மூக்கை சுத்தம் செய்ய உப்பு நீர் – நாசல் சேலைன் வாஷ் செய்வது எப்படி? மருத்துவர்கள் கூறும் பாதுகாப்பான வழிகள்!

மூக்கடைப்பு, சளி அல்லது சைனஸ் பிரச்சனை ஏற்பட்டால், பலர் "Nasal Saline Wash" செய்து நிம்மதி பெற முயற்சிக்கிறார்கள். ஆனால் இதை சரியான முறையில் செய்வது மிகவும் முக்கியம் என பிரபல ஆரோக்கிய நிபுணர் டாக்டர் சந்தோஷ் ஜேக்கப் (Orthopedic & Sports Surgeon) தமது இன்ஸ்டாகிராம் பக்கத்தில் விளக்கமாக கூறியுள்ளார். அவரின் கூற்றுப்படி, நாசல் சேலைன் வாஷ் என்பது மூக்கிலும் சைனஸிலும் தேங்கியுள்ள தூசி, சளி மற்றும் அலர்ஜி காரகங்களை வெளியேற்றும் எளிய இயற்கை முறை ஆகும்.

நாசல் சேலைன் வாஷ் செய்வது எப்படி?

நாசல் வாஷ் என்பது உப்பு நீர் (saline solution) அல்லது தூய்மையான தண்ணீர் கொண்டு மூக்குக்குள் மெதுவாக அழுத்தம் கொடுத்து கழுவும் முறை. இது மூக்கில் தேங்கியுள்ள தூசி, சளி, பூக்கள் தூள் (pollen) போன்ற அலர்ஜி உண்டாக்கும் பொருட்களை நீக்குகிறது. இதனால் மூக்கடைப்பு குறையவும், மூச்சுவிடுதல் சுலபமாகவும், சைனஸ் பிரச்சனை குறையவும் உதவுகிறது.

குளிர்நீர் அல்லது டாப் வாட்டர் (Tap Water) பயன்படுத்தாதீர்கள்!

டாக்டர் சந்தோஷ் ஜேக்கப் கூறுவதாவது, “நாசல் வாஷ் செய்ய நீரின் வகை மிக முக்கியம். நீர்க்குழாயில் வரும் சாதாரண நீரை (Tap Water) ஒருபோதும் பயன்படுத்தக் கூடாது” என அவர் எச்சரிக்கிறார்.

அதற்கு காரணம் – அந்த நீரில் சில நேரங்களில் அமீபா, பாக்டீரியா அல்லது பூஞ்சை (Fungi) போன்ற நுண்ணுயிரிகள் இருக்கலாம். அவை மூக்கின் வழியாக மூளைக்குள் சென்று கடுமையான தொற்றுகளை ஏற்படுத்தும் அபாயம் உள்ளது.

மூக்கை சுத்தம் செய்வதால் கிடைக்கும் நன்மைகள்

மூக்குச் சுத்தம் செய்வது மூலம் பல நன்மைகள் உள்ளன:

* தூசி மற்றும் மாசு நீக்கம்

* சளி மற்றும் மூக்கடைப்பு குறைவு

* அலர்ஜி, சைனஸிடிஸ், மற்றும் தும்மல் பிரச்சனை குறைவு

* மூச்சு வழி சுத்தமாகி, சுவாசம் சுலபமாகும்

* சைனஸ் அறுவை சிகிச்சைக்கு பின் குணமடைய உதவும்

அதனால், தூசி மாசு சூழலில் வாழும் நபர்கள் அல்லது அலர்ஜி பிரச்சனை உள்ளவர்கள் இதனை தவறாமல் பின்பற்றலாம்.

இந்த பதிவும் உதவலாம்: Runny Nose : மூக்குல சளி நிக்காம ஒழுகுதா? - இந்த வீட்டு வைத்தியங்கள ட்ரை பண்ணுங்க, பட்டுன்னு நிக்கும்...!

