Sleep and Cholesterol: ஆரோக்கியமாக இருக்க சமச்சீரான உணவை உட்கொள்வது மிகவும் முக்கியம். அதே நேரத்தில், போதுமான தூக்கம் உங்களுக்கு பல நன்மைகளைத் தருகிறது. உறக்கத்தின் போது உடல் செல்களின் சீரமைப்பு சரிசெய்யப்படுகிறது. கூடுதலாக, மூளை மற்றும் நரம்பு மண்டலத்தை ஓய்வெடுக்க தூக்கம் தேவைப்படுகிறது. உடல் செயல்பாடுகளுக்கு போதுமான தூக்கம் பெறுவது மிக நல்லது.
அதிகரித்து வரும் வேலை நேரம், மன அழுத்தம் மற்றும் ஆரோக்கியமற்ற வாழ்க்கை முறை ஆகியவை தூக்க முறையைத் தொந்தரவு செய்கின்றன. இது உங்கள் ஆரோக்கியத்தை பாதிக்கிறது. போதுமான தூக்கம் இல்லாததால் கொலஸ்ட்ரால் மற்றும் நீரிழிவு போன்ற நோய்கள் ஏற்படும் அபாயம் உள்ளது. மேலும், இதுகுறித்து டாக்டர் சச்சின் (மூத்த மருத்துவர்) மெடிகவர் மருத்துவமனை கூறிய தகவலை பார்க்கலாம்.
அதிகம் படித்தவை: Dark chocolate: தினமும் டார்க் சாக்லேட் சாப்பிடுவது நல்லதா? நிபுணர்கள் கூறுவது என்ன?
தூக்கம் உங்கள் கொலஸ்ட்ராலை பாதிக்குமா?
தூக்கம் என்பது ஒரு மனிதருக்கு இன்றியமையாத ஒன்று. உடலின் செல்கள், திசுக்கள் மற்றும் உறுப்புகள் இரவில் ஓய்வெடுக்கின்றன. இரவில், உங்கள் இரத்த அழுத்தம் குறைகிறது, உங்கள் இதயத் துடிப்பு குறைகிறது, உங்கள் சுவாசம் இயல்பு நிலைக்குத் திரும்பும்.
உடல் எடை திடீரென கூட காரணம்
சிலர் திடீரென உடல் பருமன் பிரச்சனையால் அவதிப்படுவார்கள், ஏன் இப்படி நடக்கிறது, நான் முறையாக தான் எப்போதும் சாப்பிடுகிறோம் என பலர் சிந்திக்கிறார்கள். இதற்கு தூக்கமின்மை என்பதும் பிரதான காரணம் என்பதை பலரும் அறிந்திருப்பதில்லை. உங்களுக்கு போதுமான தூக்கம் வரவில்லை என்றால், அது மன அழுத்த ஹார்மோன் கார்டிசோல் மற்றும் பசியைத் தூண்டும் ஹார்மோனை (கிரெலின்) அதிகரிக்கிறது.
இதனுடன், எடையைக் கட்டுப்படுத்தும் ஹார்மோன் லெப்டின் குறையும். கட்டுப்பாடற்ற ஹார்மோன்களால் கொலஸ்ட்ரால் அளவு பாதிக்கப்படலாம். 6 மணி நேரத்திற்கும் குறைவாக தூங்குபவர்களின் உடலில் கெட்ட கொலஸ்ட்ரால் அதாவது LDL அளவு அதிகரிக்க வாய்ப்பு உள்ளது.
தூக்கத்தின் தரத்தை எவ்வாறு மேம்படுத்துவது?
- தினசரி இரவில் தூங்கவும் காலையில் எழுந்திருக்கவும் ஒரு நேரத்தை அமைக்கவும்.
- ஒவ்வொரு இரவும் குறைந்தது 7 முதல் 8 மணிநேரம் தூங்க திட்டமிடுங்கள்.
- வாரம் முழுவதும் மற்றும் வார இறுதி நாட்களில் குறைவாக தூங்குவது உடலின் மீட்புக்கு உதவாது.
- உறங்கும் அறையை சராசரி வெப்பநிலையில் வைத்திருங்கள், அதிக குளிர்ச்சியும் வெப்பமும் உங்கள் தூக்கத்தைப் பாதிக்கும்.
- படுக்கைக்கு முன் ஓய்வெடுக்க ஒரு புத்தகத்தைப் படியுங்கள்.
- உங்கள் ஸ்மார்ட்போனை படுக்கைக்கு அருகில் வைக்காதீர்கள்.
- இரவில் கனமான உணவு சாப்பிட்ட உடனே தூங்க வேண்டாம்.
- முடிந்தால், இரவில் குறைந்தது 30 நிமிடங்களாவது நடக்கவும்.
- ஆல்கஹால், காஃபின் அல்லது நிகோடின் தயாரிப்புகளை உட்கொள்வதைக் குறைக்கவும், இது தூக்கத்தை சீர்குலைக்கும்.
- தூங்கும் முன் தியானம் செய்வதால் மனம் தளர்ந்து உறக்கம் விரைவில் வரும்.
உங்களால் இரவில் தூங்க முடியாவிட்டால், உங்கள் வாழ்க்கை முறையை மாற்றிக்கொள்ளுங்கள். இது தவிர யோகா, தியானம் செய்ய வேண்டும். இது உங்கள் நரம்பு மண்டலத்திற்கு நிவாரணம் அளிக்கிறது மற்றும் நீங்கள் தூக்கத்தின் அளவை மேம்படுத்தலாம். உங்களுக்கு தூக்கம் தொடர்பான பிரச்சனைகள் இருந்தால், மருத்துவரை அணுகவும்.
Image Source: FreePik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
