How To Cure Cold And Cough In Summer: கோடைக்காலத்தில் சளி பிடிப்பது வித்தியாசமாக இருந்தாலும், இது மிகவும் பொதுவானதாகும். குளிர்காலத்தில் தான் சளி பிடிக்கும் என பலரும் நினைக்கின்றனர். ஆனால், வெப்பமான கோடைக்காலத்திலும் சளித்தொல்லை ஏற்படலாம். கோடைக்காலத்தில் சளி ஏற்படுவதற்கு முக்கிய காரணமாக அமைவது என்டோவைரஸ்கள் ஆகும். இது மூக்கு ஒழுகுதல், தொண்டை புண் போன்ற பல்வேறு அறிகுறிகளை உண்டாக்கலாம்.
குளிர் மற்றும் கோடைக்காலத்தில் ஏற்படும் சளி பிரச்சனைக்கு பெரிய வித்தியாசம் எதுவும் இல்லை. ஏனெனில், இந்த இரண்டு காலத்திலும் சளி ஏற்படுவதற்கான காரணங்கள் பொதுவானதே ஆகும். குறிப்பாக, பாதிக்கப்பட்ட நபர்கள் மூலம் பரவுவது, ஒரு நபர் தனது மூக்கு, வாய் அல்லது கண்களில் கையைத் தொடும் போது ஏற்படுகிறது.
இந்த பதிவும் உதவலாம்: Acid Reflux Reducing Tips: நெஞ்செரிச்சல் டக்குணு சரியாகணுமா? இதெல்லாம் ஃபாலோ பண்ணுங்க
கோடைக்காலத்தில் சளி இருப்பதை கண்டுபிடிப்பது எப்படி?
சளி மற்றும் ஒவ்வாமை பிரச்சனைக்கு மூக்கு ஒழுகுதல், தொண்டை புண், தும்மல் போன்ற அறிகுறிகள் ஏற்படும். கோடைக்காலத்தில் ஏற்படும் சளி பொதுவாக ஓரிரு வாரங்களுக்குள் சரியாகி விடும். எனினும் இது இரண்டு வாரங்களுக்கு மேல் நீடித்தால், ஜலதோஷத்தின் அறிகுறிகள் பொதுவான லேசானதாக இருக்கும். இது பின்னர் மோசமடைந்து பழைய நிலைக்குத் திரும்பலாம். 
கோடைக்கால சளிக்கு சிறந்த வீட்டு வைத்தியம்
சளி எவ்வளவு காலம் நீடிக்கிறது என்பது ஒரு நபர் எடுத்துக் கொள்ளும் உணவு, போதுமான நீரேற்றம், மற்றும் உடல் செயல்பாடுகள் போன்றவற்றை பொறுத்தே அமைகிறது. இதில் கோடைக்கால சளிக்கு சிறந்த மற்றும் பயனுள்ள வீட்டு வைத்தியங்களைக் காணலாம்.
ஆரோக்கியமான உணவு
நன்கு சமநிலையான மற்றும் சத்தான உணவை எடுத்துக் கொள்வது நோயை எதிர்த்துப் போராட உதவுகிறது. இது உடலுக்குத் தேவையான புரதம் மற்றும் சிறந்த ஆற்றலைப் பெற உதவுகிறது. மேலும் உடலில் நோயெதிர்ப்புச் சக்தியை அதிகரிக்க உதவும் வைட்டமின் ஏ, சி, டி, துத்தநாகம் மற்றும் இரும்புச்சத்து நிறைந்த உணவுகளை எடுத்துக் கொள்ள வேண்டும். இது பல்வேறு நோய்களிலிருந்து நம்மைப் பாதுகாக்க உதவுகிறது.
போதுமான ஓய்வு
உடல் நலம் ஆரோக்கியமாக இருக்கவும், நோயெதிர்ப்புச் சக்தியை அதிகரிக்கவும் போதுமான ஓய்வு அவசியமாகிறது. இடைவிடாத தீவிர உடல் செயல்பாடு மன அழுத்தத்தை அதிகரிப்பதுடன், உடலுக்கு பாதிப்பை ஏற்படுத்தலாம்.
இந்த பதிவும் உதவலாம்: Constipation Remedies: மலச்சிக்கல் பிரச்சனையைப் போக்க இந்த இரண்டு பொருள் போதும்
நீரேற்றமாக இருப்பது
கோடைக்காலத்தில் அதிகம் தண்ணீர் குடிப்பது உடலை நீரேற்றமாக வைக்க உதவும். எனினும் காஃபின், மதுபானங்களைத் தவிர்ப்பது அவசியமாகும். மிதமான சூப்கள், சூடான தேநீர் போன்றவை ஆறுதல் அளிக்கும்.
நீராவி பிடித்தல்
மூக்கு ஒழுகுதல், நெரிசல், இருமல், தொண்டை புண் போன்ற அறிகுறிகளிலிருந்து நிவாரணம் பெற ஸ்டீமர்கள் மற்றும் ஈரப்பதமூட்டிகளைப் பயன்படுத்தலாம். ஈரப்பதமூட்டிகள் வறட்சி மற்றும் இருமலைக் குறைக்க உதவுகிறது. 
நோயெதிர்ப்புச் சக்தி வலுப்படுத்துதல்
ஆரோக்கியமான மற்றும் சீரான உணவை எடுத்துக் கொள்வதில் சிறப்பு கவனம் செலுத்த வேண்டும். அந்த வகையில் நோயெதிர்ப்புச் சக்தியை தூண்டும் இயற்கை வைத்தியங்களைக் கொண்ட மூலிகைகள் மற்றும் நுண்ணூட்டச்சத்துக்களை எடுத்துக் கொள்வது நல்லது.
கைகளை அடிக்கடி கழுவுதல்
சளி தொல்லையால் பாதிக்கப்பட்டவர்களிடம் இருந்து விலகி நிற்பதன் மூலம் தொற்று பரவுவதைத் தடுக்க முடியும். மேலும் பாதிக்கப்பட்டவர்களைத் தொடும் சூழல் ஏற்பட்டால், கைகளை சோப்பு மற்றும் தண்ணீரால் கழுவ வேண்டும். இது மட்டுமல்லாமல், வெளியில் சென்று வீட்டுக்குள் வரும் போது, சாப்பிடும் முன்பு போன்ற நேரத்தில் கட்டாயம் கைகளைக் கழுவ வேண்டும்.
இந்த வழிகளில் கோடைக்காலத்தில் ஏற்படும் சளி பிரச்சனையிலிருந்து தவிர்க்கலாம்.
இந்த பதிவும் உதவலாம்: Sore Throat Remedies: கோடையில் தொண்டை வறட்சியை போக்கும் வீட்டு வைத்தியம் இங்கே…
Image Source: Freepik