$
Is It Bad To Eat Brown Rice Everyday: இந்தியா முழுவதும் ஊட்டச்சத்து நிறைந்த மற்றும் மலிவு விலை காரணமாக, அனைவருக்கும் பிரதான உணவாக அமைவது அரிசி ஆகும். இது வெவ்வேறு வடிவங்கள், வண்ணங்கள் மற்றும் அளவுகளில் கிடைக்கிறது. அதன் படி, வெள்ளை, பழுப்பு மற்றும் கருப்பு மூங்கில் பச்சை நிறத்தில் இருந்து இளஞ்சிவப்பு வரை பல வண்ணங்களில் அரிசி கிடைக்கிறது. சில சமயங்களில் இதில் எது நமக்கு ஆரோக்கியமானது என்பதில் குழப்பம் ஏற்படுகிறது.
இதில் பெரும்பாலும் நம் வீடுகளில் வெள்ளை மற்றும் பழுப்பு நிற அரிசி உட்கொள்ளப்படுகிறது. அந்த வகையில் பழுப்பு அரிசி உட்கொள்வது உடல் ஆரோக்கியத்திற்கு நன்மை பயக்கும் என ஊட்டச்சத்து நிபுணர்கள் பரிந்துரைக்கின்றனர். அதாவது உடல் கொழுப்பைக் குறைக்க, நீரிழிவு நோய் மற்றும் சில புற்றுநோய்களின் அபாயத்தைக் குறைக்க பழுப்பு அரிசி உதவுகிறது. எனினும், இது ஒரு பெரிய அளவிலான பக்கவிளைவைக் கொண்டுள்ளது. அதாவது, நீண்ட காலத்திற்கு இந்த பழுப்பு அரிசி உட்கொள்ளல் உடலுக்குத் தீங்கு விளைவிக்கலாம். இதற்கு இதில் காணப்படும் பைடிக் ஆசிட் ஆகும்.
இந்த பதிவும் உதவலாம்: Clay Pot Cooking: மண்பானை உணவுக்கு தனி ருசி மட்டுமல்ல! இந்த சூப்பரான நன்மைகளும் இருக்கு
பைடிக் ஆசிட் என்றால் என்ன?
பைடிக் அமிலம் என்பது ஆன்டி-நியூட்ரியண்ட் ஆகும். இது பழுப்பு அரிசியில் அதிகளவு உள்ளது. தாவர விதைகளில் காணப்படும் இயற்கையான ஊட்டச்சத்து எதிர்ப்பு கலவையே பைடிக் அமிலம் எனப்படுகிறது. இது பல்வேறு தாவர திசுக்களில் குறிப்பாக தானியங்கள் மற்றும் விதைகளில் பாஸ்பரஸின் முதன்மை சேமிப்பு வடிவமாக செயல்படுகிறது. இந்த பைடிக் அமிலத்தில் சில நன்மை பயக்கும் பண்புகள் இருப்பினும், இதில் மனித ஊட்டச்சத்தை பாதிக்கும் பண்புகளும் நிறைந்துள்ளது.
ஏன் பைடிக் அமிலம் தீங்கானது?
இது இயற்கையான ஊட்டச்சத்து எதிர்ப்பு கலவையாக இருப்பதால் தாதுக்கள் அதிலும் குறிப்பாக துத்தநாகம், கால்சியம், மெக்னீசியம் மற்றும் இரும்பு போன்ற ஊட்டச்சத்து உறிஞ்சுதலை உடலில் கட்டுப்படுத்துவதாகக் கூறப்படுகிறது. வெள்ளை அரிசியை விட பழுப்பு அரிசியின் பைடிக் அமிலம் ஒட்டுமொத்த செரிமானத்தைக் குறைப்பதாகக் கூறப்படுகிறது. இது பெரிய செரிமான பிரச்சனைகளை ஏற்படுத்தலாம் என கூறப்படுகிறது.
பழுப்பு அரிசி உட்கொள்வதால் ஏற்படும் தீமைகள்
செரிமான பிரச்சனைகள்
பழுப்பு அரிசியில் அதிகளவிலான நார்ச்சத்துக்கள் நிறைந்துள்ளது. இது சிலருக்கு செரிமான ஆரோக்கியத்தை ஏற்படுத்தலாம். மேலும், இது வாயு, வீக்கம் மற்றும் வயிற்றுப் பிடிப்புகளை ஏற்படுத்தும். இது தவிர பழுப்பு அரிசியில் புளிக்கக்கூடிய ஒலிகோசாக்கரைடுகள், மோனோசாக்கரைடுகள், பாலியோல்கள் (FODMAPs), டிசாக்கரைடுகள் போன்றவை உள்ளது. இந்த கலவைகள் எரிச்சல் கொண்ட குடல் நோய்க்குறி உள்ளவர்களுக்கு செரிமான பிரச்சனைகளை தீவிரமாக்கலாம்.
ஆர்சனிக்
வெள்ளை அரிசியுடன் ஒப்பிடுகையில், பழுப்பு அரிசி அதிக அளவு கனிம ஆர்சனிக் கொண்டிருப்பதாகக் கூறப்படுகிறது. இந்த அதிக அளவிலான கனிம ஆர்சனிக்கின் நீண்டகால நுகர்வு, இதய நோய், புற்றுநோய் உட்பட பல்வேறு உடல்நல பிரச்சனைகளுக்கு வழிவகுக்கும்.
இந்த பதிவும் உதவலாம்: உயிரைக்குடிக்கும் கள்ளச்சாராயம்! மெத்தனால் விஷத்தின் முதலுதவி, சிகிச்சை முறை!
மற்ற கன உலோகங்கள்
பழுப்பு அரிசியானது மண்ணிலிருந்து ஆர்சனிக் தவிர, ஈயம் மற்றும் காட்மியம் போன்ற பிற கன உலோகங்களையும் குவிக்கிறது. இவை பல்வேறு பாதகமான ஆரோக்கிய விளைவுகளை ஏற்படுத்தலாம்.
அரிசி ஒவ்வாமை
சிலர் அரிசி ஒவ்வாமை பிரச்சனையைக் கொண்டிருப்பர். இதனால் அரிப்பு, சொறி அல்லது கடுமையான ஒவ்வாமை எதிர்வினைகள் போன்ற பல்வேறு அறிகுறிகள் ஏற்படலாம்.
பழுப்பு அரிசியின் விளைவுகளைத் தவிர்க்க என்ன செய்வது?
பழுப்பு அரிசியை சமைப்பதற்கு முன்னதாக, அதை அதிக வெப்பநிலையில் ஊறவைக்க வேண்டும். இதன் மூலம் சில இயற்கையான பைட்டேட்டுகள் அகற்றப்படுகிறது. இவ்வாறு ஊறவைத்த அல்லது முளைத்த பழுப்பு அரிசியை சமைக்கும் போது, அதில் பைடிக் அமிலம் குறைந்துள்ளதாகக் கண்டறியப்பட்டுள்ளது.
பழுப்பு அரிசி உட்கொள்வது உடல் ஆரோக்கியத்திற்கு நன்மை பயக்கும். எனினும், இந்த அரிசியை உட்கொள்ளும் முன்னதாக இது போன்ற விளைவுகளைத் தெரிந்து கொண்டு அதைத் தவிர்க்கும் முறைகளைக் கையாள்வதும் அவசியமாகும்.
இந்த பதிவும் உதவலாம்: Ghee For Healing Wound: உடல் மற்றும் மன காயங்களுக்கு சிறந்த தீர்வு தரும் நெய்! எப்படி தெரியுமா?
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
