$
Palm fruit kulfi recipe: உடல் ஆரோக்கியத்தைப் பொறுத்த வரை, ஆரோக்கியமான ஊட்டச்சத்துக்கள் நிறைந்த உணவுகளை உட்கொள்வது அவசியமாகும். ஆனால், இன்றைய காலகட்டத்தில் பலரும் மோசமான உணவு மற்றும் ஆரோக்கியமற்ற வாழ்க்கை முறை போன்றவற்றால் பல நோய்களைச் சந்திக்கின்றனர். குறிப்பாக, இளம் வயது முதல் பெரியவர்கள் வரை அனைவரும் சந்திக்கும் பொதுவான நோய்களில் ஒன்றாக சர்க்கரை நோய் மாறி விட்டது. எனவே அவர்கள் தம் அன்றாட வாழ்க்கையில் சர்க்கரை நிறைந்த இனிப்பு உணவுகளைத் தவிர்க்க வேண்டிய நிலை ஏற்பட்டது.
சர்க்கரை நோய் உள்ளவர்கள் அவர்களது உணவு முறையை மிகவும் கவனமாகக் கையாள வேண்டியது அவசியமாகும். பழங்கள், காய்கறிகள், தானியங்கள் என எதுவாக இருப்பினும், நீரிழிவு நோயாளிகள் தங்களது அத்தியாவசிய உணவு வகைகளில் ஆரோக்கியமானதைத் தேர்ந்தெடுக்க வேண்டும். அந்த வகையில், சர்க்கரை நோயாளிகளுக்கு நுங்கு போன்றவை பரிந்துரைக்கப்படுகிறது. இதை நீரிழிவு நோயாளிகள் தாராளமாக உட்கொள்ளலாம். இதில் நுங்கை வைத்து எளிமையான முறையில் சுவையான நுங்கு குல்பி தயார் செய்யும் முறை குறித்து காணலாம்.
இந்த பதிவும் உதவலாம்: Cucumber Raita Recipe: டேஸ்டியான, ஹெல்த்தியான வெள்ளரி ரைட்டா ரெசிபி!
நுங்கு குல்பி தயார் செய்யும் முறை
தேவையானவை
- பால் - அரை லிட்டர்
- நுங்கு - 8
- நாட்டுச் சர்க்கரை - கால் கப்
- சோள மாவு - 2 டேபிள் ஸ்பூன்
- நுங்கு - 2 (துண்டுகளாக நறுக்கியது)
- ஐஸ்க்ரீம் குச்சிகள் - 8
நுங்கு குல்பி தயாரிக்கும் முறை
- முதலில் 8 நுங்குகளைத் தனியாக தோல் உரித்து எடுத்துக் கொள்ள வேண்டும்.
- பிறகு அரை லிட்டர் பாலை நன்கு காய வைத்து, ஆறவைத்து எடுத்துக் கொள்ளலாம்.
- இப்போது, பெரிய மிக்ஸி ஜார் ஒன்றில் ஜாரில் நுங்கு, பால் மற்றும் சர்க்கரை போன்றவற்றைச் சேர்த்து நன்கு அரைத்து எடுத்துக் கொள்ள வேண்டும்.
- பிறகு, கடாய் ஒன்றில் இந்த அரைத்த கலவையைச் சேர்த்து மிதமான தீயில் வைத்து நன்கு கொதிக்க விட வேண்டும்.
- அதன் பின் வேறு பாத்திரம் ஒன்றில் சோள மாவு மற்றும் பால் சேர்த்து, கட்டி வராமல் கலக்கி எடுத்துக் கொள்ளலாம்.
- இந்த சோள மாவு கரைசலை கொதிக்கும் கலவையில் போட்டு, இடைவிடாமல் தொடர்ந்து கிளறி விட வேண்டும்.
- இவ்வாறு கிளறும் போது, கலவை கலவை சிறிது கெட்டியாக மாறும். இதை கடாயில் இறக்க வேண்டும்.
- இந்த கலவையின் சூடு ஆறிய பின்னர் சிறிய அளவிலான டம்ளர்களில் ஊற்றி, அதில் ஐஸ்குச்சிகளை வைத்து குளிர்சாதனப் பெட்டியில் வைக்க வேண்டும்.
- இதை ஃப்ரீஸரில் 8 மணி நேரம் வைத்து, கட்டியாக மாறிய பிறகு வெளியே எடுக்கலாம்.
- இதை டம்ளரிலிருந்து வெளியே எடுத்து அனைவரும் சாப்பிடலாம்.
- இவ்வாறு சூப்பரான, சுவையான நுங்கு குல்பியை வீட்டிலேயே எளிதான முறையில் தயார் செய்யலாம்.
இந்த பதிவும் உதவலாம்: Matcha tea benefits: தினமும் மட்சா டீ குடிப்பதில் இத்தனை நன்மைகள் இருக்கா?
நுங்கு சாப்பிடுவதன் நன்மைகள்
நுங்கு ஆனது இரும்பு, பொட்டாசியம், வைட்டமின் பி, கால்சியம் உள்ளிட்ட பல்வேறு ஊட்டச்சத்துக்களைக் கொண்டுள்ளது. இதில் அதிகளவு நீர்ச்சத்துக்களும், குறைந்தளவு கலோரிகளும் நிறைந்து காணப்படுகிறது. எனவே இதனை நீரிழிவு நோயாளிகளும் தாரளமாக உட்கொள்ளலாம். எடையைக் குறைக்கவும் நுங்கு உதவுகிறது.
மேலும், மலச்சிக்கல் உள்ளிட்ட வயிறு சம்பந்தமான கோளாறுகளை நீக்கவும், உடலின் கெட்ட கொழுப்பைக் கட்டுப்படுத்தவும் உதவுகிறது. வெயிலின் தாக்கத்தை குறைக்க நுங்கு ஒரு சிறந்த தேர்வாகும். இதை கோடைக்காலத்தில் உட்கொள்ளும் போது, கோடைக்கால அம்மை நோய்களை தடுத்து உடலுக்கு நோய் எதிர்ப்பு சக்தியை அளிக்கிறது. மேலும் உடலை சுறுசுறுப்பாக வைக்க உதவுகிறது.
இந்த பதிவும் உதவலாம்: Mushroom Biriyani: வித்தியாசமான சுவையில் தேங்காய் காளான் பிரியாணி! செய்முறை இதோ!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
