தீராத வாய்ப்புண்கள் சீக்கிரம் குணமாக இந்த வீட்டு வைத்தியங்களை ட்ரை பண்ணுங்க

How to get rid of a mouth ulcer instantly: பல்வேறு காரணங்களால் பலரும் வாய்ப்புண்களால் அவதிப்படுகின்றனர். இதனால், அவர்களின் அன்றாட வாழ்வில் பல பிரச்சனைகளை சந்திக்கலாம். இந்த தீராத வாய்ப்புண்கள் ஒருவர் மன அழுத்தத்தையும் சந்திக்கும் சூழ்நிலை ஏற்படலாம். இதைத் தவிர்க்கவும், வாய்ப்புண்களைக் குணமாக்கவும் சில இயற்கையான வீட்டு வைத்திய முறைகளைக் கையாளலாம். இதில் வாய்ப்புண்களைக் குணமாக்க உதவும் வீட்டு வைத்தியங்களைக் காணலாம்.
  • SHARE
  • FOLLOW
தீராத வாய்ப்புண்கள் சீக்கிரம் குணமாக இந்த வீட்டு வைத்தியங்களை ட்ரை பண்ணுங்க

How to get rid of mouth ulcers fast: அன்றாட வாழ்வில் பலரும் சந்திக்கும் பொதுவான பிரச்சனைகளில் ஒன்றாக வாய்ப்புண்களும் அடங்கும். பொதுவாக ஒருவருக்கு வாய்ப்புண் ஏற்படுவது நம்பமுடியாத அளவிற்கு வெறுப்பை உண்டாக்கலாம். ஏனெனில், இது சாப்பிடுவது, பேசுவது, சிரிப்பது உள்ளிட்டவற்றில் கூட அசௌகரியத்தை ஏற்படுத்தும் வகையில் அமையும். இந்த வாய்ப்புண் ஏற்படுவதற்கு பல்வேறு காரணங்கள் இருக்கலாம்.

அதாவது சாப்பிடும் போது சில உணவுகளால், வேறு ஏதேனும் சிறிய காயங்கள் போன்றவற்றால் இந்த வாய்ப்புண்கள் ஏற்படலாம். இது வழக்கமாக ஓரிரு வாரங்களுக்குள் குணமாகலாம். எனினும், சில இயற்கையான வீட்டு வைத்தியங்களின் உதவியுடன் இந்த வாய்ப்புண்களை குணப்படுத்தலாம். வீட்டு வைத்தியங்களைக் கண்ட பிறகும், புண்கள் ஆறவில்லை அது வேறு சில பிரச்சனைகளை எடுத்துரைக்கலாம். இந்நிலையில் மருத்துவ ஆலோசனை பெறுவது நல்லது.

இந்த பதிவும் உதவலாம்: Mouth Ulcer: வாய் புண்களை எளிதாக வீட்டிலேயே குணப்படுத்தலாம்.. இந்த ரகசியம் தெரியுமா? 

வாய்ப்புண் குணமாக உதவும் வீட்டு வைத்தியம்

தேன், மஞ்சள் கலவை

தேன் மற்றும் மஞ்சள் இரண்டுமே ஆரோக்கிய பண்புகள் நிறைந்ததாகும். தேன் ஒரு பாக்டீரியா எதிர்ப்பு முகவராக செயல்படுகிறது. மஞ்சளில் குர்குமின் உள்ளது, இது அழற்சி எதிர்ப்பு மற்றும் குணப்படுத்தும் பண்புகளுக்கு பெயர் பெற்றதாகும். எனவே இந்த இரண்டின் கலவை வாய் புண்களுக்கு ஒரு சக்திவாய்ந்த தீர்வாக அமைகிறது.

பயன்படுத்தும் முறை

  • இந்த கலவை தயார் செய்ய, ஒரு சிட்டிகை மஞ்சளுடன் 1 டீஸ்பூன் தேன் கலந்து பேஸ்ட் செய்ய வேண்டும்.
  • பிறகு இந்த கலவையை வாய்ப்புண் இருக்கும் இடத்தில் தடவி, 15 நிமிடம் வைக்கலாம். அதன் பின், வெதுவெதுப்பான நீரில் வாயைக் கழுவலாம்

தேங்காய் பால்

தேங்காய் பாலின் இயற்கையான குளிர்ச்சி மிக்க பண்புகள் வாய்ப்புண்களைக் குணப்படுத்தும் அதிசயத்தைக் கொண்டுள்ளது. தேங்காய் பால் புண்களுக்கு வலுவான பாதுகாப்பை வழங்குகிறது. இதில் உள்ள அழற்சி எதிர்ப்பு பண்புகள் வலி மற்றும் வீக்கத்தைக் குறைக்க உதவுகிறது. இது புண் பகுதியை ஆற்றுகிறது.

