பெண்களின் குடல் ஆரோக்கியத்திற்கான சிறந்த உணவுகள்.. மருத்துவர் பரிந்துரை..

பெண்களின் உடல் நலனில் முக்கிய பங்காற்றுவது குடல் ஆரோக்கியம். குடல் நன்றாக செயல்பட்டால், செரிமானம் சீராக இருக்கும், நோய் எதிர்ப்பு சக்தி அதிகரிக்கும் மற்றும் ஹார்மோன் சமநிலையும் சீராகும். இதனை மனதில் கொண்டு, காஸ்ட்ரோஎன்டராலஜிஸ்ட் டாக்டர் சௌரப் சேதி தன் இன்ஸ்டாகிராம் பக்கத்தில் பெண்களின் குடல் ஆரோக்கியத்தை மேம்படுத்தும் சிறந்த 10 உணவுகளை பகிர்ந்துள்ளார்.

பெண்களின் குடல் ஆரோக்கியத்திற்கான உணவுகள்

1. தயிர் (Yogurt)

தயிரில் உள்ள ப்ரோபயாட்டிக்ஸ் (Probiotics) குடலில் உள்ள நன்மைத் தொற்று கிருமிகளை (Good bacteria) அதிகரிக்க உதவுகின்றன. இதனால் செரிமானம் மேம்பட்டு, மலச்சிக்கல் மற்றும் வீக்கம் போன்ற பிரச்சனைகள் குறைகின்றன. தினசரி ஒரு கப் தயிர் சாப்பிடுவது குடல் ஆரோக்கியத்திற்கு சிறந்த வழக்கம்.

2. பெர்ரி (Berries)

ப்ளூபெர்ரி, ஸ்ட்ராபெர்ரி, ராஸ்பெர்ரி போன்ற பேரிக்கள் ஆண்டிஆக்சிடென்ட் மற்றும் நார்ச்சத்து நிறைந்தவை. இவை குடல் உள் சுவரை பாதுகாத்து அழற்சியைத் தடுக்கின்றன. பெண்களின் ஹார்மோன் மாற்றங்களால் ஏற்படும் குடல் பிரச்சனைகளை சமநிலைப்படுத்தவும் உதவுகின்றன.

3. ஆளி விதைகள் (Flaxseeds)

ஓமேகா-3 கொழுப்பு அமிலம் மற்றும் நார்ச்சத்து நிறைந்த ஆளி விதைகள் குடல் இயக்கத்தை ஒழுங்குபடுத்துகின்றன. தினமும் ஒரு டீஸ்பூன் அளவு ஆளி விதையை காலை நேரத்தில் தண்ணீருடன் எடுத்துக்கொள்வது மலச்சிக்கலைத் தடுக்கும்.

4. அஸ்பெரகஸ் (Asparagus)

அஸ்பெரகஸில் உள்ள ப்ரீபயாட்டிக்ஸ் (Prebiotics) குடல் நுண்ணுயிர்களை வளர்க்க உதவுகின்றன. இது குடல் சுகாதாரத்தை மேம்படுத்தி, செரிமானத்தை சீராக வைத்திருக்க உதவும் முக்கிய காய்கறி.

5. கிம்‌சி (Kimchi)

கொரிய உணவான கிம்‌சி ஒரு ப்ரோபயாட்டிக் நிறைந்த புளிக்க வைத்த உணவாகும். இது குடல் நுண்ணுயிர்களை வளர்த்து, தீய கிருமிகளை அழிக்க உதவுகிறது. குடல் வீக்கம், வாயு பிரச்சனை போன்றவற்றைத் தடுக்கவும் பயனுள்ளதாகும்.

6. சர்க்கரை வள்ளிக்கிழங்கு (Sweet Potatoes)

சர்க்கரை வள்ளிக்கிழங்கில் உள்ள நார்ச்சத்து குடலில் நல்ல பாக்டீரியாவை ஊக்குவிக்கிறது. இது பெண்களின் மாதவிடாய் சமநிலைக்கும், குடல் இயக்கத்திற்கும் உதவுகிறது. வேகவைத்த சீமைக் கிழங்கை காலை அல்லது மாலை சிற்றுண்டியாக எடுத்துக்கொள்ளலாம்.

7. சியா விதைகள் (Chia Seeds)

சியா விதைகள் நார்ச்சத்து மற்றும் ஓமேகா-3 கொழுப்பு அமிலம் நிறைந்தவை. இவை குடல் இயக்கத்தை மென்மையாக்கி, நீர்ச்சத்து சமநிலையையும் பேணுகின்றன. தண்ணீரில் ஊறவைத்து குடிப்பது சிறந்தது.

இந்த பதிவும் உதவலாம்: செரிமானத்தை மேம்படுத்தும் சக்திவாய்ந்த மூலிகைகள் – மருத்துவர் பரிந்துரை!

8. பருப்பு வகைகள் (Lentils)

பருப்பு வகைகள் புரதம், நார்ச்சத்து, இரும்பு போன்ற சத்துக்களால் நிறைந்தவை. குடலில் நல்ல பாக்டீரியாவை வளர்த்து, செரிமானத்தை மேம்படுத்தும் சக்தி கொண்டவை.

9. எக்ஸ்ட்ரா வர்ஜின் ஆலிவ் எண்ணெய் (Extra Virgin Olive Oil)

ஆலிவ் எண்ணெயில் உள்ள நல்ல கொழுப்பு குடல் அழற்சியை குறைத்து, குடல் செல்களின் செயல்பாட்டை மேம்படுத்துகிறது. உணவில் எண்ணெயாக பயன்படுத்துவது நல்ல தேர்வு.

10. பச்சை நிறத்தில் இருக்கும் வாழைப்பழம் (Slightly Green Banana)

முழுவதும் பழுத்திருக்காத வாழைப்பழம் ரெசிஸ்டன்ட் ஸ்டார்ச்சு (Resistant starch) நிறைந்தது. இது குடல் நுண்ணுயிர்களுக்கு உணவாக செயல்பட்டு, செரிமானத்தை மேம்படுத்துகிறது.

View this post on Instagram

A post shared by Saurabh Sethi MD MPH | Gastroenterologist (@doctor.sethi)

இறுதியாக..

பெண்களின் குடல் ஆரோக்கியத்தை பராமரிப்பது உடல் நலனின் முக்கியமான பகுதி. தினசரி உணவில் தயிர், பேரிக்கள், ஆளி விதைகள், கிம்‌சி போன்ற உணவுகளை சேர்த்தால் குடல் சுத்தம் மற்றும் சுகாதாரம் மேம்படும். உடல் ஆரோக்கியம், மன உற்சாகம் மற்றும் சரும அழகிற்கும் குடல் நலன் நேரடி தாக்கம் ஏற்படுத்துகிறது.

Disclaimer: இந்தக் கட்டுரை தகவல் பகிர்வு நோக்கத்திற்காக மட்டுமே. மருத்துவ ஆலோசனைக்காக உங்கள் மருத்துவரை அணுகவும். உணவுப் பழக்கங்களில் மாற்றம் செய்வதற்கு முன் நிபுணரின் பரிந்துரையைப் பெறுவது அவசியம்.