Yoga Asanas To Reduce Face Fat: உடல் எடையைக் குறைக்க முயற்சிப்பவர்களில் சிலர் முகத்தில் உள்ள கொழுப்பைக் கரைக்கவும் போராடுகின்றனர். உடல் எடை இழப்பை நிகழ்ந்திருப்பினும், முகத்தில் உள்ள கொழுப்புகள் சில சமயங்களில் குறையாமல் இருந்திருக்கலாம். சில முகம் சார்ந்த உடற்பயிற்சிகளை மேற்கொள்வதன் மூலம் முகக் கொழுப்பைக் கரைக்கவும், முக தசைகளை டோன் செய்யவும் முடியும் என்று ஃபிட்னஸ் உள்ளடக்கத்தை உருவாக்கியவரான ஸ்ருதி சேதி கூறியுள்ளார். இதற்கு யோகா மிகவும் அற்புதமான முறையாகும். மேலும், இதற்கு எந்தவொரு உபகரணமும் தேவையில்லை. இதில் உடற்பயிற்சி உள்ளடக்கத்தை உருவாக்கியவர் ஸ்ருதி சேதி பரிந்துரைத்த முகத்தில் உள்ள கொழுப்பைக் குறைக்க உதவும் சில யோகாசனங்களைக் காணலாம்.
முகத்தில் உள்ள கொழுப்பைக் குறைக்க செய்ய வேண்டிய யோகாசனங்கள்
மென்மையான மற்றும் கொழுப்பற்ற முகத்திற்கு செய்ய வேண்டிய யோகாசனங்களைக் காணலாம்.
முக்கிய கட்டுரைகள்
-1751385849349.jpg)
-1745778518611.jpg)
இந்த பதிவும் உதவலாம்: Ashna Zaveri: சக்கராசனம் செய்வது எப்படி மற்றும் அதன் நன்மைகள்!
சக்ராசனம் (சக்கர போஸ்)
செயல்முறை
- இந்த ஆசனத்தில் முதலில் முதுகில் படுத்து, முழங்கால்களை வளைக்க வேண்டும். பின் கால்களை இடுப்பு அகலத் தூரத்தில் வைக்கவும்.
- தோள்பட்டை முழுவதும் உள்ளங்கைகளை வைத்து, மெதுவாக உடலை உயர்த்தவும்.
- இதில் தலையை கனமாக தொங்க வைக்க வேண்டும்.
- இந்த அமைப்பில் சில நொடிகள் இருந்து பின் மெதுவாக பழைய நிலைக்கு வரலாம்.
நன்மைகள்
இந்த ஆசனம் செய்வது தாடையை உளித்து, இரட்டை கன்னம் பிரச்சனையிலிருந்து விடுபட உதவுகிறது. 
உஷ்ட்ராசனா (ஓட்டக போஸ்)
செயல்முறை
- முதலில் முழங்கால்களை இடுப்பைத் தவிர்த்து, மண்டியிட வேண்டும்.
- பின் கைகளை இடுப்பில் வைக்கவும்.
- முதுகெலும்பை நேராக வைத்து, பின் உள்ளங்கை உங்கள் கால்களைத் தொடும் வரை மெதுவாக உடலை பின்நோக்கி வளைக்கவும்.
- இந்த அமைப்பில் சில வினாடிகள் வைத்திருந்து, மெதுவாக போஸிலிருந்து வெளியேறலாம்.
நன்மைகள்
இது தொப்பை மற்றும் இரட்டைக் கன்னம் உள்ளவர்களுக்கு சிறந்த யோகா போஸ் ஆகும்.
இந்த பதிவும் உதவலாம்: Surya Namaskar For Weight Loss: எடை குறைப்புக்கு சூர்ய நமஸ்காரம்.! எத்தனை முறை செய்யலாம்.?
சிம்ம முத்திரை (சிங்க போஸ்)
செயல்முறை
- இந்த யோகாசனத்தில் முதலில் மண்டியிட்டு உட்கார்ந்து உள்ளங்கைகளை தொடைகளில் வைக்க வேண்டும்.
- பின் கீழே பார்த்து கன்னத்தை கழுத்துக்கு அருகில் கொண்டு வர வேண்டும்.
- வாயைத் திறந்து, முடிந்தவரை நாக்கை நீட்டவும். சிங்கம் கர்ஜிப்பதைப் போல இருக்கும் போஸை ஒத்திருக்க வேண்டும்.
