$
Amazing Health Benefits Of Breathing Exercise: அன்றாட வாழ்க்கை முறைகள் மற்றும் உணவுப் பழக்கங்கள் உடல் நலத்தை மட்டுமல்லாமல் மன நலத்தையும் பாதிக்கின்றன. மனநல மேம்பாட்டை உறுதி செய்யும் வகையில் சில முறைகளைக் கையாள்வது மிக அவசியமாகும். இதன் பயனுள்ள மற்றும் எளிமையான வழியாக, தினசரி வழக்கத்தில் காலை மூச்சுப்பயிற்சி செய்வது அவசியமாகும். காலை சுவாசப் பயிற்சிகளை செய்வதன் மூலம், அந்த நாள் முழுவதும் ஆற்றல் மிக்கதாகவும், சுறுசுறுப்பாகவும் இருக்க முடியும். இப்போது காலையில் மூச்சுப் பயிற்சி செய்வதால் கிடைக்கும் நன்மைகளைக் காணலாம்.
ஏன் காலை மூச்சுப்பயிற்சி செய்ய வேண்டும்?
காலையில் மூச்சுப் பயிற்சி செய்வது உடல் மற்றும் மனதிற்கு பல்வேறு ஆரோக்கிய நன்மைகளைத் தருகிறது. இதில் மேம்பட்ட கவனமும் ஒன்றாகும்.
மன அழுத்தம் குறைப்பு
காலையில் மூச்சுப்பயிற்சிகள் செய்வது கார்டிசோலைக் குறைக்க உதவுகின்றன. மேலும் இது அமைதியான மன நிலையை ஊக்குவிக்கிறது. மன அழுத்தத்தைக் குறைப்பதன் மூலம் மேம்பட்ட செறிவு மற்றும் அறிவாற்றலை மேம்படுத்தலாம்.
இந்த பதிவும் உதவலாம்: Empty Stomach Exercise: வெறும் வயிற்றில் உடற்பயிற்சி செய்யலாமா? நிபுணர் தரும் விளக்கம்
ஆற்றல் ஊக்கத்திற்கு
சரியான சுவாசம் பாராசிம் பேடிக் நரம்பு மண்டலத்தைத் தூண்டுகிறது. எனவே, காஃபின் இல்லாமல் இயற்கையான முறையில் உடலில் ஆற்றலை ஊக்குவிக்க முடியும்.
ஆக்ஸிஜன் பூஸ்ட்
காலை நேரத்தில் ஆழ்ந்த கட்டுப்படுத்தப்பட்ட சுவாசம் செய்வது, மூளை மற்றும் உடலுக்குத் தேவையான ஆக்ஸிஜனை அளிக்க உதவுகிறது. இவ்வாறு ஆக்ஸிஜன் அதிகரிப்பது மன திறன்களைக் கூர்மைப்படுத்துவதுடன், கவனம் செலுத்துவதை எளிதாக்குகிறது.
எளிய காலை மூச்சுப் பயிற்சிகள்
காலை நேரத்தில் செய்யக் கூடிய சில எளிமையான மூச்சுப் பயிற்சிகளைக் காணலாம்.
மாற்று நாசி சுவாசம்
இந்த சுவாசத்தின் போது ஒரு நாசி தடுக்கப்பட்டு மற்றொன்றின் வழியாக சுவாசம் நடைபெறுகிறது. இதில் கட்டை விரல் மற்றும் மோதிர விரலைப் பயன்படுத்தி ஒரு நாசியைத் தடுத்து, மற்றொன்றில் சுவாசிக்கவும். இந்த உடற்பயிற்சி மூளையின் அரைக்கோளங்களைச் சமநிலைப்படுத்தி, ஆழ்ந்த கவனத்திற்கு வழிவகுக்கிறது.
உடல் நீட்சி மற்றும் சுவாசப் பயிற்சி
உடல் மற்றும் மனதை மேம்படுத்த காலையில் மென்மையான நீட்சிகளுடன் ஆழமான சுவாசத்தை இணைக்க வேண்டும். இதில் மேல்நோக்கி நீட்டும் போது மூச்சை உள்ளிழுக்கவும், விடுவிக்கும் போது மூச்சை வெளியேற்றவும். இவ்வாறு பல சுழற்சிகளுக்கு மீண்டும் செய்யவும்.
இந்த பதிவும் உதவலாம்: Exercise To Overcome Stress: மன அழுத்தத்திலிருந்து விடுபட இந்த உடற்பயிற்சி செய்யுங்க!
ஆழமான தொப்பை சுவாசம்
இந்த வகை சுவாசப் பயிற்சியில், ஒரு கையை மார்பிலும், மற்றொன்றை வயிற்றிலும் வைத்து, வசதியாக உட்கார்ந்து அல்லது படுத்துக் கொள்ள வேண்டும். மூக்கின் வழியாக ஆக்ஸிஜனை உள்ளிழுத்து, உதரவிதானத்தை விரிவுபடுத்தி, நுரையீரலை நிரப்ப வேண்டும். பின், நுரையீரலில் இருந்து கார்பன் டை ஆக்ஸைடை வாய் வழியாக மெதுவாக சுவாசிக்கவும். இவ்வாறு மீண்டும் மீண்டும் செய்யவும்.
பாக்ஸ் சுவாசம்
நான்கு முறை எண்ணி, மூச்சை உள்ளிழுக்க வேண்டும். பின், நான்கு முறை எண்ணி இதே நிலையில் இருக்க வேண்டும். இதனைத் தொடர்ந்து, நான்கு முறை எண்ணி மூச்சை வெளியே விடவும். பிறகு நான்கு முறை எண்ணி இதே நிலையில் இருக்கவும். இவ்வாறு சதுர வடிவத்தில் மூச்சை உள்ளிழுத்து மற்றும் வெளியிட்டு சில நிமிடங்களுக்கு மீண்டும் மீண்டும் செய்யவும். இது மனநிலையை மேம்படுத்தவும், செறிவை அதிகரிக்கவும் உதவுகிறது.
இந்த வழக்கமான காலை சுவாசப் பயிற்சிகளைச் செய்வதற்கு சில நிமிடங்கள் மட்டுமே ஆகும். ஆனால், இதன் நன்மைகள் நாள் முழுவதும் உணரலாம். மேலும் இதன் மூலம் குறைக்கப்பட்ட மன அழுத்தம், மேம்பட்ட கவனம், அதிகரித்த ஆற்றல் போன்றவற்றைப் பெறலாம். இந்த நேர்மறையான விளைவுகளைப் பெற இந்தப் பயிற்சிகளை தினசரி பழக்கமாகக் கொள்ள வேண்டும். இதன் மூலம் செறிவு மற்றும் உற்பத்தித் திறன் அதிகரிப்பதைக் காணலாம்.
இந்த பதிவும் உதவலாம்: Plank Benefits: ஒட்டு மொத்த உடல் எடையை வேகமாக குறைக்க இந்த ஒரு உடற்பயிற்சி போதும்
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
