How To Lose Weight In Monsoon: பொதுவாக பருவகால மாற்றத்தின் போது உடல் எடையிழப்புக்கான நடவடிக்கையும் பாதிக்கப்படுகின்றன. ஏனெனில், இந்த காலநிலை மாற்றத்தின் போது எடை இழப்புக்கு செய்யக் கூடிய உணவு வகை முதல் உடற்பயிற்சி அமர்வுகள் வரையிலான அனைத்து நடவடிக்கைகளிலும் மாற்றங்கள் நிகழ்கின்றன. உடல் எடையைக் குறைக்க முயற்சிக்க விரும்புபவர்கள் வொர்க் அவுட் செய்ய ஜிம்மிற்குச் செல்வர்.
ஆனால், மழைக்காலத்தில் ஜிம்மிற்குச் சென்று வொர்க் அவுட் செய்வது என்பது கடினமான ஒன்று. அதே சமயம், உணவுமுறைகளிலும் தேவையான மாற்றங்களைக் கொண்டு வர வேண்டியது அவசியமாகிறது. காலநிலை மற்றும் பருவகாலத்திற்கு ஏற்ப உணவு முறைகளைக் கையாண்டு உடல் எடையைக் குறைக்கலாம். இதில் மழைக்காலத்தில் உடல் எடையை எவ்வாறு குறைக்கலாம் என்பதைக் காண்போம்.
இந்த பதிவும் உதவலாம்: சுடு தண்ணீர் vs பச்சை தண்ணீர் - சீக்கிரம் வெயிட் லாஸ் செய்ய எது சிறந்தது?
பருவமழைக் காலத்தில் உடல் எடையைக் குறைப்பதற்கான பழக்க வழக்கங்கள்
மழைக்காலத்தில் வெளியில் சென்று உடற்பயிற்சிகளை செய்ய முடியாதவர்கள் சில ஆரோக்கியமன பழக்க வழக்கங்களைக் கையாள்வதன் மூலம் உடல் எடையைக் குறைக்கலாம்.
நீரேற்றமாக இருப்பது
கோடை, குளிர் என எந்த காலத்திலும் உடலை நீரேற்றமாக வைத்திருப்பது அவசியமாகும். உடலில் உள்ள ஈரப்பதம் வியர்வை மூலம் அதிக நீர் இழப்பை ஏற்படுத்தும். எனவே, மழைக்காலத்தில் நீரேற்றமாக இருப்பது மிகவும் முக்கியமாகும். அதன் படி, ஒரு நாளைக்கு குறைந்தது 8 கப் தண்ணீர் குடிப்பதை அவசியமாக்கிக் கொள்ள வேண்டும். மேலும், வெள்ளரிக்காய், தர்பூசணி, சூப்கள் போன்ற நீரேற்றமிக்க உணவுகளை தங்கள் அன்றாட உணவில் சேர்த்துக் கொள்வதை வழக்கமாக்கிக் கொள்ள வேண்டும். குறிப்பாக, சர்க்கரை பானங்களைத் தவிர்க்க வேண்டும். அதற்குப் பதிலாக மூலிகை தேநீர் அல்லது உட்செலுத்தப்பட்ட தண்ணீரைத் தேர்ந்தெடுக்கலாம். 
நோயெதிர்ப்புச் சக்தியை அதிகரிப்பது
பொதுவாக மழைக்காலங்களிலேயே அதிகளவிலான நோய்த்தொற்றுக்கள் பரவுகிறது. அதிலும் குறிப்பாக உடலில் நோயெதிர்ப்புச் சக்தி குறைவாக உள்ளவர்களுக்கு தொற்றுக்களின் அபாயம் விரைவில் உண்டாகும். எனவே உடல் எடை இழப்பு முயற்சிகளை ஆதரிக்க, வலுவான நோயெதிர்ப்பு மண்டலத்தை பராமரிப்பது அவசியமாகக் கருதப்படுகிறது. எனவே உடலில் நோயெதிர்ப்புச் சக்தியை அதிகரிக்கும் உணவுகளான சிட்ரஸ் பழங்கள், இலை கீரைகள், இஞ்சி மற்றும் மஞ்சள் போன்றவற்றை அன்றாட உணவில் சேர்த்துக் கொள்ளலாம். கூடுதலாக, உடலில் இயற்கையான பாதுகாப்பை வலுப்படுத்த துத்தநாகம், வைட்டமின் சி அல்லது புரோபயாடிக்குகள் போன்ற கூடுதல் மருந்துகளை எடுத்துக் கொள்ளலாம்.
