Can kidney patients eat beetroot: உடலில் உள்ள மிக முக்கிய உறுப்புகளில் ஒன்றாக சிறுநீரகம் அமைகிறது. ஆனால் இன்றைய காலத்தில் மோசமான வாழ்க்கை முறை மற்றும் ஆரோக்கியமற்ற உணவுமுறை காரணமாக மக்கள் சந்திக்கும் பல பிரச்சனைகளில் ஒன்றாக சிறுநீரகம் சார்ந்த நோயும் அடங்கும். குறிப்பாக, சிறுநீரகத்தில் பல வகையான நோய்கள், சிறுநீரக கற்கள், சிறுநீரக செயலிழப்பு மற்றும் சிறுநீரகத்தில் அதிகப்படியான திரவம் குவிதல் போன்ற பிரச்சனைகள் ஏற்படலாம். இந்நிலையில், ஒரு நபரின் ஒட்டுமொத்த ஆரோக்கியமும் பாதிக்கப்படக்கூடும்.
ஏனெனில் சிறுநீரகம் தொடர்பான நோய் இருக்கும் போது, அது சரியாக செயல்பட முடியாத நிலையில், உடலிலிருந்து கழிவுகளை அகற்றி சரியாக செயல்பட முடியாமல் போகும். இந்நிலையில் சிறுநீரக நோயாளிகள் சரியான சிகிச்சையையும், மருத்துவர் சரியான நேரத்தில் கொடுக்கும் மருந்தையும் எடுத்துக்கொள்ள பரிந்துரைக்கப்படுகிறது. மேலும் அவர்கள் ஆரோக்கியமான உணவுமுறையைப் பின்பற்ற வேண்டும்.
இந்நிலையில், சிலருக்கு சிறுநீரகம் தொடர்பான நோய்களில் பீட்ரூட்டை சாப்பிடலாமா? என்ற கேள்வி எழலாம். இது பற்றி அறிய, திவ்யா காந்தியின் டயட் & நியூட்ரிஷன் கிளினிக்கின் உணவியல் நிபுணர் மற்றும் ஊட்டச்சத்து நிபுணர் திவ்யா காந்தி அவர்கள் சில தகவல்களைப் பகிர்ந்துள்ளார். அது பற்றி இதில் விரிவாகக் காண்போம்.
இந்த பதிவும் உதவலாம்: Raw or Boiled Beetroot: பீட்ரூட்டை இப்படி சாப்பிட்டால் டபுள் மடங்கு நன்மைகள்! உச்சந்தலை முதல் உள்ளங்கால் வரை!
சிறுநீரகம் தொடர்பான நோய்கள் இருந்தால் பீட்ரூட் சாப்பிடலாமா?
சிறுநீரகம் தொடர்பான நோய்களைக் கொண்டிருப்பவர்கள் பீட்ரூட்டை சாப்பிடலாம். உண்மையில், இது உடலில் இரத்த அழுத்த அளவைக் குறைக்க உதவுகிறது. இதன் காரணமாக, இவை சிறுநீரக நோயாளிகளுக்கு நன்மை பயக்கும். இதில் சிறுநீரக நோயாளிகள் பீட்ரூட்டை உட்கொள்வதால் என்னென்ன நன்மைகளைப் பெறலாம் என்பது குறித்து காணலாம்.
சிறுநீரக நோயாளிகள் பீட்ரூட் சாப்பிடுவதால் கிடைக்கும் நன்மைகள்
ஆக்ஸிஜனேற்றிகள் நிறைந்த
பீட்ரூட்டில் ஆக்ஸிஜனேற்றிகள் மற்றும் நைட்ரேட்டுகள் உள்ளதால், இவை சிறுநீரக செயல்பாட்டை மேம்படுத்த உதவுகின்றன. மேலும், இந்த ஆக்ஸிஜனேற்றிகள் சிறுநீரக நோய் ஏற்படும் அபாயத்தைக் குறைக்க உதவுகிறது. உண்மையில், ஆக்ஸிஜனேற்றிகள் உடலில் ஏற்படும் நோய்களின் அபாயத்தைக் குறைக்கும் கூறுகளாகும்.
சிறுநீரக செயல்பாடு மேம்பாட்டிற்கு
சிறுநீரகம் தொடர்பான நோய்களின் காரணமாக, அவை சரியாகச் செயல்படாது. இதுபோன்ற சூழ்நிலையில், உடலில் மேலும் சில பிரச்சனைகள் எழக்கூடும். இதைத் தடுக்க ஒருவர் ஆரோக்கியமான உணவைப் பின்பற்ற வேண்டும். இதற்கு ஊட்டச்சத்துக்கள் நிறைந்த ஒரு காய்கறியாக பீட்ரூட் அமைகிறது. இது சிறுநீரக செயல்பாட்டை மேம்படுத்துவதில் முக்கிய பங்கு வகிக்கிறது.
