பாலிவுட் ரசிகர்கள் மத்தியில் “ஹீ-மேன்” என்ற பட்டத்தால் பிரபலமான மூத்த இந்தி நடிகர் தர்மேந்திரா (89) இன்று அதிகாலை தனது இல்லத்தில் காலமானார். கடந்த சில ஆண்டுகளாக உடல் நலக்குறைவு காரணமாக அவர் அடிக்கடி மருத்துவமனையில் அனுமதிக்கப்பட்டு வந்தார். சமீபத்தில் மருத்துவமனையில் இருந்து வீடு திரும்பிய அவர், இன்று உடல் நலம் திடீரென சரிவடைந்து மரணமடைந்தார் என்று குடும்பத்தினர் தெரிவித்துள்ளனர்.
65 ஆண்டுகள்.. 300க்கும் மேற்பட்ட படங்கள்.. ஒரு சாதனை பயணம்.!
1935 டிசம்பர் 8-ஆம் தேதி பஞ்சாபில் பிறந்த தர்மேந்திரா, இந்தி திரைப்பட உலகில் 65 ஆண்டுகளாகவும் முன்னணி நடிகராக திகழ்ந்தவர்.1960 ஆம் ஆண்டு அர்ஜுன் ஹிங்கோரானியின் ‘தில் பி தேரா ஹம் பி தேரே’ படத்தின் மூலம் ஹீரோவாக அறிமுகமான அவர், 1961-ல் வந்த ‘ஷோலா அவுர் ஷப்னம்’ மூலம் பெரிய கவனத்தைப் பெற்றார்.
அதிகப்படியான வெற்றி படங்களில் நடித்ததற்காகவே அவர் ரசிகர்களிடத்தில் ‘Bollywood’s He-Man’ என்ற அங்கீகாரத்தை பெற்றார். சுமார் 300க்கும் மேற்பட்ட படங்களில் நடித்த அவர், வணிக ரீதியாக தொடர்ந்து வெற்றி அமைத்த நடிகராக தனித்த சாதனையைப் பெற்றார்.
‘ஷோலே’ – இந்திய சினிமாவின் மறக்க முடியாத காவியம்
நடிகராக மட்டுமல்லாமல், தயாரிப்பாளராகவும் ரியாலிட்டி ஷோக்களில் நடுவராகவும் தர்மேந்திரா தனித்த இடத்தைப் பிடித்தார். அவரது வாழ்க்கையில் மிகப்பெரிய வரவேற்பைப் பெற்ற படம் ‘ஷோலே’, இந்திய சினிமாவின் பொற்கால படங்களில் ஒன்றாக இன்று வரை நினைவில் நிற்கிறது.
பல மொழிகளில் நடித்த பல்திறமையான நடிகர்
இந்தி மட்டுமின்றி வங்கம் மற்றும் பஞ்சாபி திரைப்படங்களிலும் நடித்துள்ளார். 2013 ஆம் ஆண்டு அவர் இந்திய அரசின் ‘பத்மபூஷண்’ விருதைப் பெற்று கௌரவிக்கப்பட்டார்.
கடைசி படம் ‘இக்கிஸ்’ – 2025 வெளியீடு
தர்மேந்திரா கடைசியாக நடித்த படம் ‘இக்கிஸ்’, இது 2025 டிசம்பர் 25 அன்று வெளியாக இருக்கிறது. இப்படம் அவர் திரை பிரிவில் எடுத்து வைத்த கடைசி நினைவாக ரசிகர்களிடம் நிற்கும்.
திரை உலகில் தனக்கான ஒரு தனிப்பட்ட அடையாளத்தை உருவாக்கி, பல தலைமுறைகளால் நேசிக்கப்பட்ட தர்மேந்திராவின் மறைவு இந்திய சினிமாவுக்கு பெரிய இழப்பாகும். அவரது படங்கள், நடிப்பு திறன், சாமர்த்தியம் ஆகியவை நீண்ட காலம் ரசிகர்களின் நினைவில் நிற்கும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Nov 24, 2025 15:03 IST
Published By : Ishvarya Gurumurthy