உணவுத் திட்டத்தை சரி செய்வது
மழைக்காலத்தில் சில புதிய விளைபொருட்களின் கிடைக்கும் தன்மை மற்றும் தரத்தில் மாற்றங்கள் ஏற்படலாம். எனவே பருவகால காய்கறிகள் மற்றும் பழங்களை தங்கள் அன்றாட உணவுத்திட்டத்தில் இணைத்துக் கொள்ள வேண்டும். மேலும், பருப்பு, பீன்ஸ், முழு தானியங்கள் மற்றும் பருவகால பழங்கள் மற்றும் காய்கறிகள் போன்ற பல்வேறு ஊட்டச்சத்துமிக்க உணவுகளில் அதிக கவனம் செலுத்த வேண்டும். இவை எடை இழப்பு இலக்குகளை ஆதரிப்பது மட்டுமல்லாமல், பருவத்தின் சுவைகளை அனுபவிக்கவும் உதவியாக அமைகிறது.
இந்த பதிவும் உதவலாம்: Dance for Weight Loss: டான்ஸ் ஆடினால் உடல் எடை குறையுமாம்! எப்படி தெரியுமா?
உட்புற உடற்பயிற்சி மேற்கொள்ளுதல்
பருவ மழைக்காலத்தில் மழை மற்றும் ஈரப்பதத்தின் காரணமாக ஓடுதல், நடைபயிற்சி, சைக்கிள் ஓட்டுதல் உள்ளிட்ட வெளிப்புற நடவடிக்கைகள் மேற்கொள்வது கடினமாக இருக்கலாம். இதற்கு மாற்றாக, தினசரி வழக்கத்தில் இணைக்கக்கூடிய உட்புற உடற்பயிற்சிகளில் கவனம் செலுத்துவது அவசியமாகும். அதன் படி, வீட்டிலேயே உடல் எடையைக் குறைக்க வசதியாக செய்யக்கூடிய புஷ்-அப்கள், குந்துகைகள் போன்ற எளிய உடல் எடை பயிற்சிகளை மேற்கொள்ளலாம். மேலும் ஃபிட்னஸ் அளவைப் பராமரிக்க யோகா மேட் அல்லது ரெசிஸ்டன்ஸ் பேண்ட் போன்ற வீட்டு ஜிம் உபகரணங்களை வாங்கி உடல் எடை குறைய முயற்சிக்கலாம். 
மன அழுத்தத்தை நிர்வகித்தல்
பரும மழைக்காலநிலை மற்றும் வழக்கத்தில் ஏற்படக்கூடிய இடையூறுகளால், மழைக்காலத்தில் மன அழுத்தம், மனநிலை ஏற்ற இறக்கங்கள் அதிகரித்துக் காணப்படலாம். எனவே இந்த சவால்களை நிர்வகிக்க மென்மையான யோகா, தியானம் அல்லது ஆழ்ந்த சுவாசப் பயிற்சிகள் போன்ற மன அழுத்தத்தைக் குறைக்கும் செயல்களில் ஈடுபடுவதை வழக்கமாக்கிக் கொள்ள வேண்டும். கூடுதலாக டார்க் சாக்லேட், கொட்டைகள் மற்றும் புளித்த உணவுகள் போன்ற மனநிலையை அதிகரிக்கும் உணவுகளை உணவில் சேர்த்துக் கொள்ளலாம். ஏனெனில், இந்த வகை உணவுகள் உணர்ச்சிகளைக் கட்டுப்படுத்தவும், உடலின் ஒட்டுமொத்த நல்வாழ்வை மேம்படுத்தவும் உதவுகிறது.
இந்த வகை படிகளைக் கையாற்றுவதன் மூலம், மழைக்காலத்தில் உடல் ஆரோக்கியத்தைப் பாதுகாப்பதுடன், உடற்பயிற்சி இலக்குகளை முன்னேறலாம். இது உடல் எடையிழப்பை மேம்படுத்த உதவும் சிறந்த படிகளாகும்.
இந்த பதிவும் உதவலாம்: Millet For Weight Loss: உடல் கொழுப்பை சட்டுனு கரைக்க தினையை இப்படி செஞ்சி சாப்பிடுங்க
Image Source: Freepik