Does late-night work affect pregnancy: இன்றைய காலகட்டத்தில் சமநிலையற்ற உணவு முறை, மோசமான வாழ்க்கை முறை மற்றும் நீண்ட வேலை நேரங்களின் தாக்கம் போன்றவற்றால் மக்களின் ஆரோக்கியத்தில் பாதிப்பு ஏற்படலாம். மேலும் இது பெண்களை மிகவும் பாதிக்கக்கூடும். இன்றைய கலாச்சாரம் மற்றும் வேலை அழுத்தம் ஆனது குறிப்பாக, கர்ப்பிணிப் பெண்களுக்கு ஒரு சவாலாக மாறியுள்ளது. கடந்த சில ஆண்டுகளில், பெண்களின் தொழில்முறை பங்கேற்பு அதிகரித்து காணப்படுகிறது. இதனால் இரவு நேரத்தில் பணிபுரியும் போக்கும் வேகமாக அதிகரித்துள்ளது.
குறிப்பாக, சுகாதாரம், பிபிஓ, பாதுகாப்பு மற்றும் விமானப் போக்குவரத்து போன்ற துறைகளில் இரவு நேரத்தில் வேலை பார்ப்பது அடங்கும். இந்த மாற்றங்களுக்கு மத்தியில், இரவு ஷிப்டுகளில் வேலை செய்வது கருச்சிதைவு அபாயத்தை அதிகரிக்குமா என்ற கேள்வி தொடர்ந்து எழுகிறது. கர்ப்ப காலத்தில் ஹார்மோன் சமநிலை, தூக்கம் மற்றும் மனநிலை போன்றவை தாய் மற்றும் கருவின் ஆரோக்கியத்தை நேரடியாகப் பாதிக்கிறது என்பதால் இது முக்கியமானதாகக் கருதப்படுகிறது.
இதில் டெல்லியின் ஆனந்த் நிகேதனில் அமைந்துள்ள மகளிர் மருத்துவம் எவ்ரி வுமன் மேட்டர்ஸ் கிளினிக்கின் மூத்த ஆலோசகர், மகப்பேறியல் மற்றும் மகப்பேறு மருத்துவர் டாக்டர் (கர்னல்) குஞ்சன் மல்ஹோத்ரா சரீன், இரவுப்பணி கர்ப்பத்தில் என்ன விளைவை ஏற்படுத்துகிறது என்பது குறித்து விரிவாகக் காண்போம்.
இந்த பதிவும் உதவலாம்: நைட்டு லேட்டா தூங்குறீங்களா.? ஹார்மோன் பிரச்சனை விளிம்பில் உள்ளீர்கள்..
இரவு நேரப் பணி கருச்சிதைவு அபாயத்தை அதிகரிக்குமா?
இரவில் விழித்திருந்து பகலில் தூங்கும்போது, அது உடலின் உயிரியல் கடிகாரத்தை பாதிக்கிறது. இந்த ரிதம் உடலில் ஹார்மோன்களின் உற்பத்தியுடன் நேரடியாக தொடர்புடையதாகும். கர்ப்ப காலத்தில் ஈஸ்ட்ரோஜன் மற்றும் புரோஜெஸ்ட்டிரோன் போன்ற ஹார்மோன்கள் கருவைப் பாதுகாக்க உதவுகிறது. இரவு நேர வேலைகள், இந்த ஹார்மோன்களின் அசாதாரண அளவை ஏற்படுத்தக்கூடும்.
இது இதய நோய்க்கு வழிவகுக்கலாம். மேலும் கருச்சிதைவு ஏற்படும் அபாயத்தை அதிகரிக்கலாம். இது தவிர, சோர்வு மற்றும் தூக்கமின்மை போன்றவை கருப்பைக்கு இரத்த ஓட்டத்தையும் பாதிக்கலாம். இது கருவின் ஊட்டச்சத்துக்கு இடையூறாக இருக்கிறது.
NCBI ஆய்வு என்ன சொல்கிறது?
NCBI ஆய்வு வாரத்திற்கு இருமுறை மட்டுமே என்று தெளிவாகக் கூறப்பட்டுள்ளது. பொதுவாக, இரவுப் பணிகளில் பணிபுரிவது கருச்சிதைவு அபாயத்தை அதிகரிக்கக்கூடும். ஆய்வின்படி, இரவுப் பணிகளில் பணிபுரிவது உடலில் உயிரியல் மற்றும் ஹார்மோன் மாற்றங்களை ஏற்படுத்தக்கூடும். இது கர்ப்பத்தை பாதிக்கிறது.
