ஸ்ட்ராங்காக இருக்க ஒவ்வொரு பெண்ணும் சாப்பிட வேண்டிய ஹெல்த்தி ஃபுட்ஸ் இங்கே

International women's health day 2025 foods to eat for women’s health: சர்வதே மகளிர் சுகாதார தினம் என்பது அனைத்து பெண்கள் மற்றும் சிறுமிகளின் ஆரோக்கியத்தைப் பாதுகாக்கும் வகையில் அனுசரிக்கப்படுகிறது. இந்த தினமும் ஆண்டுதோறும் மே மாதம் 28 ஆம் நாள் அனுசரிக்கப்பட்டு, பெண்களின் ஆரோக்கியத்தைப் பற்றிய முக்கியத்துவத்தை எடுத்துக் கூறும் வகையில் அமைகிறது. ஏனெனில் பெண்கள் தங்கள் வாழ்க்கையில் மாதவிடாய் ஆரோக்கியம், மன நல்வாழ்வு மற்றும் இதய நோய் மற்றும் ஆஸ்டியோபோரோசிஸ் போன்ற பல்வேறு உடல்நலப் பிரச்சனைகளைச் சந்திக்கின்றனர்.

இந்த சர்வதேச மகளிர் சுகாதார தினத்தில் பெண்கள் இது போன்ற உடல்நலப் பிரச்சனைகளிலிருந்து விலகி இருக்க, அவர்கள் சந்திக்கும் நோய்கள் குறித்து விழிப்புணர்வை அளிக்கவும், அதிலிருந்து பாதுகாப்பாக இருக்கவும் அனுசரிக்கக்கூடிய தினமாகும். இது ஒவ்வொரு பெண்ணும் ஆரோக்கியமான வாழ்க்கையை நடத்துவதற்கான வாய்ப்பைப் பெறும் எதிர்காலத்தை நோக்கி அமைகிறது. இந்த சர்வதேச பெண்கள் தினத்தில், நவீன வாழ்க்கைக்கு ஏற்றவாறு பெண்கள் சாப்பிட வேண்டிய ஆரோக்கியமான உணவுகள் சிலவற்றைக் காணலாம்.

இந்த பதிவும் உதவலாம்: Women's Health: பெண்கள் ஆரோக்கியத்திற்கு உதவும் டாப் பெஸ்ட் ஆயுர்வேத மூலிகைகள்!

ஒவ்வொரு பெண்ணும் தனது தினசரி உணவில் சேர்க்க வேண்டிய ஊட்டச்சத்துக்கள்

பச்சை இலை காய்கறிகள்

இது அன்றாட உணவில் ஒரு நிலையான மற்றும் சிறந்த தேர்வாக அமைகிறது. அதன் படி, பச்சை இலை காய்கறிகளில் கீரை, முருங்கைக்காய், காலார்ட் கீரைகள், கறிவேப்பிலை, காலே, சார்ட், மற்றும் கடுகு கீரைகள் போன்ற உணவுகளைத் தேர்வு செய்யலாம். இதில் ஃபோலிக் அமிலம் (வைட்டமின் B9), இரும்பு மற்றும் கால்சியம் போன்ற ஊட்டச்சத்துக்கள் நிறைந்ததாகும். இதில் குறிப்பாக கர்ப்பம் மற்றும் மாதவிடாய் காலத்தில் இரும்புச்சத்து ஒரு முக்கியமான ஊட்டச்சத்து ஆகும். மேலும், வைட்டமின் B9 வளர்ச்சி மற்றும் இரத்த சிவப்பணு உற்பத்திக்கு அவசியமாகும். இது தவிர, கால்சியம் ஊட்டச்சத்துக்கள் ஆரோக்கியமான எலும்பு மற்றும் பற்களின் வளர்ச்சியை உறுதி செய்கிறது.

