$
Spicy Masala Dosa Recipe In Home: தென்னிந்தியாவை வேறு எதிலும் இல்லாத வகையில் வரையறுக்கும் உணவு இருந்தால், அது தோசைதான். அதிலும் மசாலா ஒரு பிரலமான தென்னிந்திய உணவாகும். புளித்த மாவில், உருளைக்கிழங்கு மசாலா சேர்த்து சுடுவது தான் இது. இதனுடன் தேங்காய் சட்னி மற்றும் சாம்பார் சேர்த்து சாப்பிடும் போது, சொர்க்கத்தை அடைவது போல் உணர்வீர்கள்.
மசாலா தோசை கர்நாடகாவில், துளுவா மங்களூரிய உணவு வகைகளில் தோன்றியதாக நம்பப்படுகிறது. பெரும்பாலான தென்னிந்திய குடும்பங்கள் தோசையை தவறாமல் செய்துவிடுகின்றனர். தோசை பிரியர் இல்லாத வீடும் இல்லை. ஹோட்டலுக்கு சென்றாலும் தோசை தான் சாப்பிடுவார்கள். குறிப்பாக மசாலா தோசை. மசாலா தோசையை வீட்டில் எப்படு செய்வது என்று இங்கே காண்போம்.
மசாலா தோசை செய்வது எப்படி?
மாவு தயார் செய்யும் முறை
- ஒரு பாத்திரத்தில் 1.5 கப் இட்லி அரிசி அல்லது புழுங்கல் அரிசி எடுக்க வேண்டும்.
- ½ கப் உளுந்து, 1 டேபிள் ஸ்பூன் கடலை பருப்பு, 20 வெந்தய விதைகளை மற்றொரு கிண்ணத்தில் எடுத்துக்கொள்ளவும்.
- வேறு ஒரு பாத்திரத்தில் ⅓ கப் அவல் ஊற வைக்கவும்.
- மேற்கூறிய பொருட்களை 4 முதல் 5 மணி நேரம் ஊற வைக்கவும்.
- முதலில் அரிசியை மென்மையான பதத்தில் அரைத்து எடுத்துக்கொள்ளவும்.
- பின்னர் உளுந்து, கடலை பருப்பு, வெந்தய விதைகள் மற்றும் அவலை அரைத்து எடுத்துக்கொள்ளவும்.
- தற்போது இரண்டையும் ஒன்று சேர்த்து உப்பு சேர்த்து கலக்கவும்.
- ஒரு இரவு முழுவது மாவை புளிக்க வைக்கவும்.
- அவ்வளவு தான் மாவு ரெடி.
மசாலா தயாரிக்கும் முறை
- 4 நடுத்தர அளவிலான உருளைக்கிழங்கை 2 கப் தண்ணீரில் 5 முதல் 6 விசில் வரை பிரஷர் குக்கரில் வேகவைக்கவும்.
- குக்கரில் பிரஷர் தானாகவே குறையும்போது, மூடியை அகற்றவும்.
- பின்னர் அவற்றை தோலுரித்து நறுக்கவும். மேலும், 2 நடுத்தர முதல் பெரிய வெங்காயம், 1 முதல் 2 பச்சை மிளகாய், 1 அங்குல இஞ்சி மற்றும் சில கொத்தமல்லி இலைகளை நறுக்கி எடுத்துக்கொள்ளவும்.
- வாணலியில் எண்ணெய் அல்லது நெய்யை சூடாக்கவும்.
- தீயைக் குறைத்து பாசிப்பருப்பைப் போட்டு வதக்கவும். தாளிக்கும் போது ½ டீஸ்பூன் சீரகத்தை சேர்க்கலாம்.
- இதில் கடலை பருப்பை சேர்க்கவும். பொன்னிறமாக மாறும் வரை வதக்கவும்.
- இப்போது நறுக்கிய வெங்காயம், கறிவேப்பிலை, பச்சை மிளகாய் மற்றும் இஞ்சி சேர்க்கவும்.
- வெங்காயம் மென்மையாக மாறும் வரை வதக்கவும். வெங்காயத்தை வதக்கும்போது அடிக்கடி கிளறவும், இதனால் அவை சமமாக சமைக்கப்படும்.
- மஞ்சள் தூள் சேர்த்து நன்றாக கலக்கவும்.
- இப்போது ½ கப் தண்ணீர் சேர்க்கவும்.
- மீண்டும் நன்கு கலந்து 2 முதல் 3 நிமிடங்கள் அல்லது கலவை சிறிது கெட்டியாகும் வரை கொதிவாக்கவிடவும்.
- அடுத்து வேகவைத்த நறுக்கிய உருளைக்கிழங்கைச் சேர்க்கவும்.
- சுவைக்கு ஏற்ப உப்பு சேர்க்கவும். சிறிது இனிப்பு சுவைக்கு ¼ முதல் ½ தேக்கரண்டி சர்க்கரை சேர்க்கவும்.
- 3 முதல் 4 நிமிடங்கள் வரை குறைந்த மற்றும் நடுத்தர குறைந்த தீயில் வேகவைக்கவும்.
- அடுப்பை அணைத்துவிட்டு, நறுக்கிய கொத்தமல்லி இலைகளைச் சேர்க்கவும்.
- அவ்வளவு தான் மசாலா ரெடி.
மசாலா தோசை செய்முறை
- இப்போது தோசையைத் தொடங்கும் முன், மாவை லேசாகக் கிளறவும்.
- அடுப்பில் தோசை கல்லை போட்டு சூடு செய்யவும்.
- மாவை பரப்பும் போது, வெப்பத்தை குறைவாக வைக்கவும்.
- மேல் மற்றும் விளிம்புகளில் சிறிது எண்ணெய் தெளிக்கவும்.
- தோசையை மூடி வைத்து வேக விடவும்.
- அதன் அடிப்பகுதி பொன்னிறமாகவும் மிருதுவாகவும் மாறும் வரை சமைக்கவும்.
- தோசை வெந்ததும், உருளைக்கிழங்கு மசாலாவின் ஒரு பகுதியை தோசையின் மீது தடவவும்.
- அவ்வளவு தான் சுமையான, காரமான, மென்மையான மசாலா தோசை ரெடி.
- இப்போது தோசையை மடித்து பரிமாறவும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