இரவுப் பணிகளில் தொடர்ந்து பணியாற்றும் ஏராளமான செவிலியர்கள் மற்றும் சுகாதாரப் பணியாளர்களிடம் இந்த ஆய்வு நடத்தப்பட்டது. கர்ப்பத்தின் முதல் 20 வாரங்களில் இரவுப் பணிகளில் பணியாற்றிய பெண்களுக்கு கருச்சிதைவு ஏற்படும் அபாயம் 30% அதிகமாக இருப்பதாகக் கண்டறியப்பட்டுள்ளது.
இந்த பதிவும் உதவலாம்: Effects of Night Shifts: நைட் ஷிப்டில் வேலை செய்தால் உடல் பருமன் அதிகரிக்குமா? டாக்டர் கூறுவது என்ன?
இரவுப் பணிகளில் ஈடுபடுவதால் ஏற்படும் தீமைகள்
- ஒழுங்கற்ற தினசரி வாழ்க்கை முறை மன அழுத்தத்தை அதிகரிக்கக்கூடும். இது ஹார்மோன் சமநிலையின்மையை ஏற்படுத்தும்.
- கர்ப்பிணிப் பெண்களுக்கு 8–10 மணிநேர தூக்கம் தேவைப்படுகிறது. ஆனால் இரவுப் பணிகளில் இந்த சமநிலையைப் பராமரிக்க முடியாது.
- கர்ப்ப காலத்தில் உயர் இரத்த அழுத்தம் பற்றிய அபாயத்தை மேலும் அதிகரிக்கக்கூடும்.
- இரவில் எழுந்திருப்பது வளர்சிதை மாற்றத்தை மெதுவாக்கலாம். இதன் காரணமாக சோர்வு, மலச்சிக்கல் மற்றும் செரிமான பிரச்சனைகள் ஏற்படுகிறது.
மீட்பு முறைகள்
கர்ப்பிணிப் பெண் இரவுப் பணியில் ஈடுபட வேண்டியிருந்தால், கீழே கொடுக்கப்பட்டுள்ள நடவடிக்கைகளை மேற்கொள்வதன் மூலம் கருச்சிதைவு ஏற்படும் அபாயத்தைக் குறைக்க முடியும்.
- மருத்துவரை அணுகி, வாழ்க்கை முறை பற்றி தொடர்ந்து அவருக்குத் தெரிவிக்க வேண்டும்.
- ஊட்டச்சத்தில் கவனம் செலுத்த வேண்டும். இதற்கு இரும்புச்சத்து, ஃபோலிக் அமிலம் மற்றும் புரதம் நிறைந்த உணவை எடுத்துக் கொள்ளலாம்.
- மன அழுத்தத்தைத் தவிர்ப்பது அவசியம். இதற்காக தியானம், யோகா மற்றும் பிராணாயாமம் மூலம் மன அழுத்தத்தைக் குறைக்க வேண்டும்.
- பணிச்சுமையை குறைவாக வைத்திருக்க வேண்டும் மற்றும் இரவு வேலைகளின் போது ஓய்வு எடுக்கலாம்.
- தூக்க சமநிலையைப் பேணுவது அவசியம். பகலில் ஆழ்ந்த தூக்கத்தைப் பெற வேண்டும். தூக்கத்திற்கு அமைதியான சூழலை உருவாக்க வேண்டும்.
- வசதியான நிலையில் அமர்ந்து வேலை செய்யலாம்.
முடிவுரை
கர்ப்பிணிப் பெண்கள் இரவுப் பணிகளில் ஈடுபடுவது ஆபத்தானதாக இருக்கும். குறிப்பாக, இதைத் தொடர்ந்து செய்வது ஆபத்தை விளைவிக்கும். வாரத்திற்கு இரண்டு முறை இரவுப் பணிகளில் ஈடுபடுவது கருச்சிதைவு அபாயத்தை அதிகரிக்கும் என்பதை NCBI ஆராய்ச்சியில் கூறப்படுகிறது. இந்நிலையில், கர்ப்ப காலத்தில் பெண்கள் தங்கள் ஆரோக்கியத்திற்கு முன்னுரிமை அளித்து மருத்துவருடன் தொடர்ந்து தொடர்பில் இருப்பது முக்கியமாகும்.
இந்த பதிவும் உதவலாம்: நைட் ஷிப்டில் வேலை செய்வது பெண்களின் இனப்பெருக்க ஆரோக்கியத்தை பாதிக்குமா? மருத்துவரிடம் தெரிந்து கொள்ளுங்கள்
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