பயன்படுத்தும் முறை

  • தேங்காய் துருவலை தண்ணீரில் சேர்த்து வடிகட்டி, புதிய தேங்காய்ப்பாலை எடுத்துக் கொள்ளலாம்.
  • ஒரு நாளைக்கு 2-3 முறை, வாயில் தேங்காய் பாலை ஊற்றி, 30 விநாடிகள் பாலை சுழற்ற வேண்டும்.

அதிமதுரம் வேர் பொடி

அதிமதுரம் அதன் அழற்சி எதிர்ப்பு மற்றும் ஆண்டிமைக்ரோபியல் பண்புகளுக்காக நன்கு பெயர் பெற்றதாகும். எனவே தான் இது பாரம்பரிய மருத்துவத்தில் பயன்படுத்தப்படுகிறது. இதன் குறிப்பிடத்தக்க விளைவுகள் வாய்ப்புண்களைக் குறைப்பதற்கான நன்மைகளைத் தருகிறது. மேலும், வலி-நிவாரண விளைவுகள் விரைவான முடிவைத் தருகிறது. இது புண் மீது ஒரு பாதுகாப்பு பூச்சை உருவாக்கி எரிச்சலைத் தடுக்கவும், குணப்படுத்துவதை ஊக்குவிக்கவும் உதவுகிறது.

பயன்படுத்துவது எப்படி

  • இதற்கு 1 டீஸ்பூன் அளவிலான அதிமதுரம் வேர் பொடியை சிறிது தண்ணீரில் கலந்து பேஸ்ட்டை உருவாக்க வேண்டும்.
  • பிறகு, இந்த பேஸ்ட்டை நேரடியாக வாய்ப்புண்ணில் தடவி 10-15 நிமிடங்கள் அப்படியே வைக்க வேண்டும்.
  • இதை ஒரு நாளைக்கு இரண்டு முறை செய்யலாம்.

இந்த பதிவும் உதவலாம்: Mouth Ulcers: அதிகமாக மாத்திரை சாப்பிட்டால் வாய் புண் வருமா? டாக்டர் கூறுவது இங்கே!

கிராம்பு எண்ணெய்

கிராம்பு எண்ணெயானது பல் வலிக்கு மட்டுமல்லாமல், இதன் மரத்துப் போகும் பண்பால் வாய்ப்புண்களால் ஏற்படும் வலியிலிருந்து தற்காலிகமாக விடுபட வைக்கிறது. கூடுதலாக, இதன் ஆண்டிமைக்ரோபியல் பண்புகள் தொற்றுநோயைத் தடுக்க உதவுகிறது.

எப்படி பயன்படுத்துவது?

  • கிராம்பு எண்ணெயில் சில துளிகள் தேங்காய் எண்ணெய் போன்ற கெரியர் எண்ணெயைச் சேர்த்து நீர்த்துப் போக வைக்கலாம்.
  • பிறகு இதை பருத்தி பஞ்சு அல்லது சுத்தமான விரலைக் கொண்டு புண் மீது தடவ வேண்டும். இதை சில நிமிடங்கள் வைத்து, பின்னர் வாயைக் கழுவலாம்.

கற்றாழை ஜெல்

கற்றாழை ஆனது பல்வேறு மருத்துவ குணங்களைக் கொண்டதாகும். இது வாய்ப்புண்களை விரைவில் குணமாக்க உதவுகிறது. இதன் இனிமையான மற்றும் அழற்சி எதிர்ப்பு குணங்கள் வாய்ப்புண்களிலிருந்து உடனடி நிவாரணம் மற்றும் மீட்புக்கு உதவுகிறது.

பயன்படுத்துவது எப்படி?

    • இதற்கு ஒரு புதிய கற்றாழையை எடுத்துக் கொண்டு ஜெல்லைத் தனியே பிரித்தெடுக்க வேண்டும்.
    • பிறகு சுத்தமான பருத்தி துணியைக் கொண்டு புண்களுக்கு நேரடியாக ஜெல்லைப் பயன்படுத்த வேண்டும்.
    • விரைவான முடிவுகளைப் பெற ஒரு நாளைக்கு 2-3 முறை செய்யலாம்.

இவ்வாறு பல்வேறு ஆரோக்கியமான வீட்டு வைத்திய முறைகளைக் கொண்டு வாய்ப்புண்களிலிருந்து விரைவில் நிவாரணம் பெறலாம்.

இந்த பதிவும் உதவலாம்: Mouth Ulcer Remedies: வாய் புண் வேகமாக குணமாக என்னென்ன சாப்பிடலாம்!

Image Source: Freepik

Read Next

Remedy For Constripation: மலச்சிக்கலில் இருந்து விடுபட சர்க்கரை வள்ளி கிழங்கை இப்படி சாப்பிடுங்க!

Disclaimer

குறிச்சொற்கள்