தூக்கம் என்பது ஒரு மனிதனின் முழுமையான உடல் சீராக்கத்திற்கு அவசியமான இயற்கை நிலை. ஆனால், நவீன காலத்தில் தொழில்நுட்ப வளர்ச்சியோடு, தூக்கத்தையும் ஒதுக்கிக் கொடுத்திருக்கிறோம். குறிப்பாக, அதிகாலையில் மொபைல் அலாரம், ராத்திரி மெசேஜ் அலர்ட், நெட்ஃப்ளிக்ஸ், யூட்யூப், இன்ஸ்டாகிராம் என நம் நிம்மதியான தூக்கத்தைத் தடுக்கும் முக்கிய காரணமாக மொபைல் காணப்படுகிறது.
இப்போது கேள்வி என்னவென்றால், மொபைல் உங்கள் சாமான்ய தூக்கத்தை மட்டுமல்ல, உடல்நலத்தையும் தீவிரமாக பாதிக்குமா? என்பது தான். இதன் ஆபத்தும், மருத்துவ பார்வையும் மற்றும் பாதுகாப்பு வழிமுறையும் இங்கே.
மொபைல் ரேடியேஷன் – ஒரு மறைந்த ஆபத்து!
மனித உடல் நுண்ணிய மின்காந்த அலைகளால் (EMF) பாதிக்கப்படுகிறது. நம் மொபைல்கள் தொடர்ந்து 'ரேடியேஷன்' (Electromagnetic Radiation) வெளியிடுகின்றன. அமெரிக்காவில் உள்ள National Institute of Environmental Health Sciences (NIEHS)-இன் ஆய்வின்படி, தலையில் அருகில் வைத்து மொபைல் வைத்திருப்பது மூளையின் செயல்பாடுகளையும் தூக்கத்தையும் பாதிக்கும் என உறுதி செய்யப்பட்டுள்ளது. இது ஹார்மோன்களின் சீரழிவுக்கும், நரம்பியல் கோளாறுகளுக்கும் வழிவகுக்கும் என நிபுணர்கள் எச்சரிக்கின்றனர்.
தூக்கத்தின் மீதான தாக்கம்
மொபைலின் 'புளூ லைட்' (Blue Light) என்பது, நம் கண்களில் விழும் நேர்மறை ஒளியைக் குறைக்கும். இது மூளை 'மெலட்டோனின்' எனப்படும் தூக்க ஹார்மோனை வெளியிடுவதைத் தடை செய்கிறது.
இதனால், Insomnia, Delayed Sleep Syndrome, நாள்முழுதும் மெலச்சி உணர்வு போன்ற தூக்கக் கோளாறுகள் உருவாகின்றன. குறிப்பாக, குழந்தைகள் மற்றும் சிறுவர்களில் மொபைலுடன் தூங்கும் பழக்கம் மிகப்பெரிய ஆபத்து.
இதயத்தின் மீது தாக்கம்
மொபைலின் நுண்மி அலைகள் சில நேரங்களில் இதய துடிப்பையும் இரத்த அழுத்தத்தையும் பாதிக்கும். Harvard Medical School-இன் ஆய்வின்படி, மொபைலோடு தூங்கும் பழக்கம் arrhythmia எனப்படும் இதய துடிப்பு கோளாறுகளுக்கு வழிவகுக்கும்.
கர்ப்பிணி பெண்களுக்கு மிகப்பெரிய ஆபத்து
மொபைல் ரேடியேஷன் கர்ப்ப காலத்தில் குழந்தையின் மூளை வளர்ச்சி, நரம்பியல் அமைப்பு மற்றும் ஹார்மோன்களுக்கே பாதிப்பை ஏற்படுத்தும். எனவே, கர்ப்பிணிகள் மொபைலை தூக்க அறையில் பயன்படுத்தக்கூடாது என்றும், குறைந்தபட்சம் 1 மீட்டர் தூரத்தில் வைக்கவேண்டும் என்றும் மருத்துவர்கள் அறிவுறுத்துகின்றனர்.
இனப்பெருக்கக் கோளாறு
ஆண்கள் மற்றும் பெண்கள் இருவருக்கும் மொபைலின் பக்கவிளைவுகள் மிகவும் தீவிரமானவை. American Society for Reproductive Medicine கூறும் படி, மொபைலை தொடர்ந்து உடலில் வைத்திருப்பது, விந்தணுவின் எண்ணிக்கையும் தரமையும் குறைக்கும்.
மருத்துவ நிபுணர்களின் பார்வை
தினமும் நமக்குத் தெரியாமல், மொபைலின் புளூ லைட் மற்றும் மின்னலைகள் நம் நரம்பு மண்டலத்தை பாதிக்கின்றன. இது நீண்ட காலத்தில் நினைவிழப்பு, கவனச்சிதறல் போன்ற பிரச்சனைகள் ஏற்படுத்தும்.
கர்ப்பிணிகள் மற்றும் சிறுவர் வளர்ச்சிக் கட்டத்தில் உள்ளவர்கள் மொபைலை தூங்கும் அறையில் வைத்திருப்பதைத் தவிர்க்க வேண்டும். இது வளர்ச்சிக்கு எதிரான தாக்கங்களை ஏற்படுத்தும்.
பாதுகாப்பான வழிமுறைகள்
- மொபைலை தூங்கும் அறையிலிருந்து வெளியே வைக்கவும்.
- அலாரம் தேவையெனில், பைலட் மோட் / அலாரம் மட்டும் செயல்படும்படி மாற்றவும்.
- மொபைலை தலைவாயில் வைக்காதீர்கள். குறைந்தபட்சம் 1.5 மீட்டர் தொலைவில் வைக்கவும்.
- தூங்கும் அறையில் Wi-Fi Router போன்ற சாதனங்களை அணைக்கவும்.
- தினமும் இரவு 30 நிமிடங்கள் முன்பு மொபைல் விலக்கி வைத்துவிட்டு தூங்கவும்.
தூக்கம் என்பது உடல் நலத்தின் தூணாக இருக்க வேண்டும். ஆனால் நம்மை நாமே மொபைல் பயன்பாட்டினால் அழித்து விடுகிறோம். Silent Killer-ஆக மொபைல் நம்மை ஒவ்வொரு நிமிடமும் பாதித்து வருகிறது.
இன்று தொழில்நுட்பத்தில் மூழ்கிய உலகில், சற்று ஓரமாக நின்று 'மன அமைதி' பெற வேண்டிய தருணம் இது!