$
How to handle sudden stress and pressure: நமது உடல் ஆரோக்கியத்தைப் போலவே மனநலமும் முக்கியம். மனநலம் தொடர்பான எந்தவொரு பிரச்சனையும் நமது உடல் ஆரோக்கியத்தையும் பாதிக்கிறது. ஆனால், இன்றைய பிஸியான வாழ்க்கையில், நமது மனா ஆரோக்கியத்தில் கவனம் செலுத்த முற்றிலும் மறந்து விடுகிறோம். நாம் வருத்தப்படும்போது, அதிக சோர்வாகவும் பலவீனமாகவும் உணர்கிறோம் என்பதை நீங்கள் கவனித்திருப்பீர்கள். அத்தகைய சூழ்நிலையில், அன்றாட வேளைகளில் கூட கவனம் செலுத்துவது கடினமாக இருக்கும்.
மன அழுத்தத்தை குறைக்க, உங்களுக்கு நீங்களே சில சிறிய இடைவெளிகளை வழங்க வேண்டியது அவசியம். மேலும், சில ஆரோக்கியமான பழக்கங்களைக் கடைப்பிடிப்பதன் மூலம் மன அழுத்தத்திலிருந்தும் விடுபடலாம். திடீர் என ஏற்படும் மன அழுத்தத்தை கட்டுப்படுத்த கட்டுப்படுத்த நீங்கள் செய்ய வேண்டியவற்றை இங்கே பார்க்கலாம்.
இந்த பதிவும் உதவலாம் : Raw Onion For BP: வெங்காயத்தை பச்சையாக சாப்பிடுவது இரத்த அழுத்தத்தைக் கட்டுப்படுத்துமா?
உங்களுக்கு பிடித்த பாடலை கேளுங்கள்
மன அழுத்தத்தை நீங்கள் அதிகமாக உணர்ந்தால், உங்களுக்கு பிடித்தமான பாடல்களை கேட்டுக்கொண்டே சற்று ஓய்வு எடுங்கள். மென்மையான இசையை கேட்பது மூளை மற்றும் உடலில் நேர்மறையான விளைவை ஏற்படுத்தும். இது இரத்த அழுத்தத்தைக் குறைக்கும் மற்றும் மன அழுத்தத்துடன் தொடர்புடைய கார்டிசோல் என்ற ஹார்மோனைக் குறைக்கும்.
உங்கள் நண்பருடன் பேசுங்கள்
நீங்கள் மன அழுத்தத்தை உணரும்போது, உங்களுக்கு மிகவும் நெருக்கமான நண்பரை அழைத்து உங்கள் பிரச்சனைகளைப் பற்றி பேசுவது நல்லது. எந்தவொரு ஆரோக்கியமான வாழ்க்கை முறைக்கும் நண்பர்கள் மற்றும் அன்புக்குரியவர்களுடன் நல்ல உறவுகள் முக்கியம். குறிப்பாக நீங்கள் அதிக மன அழுத்தத்தில் இருக்கும்போது அவை மிகவும் முக்கியம். உங்களுக்கு உறுதியளிக்கும் குரல், ஒரு நிமிடத்தில் உங்களை இயல்பு நிலைக்கு கொண்டு வரும்.
இந்த பதிவும் உதவலாம் : Rheumatic Fever: மக்களே உஷார்! ரோஸ் மில்க், ஐஸ்கிரீம் சாப்பிட்டால் ருமாட்டிக் காய்ச்சல் வருமாம்?
சிறிது தூரம் வாக்கிங் செல்லுங்கள்
நீங்கள் மன அழுத்தத்தை உணர்ந்தால் சிறிது தூரம் வாக்கிங் செல்லுங்கள். இயற்கை காற்றை சுவாசிக்கும் பொது மூளை புத்துணர்ச்சியாகி நம்மை முன்னோக்கி சிந்திக்க வைக்கும். அப்படி சிந்திக்கும் போது நமது கவலைகள் குறையும். அதுமட்டும் அல்ல, நமது பிரச்சினைக்கான தீர்வுகளும் கிடைக்கும்.