மெதுவான அழுத்தம் அவசியம்

நாசல் வாஷ் செய்யும் போது பலர் அதிக அழுத்தத்துடன் தண்ணீர் செலுத்துவது ஒரு பொதுவான தவறு. அதனால் தண்ணீர் காதுக்குள் செல்லும் அபாயம் ஏற்பட்டு, காதுவலி அல்லது காது சுவர் (Eardrum) பிரச்சனைகள் ஏற்படலாம். எனவே, எப்போதும் மெதுவான அழுத்தத்துடன், சீரான ஓட்டத்தில் நீரை பயன்படுத்த வேண்டும். இதற்கு நெட்டி பாட்டில் (Neti Pot) அல்லது நாசல் வாஷ் கிட் பயன்படுத்தலாம்.

சிலருக்கு தவிர்க்க வேண்டிய சூழ்நிலைகள்

டாக்டர் சந்தோஷ் ஜேக்கப் கூறியதாவது, சில சூழ்நிலைகளில் இந்த முறையை தவிர்க்க வேண்டும்:

* கடுமையான மூக்கடைப்பு அல்லது மூக்குக்குள் புண் இருந்தால்

* மூக்கில் தொற்று (Nasal infection) இருந்தால்

* காய்ச்சல் அல்லது கடுமையான அலர்ஜி இருந்தால்

இவ்வாறான நேரங்களில், மருத்துவரின் ஆலோசனையின்றி இதனைச் செய்யக் கூடாது.

அறுவை சிகிச்சைக்கு பின் நிபுணர்கள் பரிந்துரை

சைனஸ் அல்லது மூக்குக் குழாய் அறுவை சிகிச்சைக்கு பின், பல ENT மருத்துவர்கள் நாசல் வாஷ் செய்ய பரிந்துரைக்கிறார்கள். இது மூக்குக்குள் கட்டிகள், சளி, திசு காயம் போன்றவற்றை நீக்கி, மூக்கின் குணமடைவு வேகத்தை அதிகரிக்கவும் சுத்தமாக வைத்திருக்கவும் உதவுகிறது.

View this post on Instagram

A post shared by Dr Santhosh Jacob MBBS,DNB,MCh,DABRM,PhD (@drsanthoshjacob)

உப்பு நீர் கலவையின் சரியான அளவு

உப்பு நீரை வீட்டிலேயே தயாரிக்கலாம், ஆனால் அளவோடு சேர்க்க வேண்டும். 1 கப் (240ml) காய்ச்சி ஆறவைத்த நீரில், 1/2 டீஸ்பூன் உப்பு + சிறிது சோடா (optional) சேர்த்து நன்றாக கலந்து, சூடாகவோ குளிராகவோ இல்லாமல், உடல் வெப்ப நிலையில் வைத்துப் பயன்படுத்த வேண்டும்.

இறுதியாக..

நாசல் சேலைன் வாஷ் என்பது ஒரு எளிய, பாதுகாப்பான, மருத்துவ ரீதியில் உறுதிப்படுத்தப்பட்ட முறையாகும், ஆனால் இதனை சரியான தண்ணீர், சரியான அழுத்தம், சரியான வழிமுறை பின்பற்றி செய்ய வேண்டும். அப்படி செய்தால் இது அலர்ஜி, சைனஸ் மற்றும் மூக்கடைப்பு பிரச்சனைகளுக்கு சிறந்த நிவாரணமாகும்.

Disclaimer: இந்த கட்டுரை மருத்துவ ஆலோசனைக்கு மாற்றாக அல்ல. உங்களுக்கு மூக்குச் சிகிச்சை அல்லது சைனஸ் பிரச்சனை இருந்தால், நாசல் வாஷ் செய்வதற்கு முன் மருத்துவரின் ஆலோசனை பெறவும். பயன்படுத்தும் தண்ணீர் நிச்சயமாக சுத்தமானதும், காய்ச்சியதும் என்பதை உறுதி செய்யவும்.