- இந்த நிலையில், மூச்சை நன்றாக உள்ளிழுக்கவும்.
- இவ்வாறு 20 – 30 விநாடிகளுக்கு மீண்டும் செய்யவும்.
நன்மைகள்
சிங்க போஸ் அல்லது சிம்ம முத்திரை பயிற்சி செய்வது, கழுத்து மற்றும் தைராய்டு சுரப்பிகளுக்கு மிகவும் பயனுள்ள போஸ்களில் ஒன்றாகும் என ஸ்ருதி கூறியுள்ளார்.
இந்த பதிவும் உதவலாம்: Chandra Namaskar Benefits: சந்திர நமஸ்காரம் செய்வதால் கிடைக்கும் நன்மைகள் என்னென்ன தெரியுமா?
புஜங்காசனம் (கோப்ரா போஸ்)
செயல்முறை
- முதலில் குப்புறப் படுப்பது போல, வயிற்றில் படுத்து உள்ளங்கைகளில் தாங்கிக் கொள்ள வேண்டும். பிறகு, ஆழ்ந்த மூச்சு விட்டு, தலையையும், உடற்பகுதியையும் மெதுவாக மேலே உயர்த்தவும்.
- கன்னம் நன்றாக நீட்டப்படும் வரை, கழுத்தை முடிந்தவரை நீட்ட வேண்டும்.
- இரட்டை கன்னத்தில் இருந்து விடுபட 30-60 விநாடிகள் வைத்திருக்க வேண்டும்.
- மீண்டும் மெதுவாக இந்த நிலையில் இருந்து வெளியேறலாம்.
நன்மைகள்
இந்த கோப்ரா போஸ் அல்லது புஜங்காசனம் செய்யும் போது முகப்பகுதியில் இரத்த ஓட்டம் மேம்படுத்தப்படுகிறது. மேலும், முகப்பொலிவைத் தூண்டுகிறது. கோப்ரா போஸில் கழுத்தை நீட்ட, கன்னத்தை விட மார்பெலும்பு உயர்த்தப்படுகிறது. 
இந்த பதிவும் உதவலாம்: Yoga Before Sleep: உடல் எடை சட்டுனு குறைய இரவு தூங்கும் முன் செய்ய வேண்டிய யோகாசனங்கள்
ஜிவ்ஹா பந்தா (பூட்டிய நாக்கு போஸ்)
செயல்முறை
- இந்த ஆசனத்தில் முத்லைல் தாமரை அல்லது பத்மாசனத்தில் அமரவும். அசௌகரியமாக இருப்பின், தரையில் எப்போதும் போல உட்கார்ந்து கொள்ளலாம்.
- பின் உள்ளங்கைகளைக் கால்கள் மீது வைக்க வேண்டும்.
- அடுத்ததாக, வாயின் மேற்கூரை முழுவதும் நாக்கின் நுனியை அழுத்தவும்.
- நாக்கை வாயின் கூரையைத் தொடும் போது, மெதுவாக வாயைத் திறக்க வேண்டும். இதில் தொண்டை மற்றும் கழுத்தில் நீட்சியை உணரும் வரை வாயைத் திறந்திருக்க வேண்டும்.
- இவ்வாறு சில முறை செய்யலாம்.
நன்மைகள்
இந்த ஆசனம் முகத்தை உளியாக்கி, தாடையை தொனிக்க வைக்கிறது.
இந்த யோகாசனங்களின் மூலம், முகத்தில் உள்ள கொழுப்பை எளிதாகக் குறைக்கச் செய்யலாம். எனினும், இதில் மெதுவான செயல்முறை என்பது அவசியமான ஒன்றாகும். யோகா, முடிவுகளைக் காட்ட சிறிது நேரம் எடுக்கும். இதனை வழக்கமாகச் செய்வதன் மூலம் முகத்தில் உள்ள கொழுப்பைக் கரைக்கலாம். இது “இயற்கையானது, வலியற்றது மற்றும் நீண்ட காலம் நீடிக்கக் கூடியது” என ஸ்ருதி கூறியுள்ளார்.
இந்த பதிவும் உதவலாம்: Surya Namaskar Benefits: சூரிய நமஸ்காரம் செய்வதால் கிடைக்கும் நன்மைகள்
Image Source: Freepik