இரத்த அழுத்தத்தைக் குறைக்க
சிறுநீரகம் தொடர்பான நோய்களில் இரத்த அழுத்த அளவுகள் அதிகரிக்கலாம். நிபுணர்களின் கூற்றுப்படி, சிறுநீரகம் தொடர்பான நோய்களுக்கு ஒரு முக்கிய காரணமாக உயர் இரத்த அழுத்தம் அடங்குகிறது. எனவே சிறுநீரகங்கள் சரியாகச் செயல்படாதபோது, நோயாளிகள் தங்கள் இரத்த அழுத்த அளவுகளில் கவனம் செலுத்துவது அவசியமாகும். எனவே இரத்த அழுத்தம் அதிகமாக இருக்கும்போது, அதைக் குறைப்பதை உறுதிபடுத்த வேண்டும். இதற்கு பீட்ரூட் சிறந்த தேர்வாகும். பீட்ரூட்டில் உள்ள நைட்ரேட் இரத்த நாளங்கள் விரிவடைவதைத் தடுக்க உதவுகிறது. இது இரத்த அழுத்தத்தைக் குறைக்கிறது.
இந்த பதிவும் உதவலாம்: இந்த அறிகுறிகளை லேசுல விடாதீங்க.. கிட்னி கேன்சரா இருக்கலாம்! மருத்துவர் தரும் தடுப்பு முறைகள் இதோ
சிறுநீரகம் தொடர்பான நோய்களுக்கு பீட்ரூட் சாப்பிடுவதால் ஏற்படும் தீமைகள்
மருந்துகளின் விளைவு குறைப்பது
பீட்ரூட்டில் உள்ள நைட்ரேட், பல மருந்துகளின் விளைவைக் குறைக்க வேலை செய்கிறது. இது சரியானது அல்ல. சிறுநீரக நோயாளிகள் ஏற்கனவே வேறு சில மருத்துவ நிலைகளுக்கு மருந்து எடுத்துக் கொள்வதாக இருப்பின், அது அவர்களுக்கு சரியானதாக இருக்காது.
ஆக்சலேட் உள்ளடக்கம்
பீட்ரூட்டில் ஆக்சலேட் உள்ளடக்கம் உள்ளது. இவை சிறுநீரக நோயாளிகளுக்கு நல்லதல்ல. இதன் காரணமாக, சிறுநீரக கற்கள் ஏற்படும் அபாயம் உண்டாகலாம். எனவே சிறுநீரக நோயாளிகள் இதை உட்கொள்வதைத் தவிர்ப்பது அவசியம்.
சிறுநீரகம் தொடர்பான நோயாளிகள் பீட்ரூட்டை எப்படி சாப்பிடலாம்?
- சிறுநீரக நோயாளிகள் குறைந்த அளவில் பீட்ரூட்டை உட்கொள்வது நல்லது. அதன் படி, ஒரு வாரத்திற்கு 1-2 பரிமாணங்கள் மட்டும் எடுத்துக் கொள்ளலாம். ஏனெனில், இதில் உள்ள அதிக அளவிலான ஆக்சலேட்டுகள் உடல் ஆரோக்கியத்திற்கு தீங்கு விளைவிக்கும்.
- சிறுநீரக நோயாளிகள் இதை உட்கொள்வதற்கு முன் மருத்துவ ஆலோசனை பெற வேண்டும். அவ்வாறே, அவர்களின் உடல்நிலையைப் பொறுத்து அதன் அளவு குறித்து சரியான ஆலோசனை வழங்க முடியும்.
- சிறுநீரக நோயாளிகள் பீட்ரூட்டை உட்கொண்ட பிறகு, தங்கள் உடலில் ஏற்படும் அறிகுறிகளைப் புரிந்து கொள்ள வேண்டும். பீட்ரூட் சாப்பிட்ட பிறகு அவர்கள் பிரச்சினைகளை எதிர்கொண்டால், அதை உட்கொள்வதைத் தவிர்ப்பது நல்லது.
இந்த பதிவும் உதவலாம்: இவங்க மறந்தும் உளுத்தம் பருப்பு சாப்பிடக்கூடாது? அப்படி சாப்பிட்டா என்னாகும் தெரியுமா?
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
