சியா விதைகள் உண்மையிலேயே BP-ஐ குறைக்குமா.? நிபுணரின் பதில் இங்கே..

சியா விதைகள் இப்போது “சூப்பர்ஃபுட்” என்று அழைக்கப்படுகின்றன. எடை குறைப்பு, செரிமானம் மேம்பாடு, இதய ஆரோக்கியம் என பல நன்மைகளுக்காக பிரபலமாகியுள்ளன. ஆனால், அவை உண்மையில் உயர் இரத்த அழுத்தத்தை (BP) கட்டுப்படுத்த உதவுமா? என்ற கேள்வி பலரிடமும் உள்ளது.

லக்னோவில் உள்ள நியூட்ரிவைஸ் கிளினிக்கின் ஊட்டச்சத்து நிபுணர் நேஹா சின்ஹா கூறுகையில், “சியா விதைகளில் ஒமேகா-3 கொழுப்பு அமிலங்கள், நார்ச்சத்து, பொட்டாசியம், கால்சியம், மெக்னீசியம் போன்ற ஊட்டச்சத்துக்கள் உள்ளன. அவை இரத்த நாளச் சுவர்களை தளர்த்தி, வீக்கத்தைக் குறைத்து, இரத்த அழுத்தத்தைக் கட்டுப்படுத்த உதவுகின்றன. ஆனால் இதன் பயன் நபரின் உடல்நிலை மற்றும் வாழ்க்கை முறையைப் பொறுத்தது,” என்று விளக்கினார்.

ஆய்வுகள் என்ன சொல்கின்றன?

அமெரிக்க தேசிய சுகாதார நிறுவனங்கள் (NIH) நடத்திய 2019 ஆய்வு சியா விதைகளின் விளைவுகளை வெளிப்படுத்துகிறது. அந்த ஆய்வில், பங்கேற்றவர்கள் 12 வாரங்கள் தினமும் 40 கிராம் சியா விதைகளை எடுத்துக்கொண்டனர். முடிவில், அவர்களின் சிஸ்டாலிக் மற்றும் டயஸ்டாலிக் இரத்த அழுத்தத்தில் குறிப்பிடத்தக்க குறைவு கண்டறியப்பட்டது.

இந்த பதிவும் உதவலாம்: சியா விதைகளை சாப்பிடும்போது இந்த 7 தவறுகளைச் செய்யாதீர்கள்.!

இதய ஆரோக்கியத்திற்கு சியா விதைகள் தரும் நன்மைகள்

* ஒமேகா-3 கொழுப்பு அமிலங்கள் – இதய நோய் அபாயத்தை குறைத்து, கொழுப்புச் சத்து கட்டுப்பாட்டில் உதவும்.

* பொட்டாசியம் மற்றும் மெக்னீசியம் – இரத்த அழுத்தத்தை சீராக்கும் இயற்கை தாதுக்கள்.

* நார்ச்சத்து – குடல் ஆரோக்கியத்தை மேம்படுத்தி, கொழுப்பு அளவைக் கட்டுப்படுத்தும்.

* ஆன்டி-ஆக்ஸிடன்ட்கள் – இதய செல்களை பாதுகாத்து, ஃப்ரீ ரேடிக்கல்களின் தாக்கத்தைக் குறைக்கும்.

* வீக்கம் குறைவு – உடலின் அலர்ஜி குறைய, இதய நோய் அபாயம் தடுக்கப்படும்.

நிபுணரின் பரிந்துரை

நேஹா சின்ஹா கூறுகையில், “சியா விதைகள் இரத்த அழுத்தத்தைக் குறைக்க உதவினாலும், மருத்துவர் ஆலோசனையின்றி அதிக அளவில் எடுத்துக்கொள்வது ஆபத்தானது. உயர் இரத்த அழுத்தம் உள்ளவர்கள் சியா விதைகளை உணவில் சேர்ப்பதற்கு முன், மருத்துவரை அணுக வேண்டும்” என்றார்.

இறுதியாக..

சியா விதைகள் பல்வேறு ஊட்டச்சத்துக்களை கொண்டதால் இதய ஆரோக்கியத்திற்கு நன்மை தருகின்றன. ஆய்வுகளும் இதனை உறுதி செய்கின்றன. இருப்பினும், உயர் இரத்த அழுத்தம் (Hypertension) கொண்டவர்கள் தனியாக சிகிச்சை முறையாக சியா விதைகளில் மட்டும் நம்பாமல், சீரான உணவு, உடற்பயிற்சி மற்றும் மன அழுத்த கட்டுப்பாடு ஆகியவற்றை பின்பற்றுவதோடு மருத்துவர் ஆலோசனையையும் கடைபிடிக்க வேண்டும்.

Disclaimer: இந்தக் கட்டுரை பொதுவான தகவல்களுக்காக மட்டுமே. இது மருத்துவ ஆலோசனை அல்ல. உங்களுக்குப் பிரத்தியேக உடல்நலப் பிரச்சினைகள் இருந்தால், மருத்துவரின் ஆலோசனையைப் பெறுவது அவசியம்.