What is the fastest way to lose weight during menopause: மெனோபாஸ் (menopause) என்பது ஒரு பெண்ணின் மாதவிடாய் முற்றிலுமாக நின்றுவிடும் ஒரு காலகட்டமாகும். மாதவிடாய் முன், பெண்கள் பெரி-மெனோபாஸ் காலத்தை சந்திக்கிறார்கள். உண்மையில், இது ஒரு நீண்ட செயல்முறை. பொதுவாக, 40-45 வயதைத் தாண்டிய பெண்களுக்கு மாதவிடாய் நிறுத்தம் ஏற்படும். மெனோபாஸ் காலத்தில், பெண்கள் பல வகையான உடல் பிரச்சனைகளை சந்திக்க ஆரம்பிக்கிறார்கள்.
குறிப்பாக உடல் எடை அதிகரிப்பு ஒரு முக்கிய பிரச்சனை. ஆம் அது உண்மை தான். மாதவிடாய் நின்ற பிறகு பெண்கள் அடிக்கடி எடை அதிகரிப்பதாக புகார் கூறுவார்கள். ஏன் இது நடக்கிறது என உங்களுக்கு தெரியுமா? மேலும், இந்த காலகட்டத்தில் பெண்கள் அதிகரித்து வரும் எடையை கட்டுப்படுத்த முடியும். இதற்கான சில உதவிக்குறிப்புகளை நாங்கள் உங்களுக்கு கூறுகிறோம்.
இந்த பதிவும் உதவலாம் : Fruits for Weight Loss: சட்டுனு உடல் எடை குறைய பழம் சாப்பிடலாமா? எந்த பழம் அதிக நன்மையை தரும்!
மெனோபாஸ் காலத்தில் உடல் எடையை குறைப்பது உண்மையில் கடினமா?
இது குறித்து மகளிர் மருத்துவ நிபுணர் மற்றும் ஐவிஎஃப் நிபுணர் டாக்டர் ஷோபா குப்தா கருத்துப்படி கூறுகையில், “மாதவிடாய் காலத்தில் பெண்கள் எடை அதிகரிக்கத் தொடங்குகிறார்கள். இதற்குப் பின்னால் பல காரணிகள் உள்ளன. முதலாவதாக, வயது அதிகரிக்கும் போது எடை அதிகரிப்பது இயற்கையானது.
அதே நேரத்தில், மாதவிடாய் நிறுத்தம் காரணமாக, பெண்களில் ஈஸ்ட்ரோஜன் ஹார்மோனின் அளவு கணிசமாகக் குறைகிறது. பெண்களின் உடலுக்கு ஈஸ்ட்ரோஜன் மிக முக்கியமான ஹார்மோனாகக் கருதப்படுகிறது. ஈஸ்ட்ரோஜன் குறைவதால் வளர்சிதை மாற்ற விகிதம் குறைகிறது. வளர்சிதை மாற்றம் சரியாக வேலை செய்யவில்லை என்றால், பெண்கள் பெரும்பாலும் விரைவாக எடை அதிகரிக்க ஆரம்பிக்கிறார்கள்.
இந்த பதிவும் உதவலாம் : Weight Loss Secrets: கஷ்டப்படாமல் உடல் எடையை குறைக்க இந்த ரகசியத்தை பின்பற்றுங்கள்!
மேலும், பெண்கள் தங்கள் உணவில் அல்லது வாழ்க்கை முறைகளில் எந்த மாற்றமும் செய்யாவிட்டாலும், ஈஸ்ட்ரோஜன் பற்றாக்குறையால் அவர்கள் இன்னும் உடல் பருமனால் பாதிக்கப்படுகின்றனர். இதனால், தான் பெண்கள் விரும்பினாலும் உடல் எடையை குறைக்க முடிவதில்லை. உண்மையில், போதுமான அளவு ஈஸ்ட்ரோஜன் இல்லாததால், உடல் எடை பாதிக்கப்படத் தொடங்குகிறது. முயற்சி செய்தாலும், இதில் வெற்றி பெற முடியாது”.
மெனோபாஸ் காலத்தில் உடல் எடையை குறைக்க சரியான வழி
எடையை பராமரிப்பதில் கவனம் செலுத்துங்கள்
மெனோபாஸ் காலத்தில் உடல் எடையை குறைப்பது மிகவும் கடினம் என டாக்டர் ஷோபா குப்தா கூறுகிறார். 40 வயதிற்குப் பிறகு, பெண்கள் கண்டதை சாப்பிட்டு வயிற்றைச் சுற்றி அதிகப்படியான கொழுப்பைக் குவிப்பார்கள். அதைக் குறைப்பது எளிதல்ல. நினைவில் கொள்ளுங்கள், வயிற்றைச் சுற்றி கொழுப்பு அதிகரிப்பது நீரிழிவு, சுவாசப் பிரச்சனைகள் மற்றும் இதயம் தொடர்பான பிரச்சனைகள் போன்ற பல உடல்நல அபாயங்களுக்கு வழிவகுக்கிறது. இதுமட்டுமின்றி, உடல் பருமன் அதிகரிப்பதால் மார்பகம் மற்றும் பெருங்குடல் போன்ற சில வகையான புற்றுநோய்களின் அபாயமும் அதிகரிக்கிறது. இவை அனைத்தும் உங்களுக்கு ஏற்படுவதைத் தடுக்க, உங்கள் எடையை சமநிலையில் வைத்திருக்க முயற்சிக்கவும்.
ஆரோக்கியமற்ற உணவை தவிக்கவும்
இந்த நாட்களில், எதும் செய்யாமல் இருந்தால் கூட எடை எளிமையாக அதிகரிக்கும். இந்நிலையில், நீங்கள் ஆரோக்கியமான உணவுகளை சாப்பிடுவது மிகவும் முக்கியம். உங்கள் உணவில் இருந்து ஆரோக்கியமற்ற விஷயங்களை நீக்கவும். உடலில் கலோரி எண்ணிக்கையை அதிகரிக்கும் இதுபோன்ற பொருட்களை சாப்பிட வேண்டாம்.
இந்த பதிவும் உதவலாம் : Weight loss drinks: கஷ்டப்படாம உடல் எடையை குறைக்க தினமும் இந்த ஜூஸை குடியுங்க!!
வழக்கமான உடற்பயிற்சி செய்யுங்கள்
உடல் எடையை பராமரிக்க, நீங்கள் தொடர்ந்து உடற்பயிற்சி செய்வது அவசியம். உடலை சுறுசுறுப்பாக வைத்திருப்பது வயிற்றைச் சுற்றி கொழுப்பு சேரும் அபாயத்தைக் குறைக்கிறது. இது உங்கள் உடலின் நெகிழ்வுத்தன்மையை அதிகரிக்கிறது மற்றும் நோய் எதிர்ப்பு சக்தியையும் அதிகரிக்கிறது. இருப்பினும், 40 வயதிற்குப் பிறகு, உடல் இளமையில் இருந்த நெகிழ்வுத்தன்மையை இழக்கிறது என்பதை நினைவில் கொள்ளுங்கள். எனவே, அதிக உடற்பயிற்சி செய்வதைத் தவிர்க்கவும்.
Pic Courtesy: Freepik