைப்பின் வேறு ஏதேனும் அறிகுறிகள் இருப்பின், உடனடியாக அவசர சேவையை அணுக வேண்டும். ஆரம்ப கால தலையீடுகளின் உதவியுடன் இதய தசைகளுக்கு ஏற்படும் சேதத்தைக் குறைக்கலாம். மேலும், ஆரோக்கியமான உணவுமுறைகளைக் கையாள்வது, தவறாமல் உடற்பயிற்சி செய்வது மற்றும் மன அழுத்த நிலைகளை நிர்வகிப்பது போன்ற அடிப்படை பாதுகாப்பு உதவிக்குறிப்புகளைப் பின்பற்றலாம்.
இவை அனைத்தும் குளிர்காலத்தில் மாரடைப்பு ஏற்படுவதற்கான அறிகுறிகளாகும். எனினும், சில பாதுகாப்பான முறைகளைப் பின்பற்றுவதன் மூலம் குளிர்கால மாரடைப்பைக் கையாளலாம்.
இந்த பதிவும் உதவலாம்: Stress and heart health: மன அழுத்தத்தால் இதய ஆரோக்கியம் பாதிக்கப்படுமா? இதைத் தடுக்க என்ன செய்வது?
Image Source: Freepik
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version