தயிர்

சில பழங்கள் மற்றும் உலர்ந்த பழங்களுடன் தயிரை சாப்பிடுவது சத்தான காலை உணவாக அமைகிறது. இது சிறந்த அத்தியாவசிய உணவுப் பொருளாகும். தயிரில் குடல் ஆரோக்கியத்திற்கான புரோபயாடிக்குகளும், எலும்புகளுக்குத் தேவையான கால்சியம் ஊட்டச்சத்துக்களும் உள்ளது. ஆப்ரிகாட், கொடிமுந்திரி போன்ற உலர்ந்த பழங்களுடன் தயிரைச் சேர்ப்பது இரத்த சர்க்கரை அளவை சமப்படுத்தவும், மலச்சிக்கலைத் தடுக்கவும் உதவுகிறது. கொடிமுந்திரி ஆக்ஸிஜனேற்றிகளின் வளமான மூலமாகும். அதே போல, பாதாமி பழங்கள் பார்வை ஆரோக்கியத்திற்கு நன்மை பயக்கும்.

ஆளி விதைகள்

மாதவிடாய் நிற்கும் பெண்களுக்கு ஆளி விதைகள் ஊட்டச்சத்து நன்மைகளை அளிக்கும் சிறந்த உணவாகும். ஏனெனில், ஆளி விதைகளில் ஈஸ்ட்ரோஜன் போன்ற பண்புகளைக் கொண்ட ஒரு வகை தாவர கலவையான லிக்னான்கள் உள்ளன. எனவே அன்றாட உணவில் ஆளி விதைகளைச் சேர்ப்பது ஹார்மோன் ஏற்ற இறக்கங்களை நிர்வகிக்க உதவுகிறது. அரைத்த ஆளி விதைகளைத் தயிரில் சேர்த்து எடுத்துக் கொள்ளலாம் அல்லது ஸ்மூத்திகளில் சேர்க்கலாம்.

இந்த பதிவும் உதவலாம்: 30 வயதைக் கடந்த பெண்கள்… இந்த 8 பரிசோதனைகளை கட்டாயம் செய்யனும்!

முழு தானியங்கள் மற்றும் தினைகள்

ராகி, பஜ்ரா, சோளம் போன்ற முழு தானிய வகைகளை அன்றாட உணவில் சேர்ப்பது பெண்களின் உடலுக்கு மிகவும் நன்மை பயக்கும். இதில் ராகி கால்சியம் ஊட்டச்சத்துக்கள் நிறைந்ததாகும். இது வலுவான எலும்புகள் மற்றும் ஹார்மோன் சமநிலைக்கு ஏற்றதாகும். சோளத்தில் செரிமானம் மற்றும் இதய ஆரோக்கியத்திற்கு உதவும் நார்ச்சத்துக்கள் நிறைந்துள்ளது. மேலும் சகிப்புத்தன்மை மற்றும் நோய் எதிர்ப்பு சக்தியை மேம்படுத்துவதற்கு ராஜ்கிரா அமைகிறது. அதே போல, பாலிஷ் செய்யப்படாத சிறு தானிய அரிசி மற்றும் சிவப்பு அரிசி போன்றவை ஊட்டச்சத்து நிறைந்தவையாகும்.

ஆரோக்கியமான மற்றும் செழிப்பான வாழ்க்கைக்கு பெண்களுக்கான வாழ்க்கைக் குறிப்புகள்

அன்றாட வாழ்வில் சில குறிப்புகளைப் பின்பற்றுவதன் மூலம் ஆரோக்கியமான மற்றும் செழிப்பான வாழ்க்கையைப் பெறலாம்.

• ஆழ்ந்த சுவாசம், நடைபயிற்சி, நீட்டுதல் போன்றவற்றை மேற்கொள்ளலாம். இந்த இயக்கம் உடலை ஆரோக்கியமாக வைத்துக் கொள்ள உதவுகிறது.
• நன்கு ஓய்வெடுப்பதன் மூலம் நன்கு சமநிலையான மனதை மீட்டமைக்கலாம். இது உடலை ரீசார்ஜ் செய்ய உதவுகிறது.

இந்த சர்வதேச மகளிர் சுகாதார தினத்தில் உடல் மற்றும் மனதை வளர்க்கும் உணவுகளைத் தேர்ந்தெடுப்பது அவசியமாகும். இதன் மூலம் உடலை வலிமையாகவும், பிரகாசமாகவும் வைத்திருக்க முடியும்.

இந்த பதிவும் உதவலாம்: மாதவிடாய் காலத்தில் பெண்கள் பீட்ரூட் ஜூஸ் குடித்தால் என்ன நடக்கும் தெரியுமா?

Image Source: Freepik