ஆரோக்கியமாக சாப்பிடுங்கள்
நம்மில் பலர் கோவமாகவோ அல்லது கவலையாகவோ இருந்தால் பிடித்தமான உணவை சாப்பிடுவோம். அது மிகவும் சரியான செயல்முறை. மன அழுத்த நிலைகளும் சரியான உணவு முறையும் நெருங்கிய தொடர்புடையவை. நாம் அனைவரும் ஆரோக்கியமாக சாப்பிடுவதை மறந்து விடுகிறோம். இதனால் பல உடல் நல பிரச்சினைகள் ஏற்படும்.
இந்த பதிவும் உதவலாம் : Liquid Nitrogen Effects: வயிற்றில் ஓட்டையை ஏற்படுத்தும் திரவ நைட்ரஜன்! இதெல்லாம் நீங்க கட்டாயம் தவிர்க்கணும்
சர்க்கரை தின்பண்டங்களைத் தவிர்க்க முயற்சி செய்யுங்கள். பழங்கள் மற்றும் காய்கறிகள் எப்போதும் நல்லது. மேலும், அதிக அளவு ஒமேகா -3 கொழுப்பு அமிலங்களைக் கொண்ட மீன்கள் மன அழுத்தத்தின் அறிகுறிகளைக் குறைக்கின்றன.
வாய்விட்டு சிரிக்கவும்
சிரிப்பு எண்டோர்பின்களை வெளியிடுகிறது. இது மனநிலையை மேம்படுத்துகிறது மற்றும் மன அழுத்தத்தை ஏற்படுத்தும் ஹார்மோன்களான கார்டிசோல் மற்றும் அட்ரினலின் அளவைக் குறைக்கிறது. சிரிப்பு உங்கள் நரம்பு மண்டலத்தையம் உங்களையும் மகிழ்ச்சியடையச் செய்கிறது.
டீ குடிக்கலாம்
அதிக அளவு காஃபின் இரத்த அழுத்தத்தில் குறுகிய கால ஸ்பைக்கை ஏற்படுத்துகிறது. இது உங்கள் ஹைபோதாலமிக்-பிட்யூட்டரி-அட்ரீனல் அச்சை ஓவர் டிரைவ் ஆகவும் ஏற்படுத்தலாம். காபி அல்லது எனர்ஜி பானங்களுக்கு பதிலாக, கிரீன் டீயை முயற்சிக்கவும். இது காபியில் உள்ள காஃபினில் பாதிக்கும் குறைவானது மற்றும் ஆரோக்கியமான ஆன்டிஆக்ஸிடன்ட்கள் மற்றும் நரம்பு மண்டலத்தில் அமைதியான விளைவைக் கொண்டிருக்கும் அமினோ அமிலமான தியானைனைக் கொண்டுள்ளது.
இந்த பதிவும் உதவலாம் : Hyperthyroidism and Sex: ஹைப்பர் தைராய்டிசம் பாலியல் செயல்பாட்டை பாதிக்குமாம்! எப்படி தெரியுமா?
உடற்பயிற்சி செய்யுங்கள்
உடற்பயிற்சி என்பது ஜிம்மில் பவர் லிஃப்ட் அல்லது மராத்தான் பயிற்சி என்று அர்த்தமல்ல. அலுவலகத்தை சுற்றி ஒரு சிறிய நடை அல்லது வேலையில் இடைவேளையின் போது நேராக நிற்பது மன அழுத்தத்தில் இருந்து உங்களுக்கு நிவாரணம் அளிக்கும். உங்கள் இரத்தத்தை நகர்த்துவது எண்டோர்பின்களை வெளியிடுகிறது மற்றும் உங்கள் மனநிலையை உடனடியாக மேம்படுத்தலாம்.
நன்றாக தூங்குங்கள்
மன அழுத்தம் தூக்கத்தை இழக்கச் செய்யும் என்பது அனைவருக்கும் தெரியும். துரதிர்ஷ்டவசமாக, தூக்கமின்மையும் மன அழுத்தத்திற்கு ஒரு முக்கிய காரணமாகும். இது மூளையையும் உடலையும் பாதிப்பிலிருந்து வெளியேறச் செய்து, காலப்போக்கில் மோசமாகிவிடும். மருத்துவர் பரிந்துரைத்த ஏழு முதல் எட்டு மணிநேரம் தூங்குவதை உறுதிப்படுத்திக் கொள்ளுங்கள்.
Pic Courtesy: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
