குடல்நலனுக்கு தினமும் குடிக்க வேண்டிய 10 சிறந்த பானங்கள்.. டாக்டர் சௌரப் சேதி பரிந்துரை..

குடல் என்பது செரிமானத்தின் மையம் மட்டுமல்ல, நோய் எதிர்ப்பு சக்தி மற்றும் மனநிலைக்கும் முக்கிய பங்கு வகிக்கிறது. குடல்நலன் சீராக இல்லாதபோது வயிற்று வீக்கம், அமிலம், செரிமான சிக்கல்கள் மற்றும் மனஅழுத்தம் போன்றவை ஏற்படலாம். இதற்கு இயற்கையாக தீர்வு அளிக்கும் பானங்களை காஸ்ட்ரோஎன்டராலஜிஸ்ட் டாக்டர் சௌரப் சேதி இன்ஸ்டாகிராமில் பகிர்ந்துள்ளார்.

டாக்டர் சௌரப் சேதி பரிந்துரைக்கும் குடல்நலனுக்கான 10 சிறந்த பானங்கள்

இஞ்சி டீ (Ginger Tea)

இஞ்சி டீ செரிமான சாறுகளை தூண்டி, குடலில் உள்ள அழற்சியை குறைத்து, வாயுத் தொந்தரவையும் தணிக்கிறது.

தண்ணீர் (Water)

தினமும் போதுமான அளவு தண்ணீர் குடிப்பது குடலின் இயக்கத்தை சீராக வைத்துக்கொண்டு, கழிவுகளை எளிதில் வெளியேற்ற உதவுகிறது.

பச்சை டீ (Green Tea)

பச்சை டீயில் உள்ள ஆன்டி-ஆக்சிடென்டுகள் குடல் பாக்டீரியாக்களின் சமநிலையை மேம்படுத்தி, செரிமானத்தை சீராக்கும்.

சோம்புத் தண்ணீர் (Fennel Seeds Water)

சோம்பு நீர் வாயுவை குறைத்து, குடல் வீக்கம் மற்றும் செரிமானக் குறைபாடுகளை தணிக்க உதவும்.

கெபீர் (Kefir)

கெபீர் என்பது ப்ரொபயாட்டிக் நிறைந்த பால் பானம். இது குடலில் நல்ல பாக்டீரியாக்களை அதிகரித்து செரிமானத்தை வலுப்படுத்துகிறது.

மோர் (Buttermilk)

மோர் பாரம்பரிய இந்திய பானம். இது குடல் வெப்பத்தை தணித்து, அமிலத்தையும் தடுக்கிறது. செரிமானத்தையும் மேம்படுத்துகிறது.

இந்த பதிவும் உதவலாம்: சிறிய உணவு மாற்றம் = பெரிய ஆரோக்கிய வெற்றி! டாக்டர் பால் கூறும் பெண்களுக்கான ஆரோக்கிய ரகசியங்கள்!

தேங்காய் தண்ணீர் (Coconut Water)

தேங்காய் தண்ணீர் உடலின் நீர் சமநிலையை பராமரித்து, குடலில் நச்சுகளை வெளியேற்றுகிறது.

கொம்பூச்சா (Kombucha)

கொம்பூச்சா என்பது புளித்த தேயிலை பானம். இது குடலில் நல்ல பாக்டீரியாக்களின் வளர்ச்சியை ஊக்குவித்து செரிமான ஆரோக்கியத்தை மேம்படுத்தும்.

எலும்புச் சூப் (Bone Broth)

எலும்புச் சூப்பில் உள்ள கொலாஜன் குடல் சுவரை வலுப்படுத்தி, “leaky gut” பிரச்சனையை குறைக்க உதவும்.

இசப்கூல் தண்ணீர் (Psyllium Husk Drink)

இசப்கூல் நார்ச்சத்து நிறைந்தது. இது குடல் இயக்கத்தை சீராக்கி மலச்சிக்கலை தணிக்க உதவுகிறது.

View this post on Instagram

A post shared by Saurabh Sethi MD MPH | Gastroenterologist (@doctor.sethi)

டாக்டர் சேதி கூறும் ஆலோசனை

“உடல் ஆரோக்கியத்தின் அடிப்படை குடல்நலமே. தினசரி உணவில் ப்ரொபயாட்டிக் பானங்களைச் சேர்த்துக் கொண்டால் செரிமானம் சீராகி, உடல் எளிதாக நச்சுகளை வெளியேற்றும்,” என்கிறார் டாக்டர் சௌரப் சேதி.

இறுதியாக..

குடல்நலம் சீராக இருந்தால் உடல் எடை கட்டுப்பாட்டிலும், நோய் எதிர்ப்பு சக்தியிலும், தோல் ஆரோக்கியத்திலும் மாற்றம் ஏற்படும். இஞ்சி டீ, மோர், தேங்காய் தண்ணீர் போன்ற இயற்கை பானங்களை தினசரி வாழ்க்கையில் சேர்த்துக் கொள்வது ஆரோக்கியமான குடல் வாழ்வை உறுதிசெய்யும்.

Disclaimer: இந்த கட்டுரை பொது தகவல் நோக்கத்திற்காக மட்டுமே. இது மருத்துவ ஆலோசனையாக கருதப்படக்கூடாது. உங்களுக்கு குடல் அல்லது செரிமான பிரச்சனைகள் நீடித்தால், மருத்துவரை அணுகுவது அவசியம்.