Overeating: அதிகமாக சாப்பிடும் பழக்கம் உங்களுக்கு உள்ளதா? இதை கைவிட சிம்பிள் டிப்ஸ்!

அளவுக்கு அதிகமாக சாப்பிடுவது என்பது தவறான உணவுப் பழக்கம் ஆகும். எந்த ஒரு உணவையும் உட்கொள்வதற்கு முன், எதுவும் அளவுக்கு மீறினால் நஞ்சு என்ற வாசகத்தை நினைவில் வைத்துக் கொள்ள வேண்டும். அதிகமாக சாப்பிடும் உணவுப் பழக்கும் உள்ளவர்கள், அசாதாரணமான அளவு உணவுகளை உட்கொள்வார்கள். அப்படிப்பட்டவர்களால் பசி தாங்கமுடியாது. அதிகமாக சாப்பிடும் கோளாறு உள்ளவர்களின் எடை வேகமாக அதிகரிக்கும், வேகமாக குறையும். அதிகமாக சாப்பிடும் பழக்கத்தை கைவிடுவது எப்படி என்பதை இந்த பதிவை படித்துத் தெரிந்துக் கொள்ளுங்கள்.

இதையும் படிங்க: சர்க்கரை நோயாளிகள் கரும்பு ஜூஸ் குடிக்கலாமா?

அதிகமாக சாப்பிடும் பழக்கத்தை கைவிடுவது எப்படி?

உணவு சாப்பிடாமல் இருக்கக் கூடாது

அதிகமாக சாப்பிடுவதை தவிர்க்க விரும்புபவர்கள் முதலில் வேளைவேளைக்கு உணவு எடுத்துக் கொள்ள வேண்டும். நீங்கள் அதிகமாக சாப்பிடுவதைத் தவிர்க்க விரும்பினால், உணவைத் தவிர்க்கும் தவறைச் செய்யாதீர்கள். உணவை தவிர்ப்பது என்பது உணவின் மீதான ஆசையை அதிகரிக்கிறது. இது ஒரே நேரத்தில் அதிக உணவு கட்டுப்பாடின்றி உண்ணச் செய்கிறது. அதிகப்படியான உணவு இரத்த சர்க்கரை அளைவ அதிகரிக்கும்.

தினசரி 5 வேளையாக சாப்பிடுங்கள்

நீங்கள் அதிகமாக சாப்பிடுவதைத் தவிர்க்க விரும்பினால், ஒரு நாளைக்கு 5 வேளை சாப்பிடுங்கள். அதிகமாகச் சாப்பிடும் பழக்கம் உள்ளவர்கள் மீண்டும் மீண்டும் பசியுடன் இருப்பார்கள். உங்கள் தினசரி உணவை 5 வேளையாக பிரித்துச் சாப்பிடுங்கள். காலை உணவை உண்ணுங்கள், பின்னர் பழங்கள் அல்லது லேசான சிற்றுண்டிகளை சாப்பிடுங்கள். இதற்குப் பிறகு, மதிய உணவு சாப்பிட்டு, மாலையில் லேசான சிற்றுண்டி சாப்பிட்டு, இரவில் இரவு உணவு சாப்பிடுங்கள்.

போதுமான அளவு தண்ணீர் குடிக்கவும்

அதிகமாக சாப்பிடும் பழக்கத்தை நீங்கள் கைவிட விரும்பினால், போதுமான அளவு தண்ணீர் குடிக்கவும். தண்ணீரை உட்கொள்வதன் மூலம் பசியின்மை பிரச்சனை நீங்குகிறது மற்றும் அதிகமாக சாப்பிடுவதை தவிர்க்கலாம். ஒரு ஆய்வின் படி, 500 மில்லி தண்ணீர் குடிப்பதால் கலோரிகள் 13 சதவீதம் குறைகிறது. அதிகமாக சாப்பிடும் பழக்கத்தை தவிர்க்க, சாப்பிடுவதற்கு அரை மணி நேரத்திற்கு முன் 1 கிளாஸ் தண்ணீர் குடிக்கவும்.

அதிக நார்ச்சத்து நிறைந்த உணவுகள்

அதிகமாக சாப்பிடுவதை தவிர்க்க நார்ச்சத்து நிறைந்த உணவுகளை உங்கள் உணவில் சேர்த்துக் கொள்ளுங்கள். நார்ச்சத்து உட்கொள்வதால் வயிறு நீண்ட நேரம் நிறைந்திருக்கும். நார்ச்சத்து நல்ல அளவு பழங்கள், காய்கறிகள் மற்றும் முழு தானியங்களில் காணப்படுகிறது. நார்ச்சத்து நிறைந்த உணவுகளை உட்கொள்வது செரிமானத்தை மேம்படுத்துகிறது மற்றும் பசியைக் கட்டுப்படுத்துகிறது.

தினமும் காலை உணவை உண்ணுங்கள்

நீங்கள் அதிகமாக சாப்பிடும் பழக்கத்தை தவிர்க்க விரும்பினால், தினமும் காலை உணவை சாப்பிடுங்கள். காலை உணவை உட்கொள்வது உங்கள் உடலை சுறுசுறுப்பாக வைத்திருக்கிறது மற்றும் உணவின் மீதான உங்கள் பசியை தணிக்கிறது.

காலை உணவைத் தவிர்ப்பவர்கள் மதிய உணவில் அதிக உணவை உட்கொள்கிறார்கள். எனவே, புரதம், கால்சியம் மற்றும் நார்ச்சத்து அடங்கிய காலை உணவை தினமும் சாப்பிடுங்கள். காலை உணவை தவிர்ப்பது என்பது இதுபோல் பல பிரச்சனைகளுக்கும் வழிவகுக்கும்.

இதையும் படிங்க: Diabetes Diet: இரத்த சர்க்கரை அளவைக் கட்டுப்படுத்த 7 காலை உணவு விருப்பங்கள்

தினசரி அதிகமாக சாப்பிடுவது என்பது நம் உடலில் பல தொந்தரவுகளை ஏற்படுத்தும். எனவே ஆரோக்கியமாக உணவை அளவாக சாப்பிட்டு மகிழ்ச்சியோடு வாழுங்கள். ஆரோக்கியம் தொடர்பான கூடுதல் தகவலுக்கு Onlymyhealth உடன் இணைந்திருங்கள்.

Image Source: FreePik