$
Yoga Asanas For Leg Strength: நவீன வாழ்க்கை முறையில் பலரும் அங்கும் இங்கும் ஓடும் சூழ்நிலையிலேயே வாழ்ந்து வருகின்றனர். ஆனால் இது கால்களில் அதிக அழுத்தத்துடன் வலியை ஏற்படுத்தலாம். இது தவிர, வாழ்க்கை முறைக் கோளாறுகள் அதாவது ஒரே இடத்தில் பல மணி நேரம் உட்கார்ந்து கொள்ளும் பழக்கமும் கால்வலியை ஏற்படுத்தும் என சுகாதார நிபுணர்கள் கூறுகின்றனர். இந்த நிலைகளைத் தவிர்க்க, கால்களுக்கு சரியான ஓய்வு மற்றும் மசாஜ் செய்ய வேண்டும். இது கால்வலிக்கு விரைவான தீர்வைத் தரக்கூடியதாக அமைகிறது. எனினும், கால்வலி நீண்ட காலம் இருப்பின், நிரந்தர தீர்வு காண வேண்டியது அவசியமாகும்.
சுகாதார நிபுணர்களின் கூற்றுப்படி, வழக்கமான யோகா பயிற்சி உடலில் பல வகையான பிரச்சனைகளுக்கு சிறந்த தேர்வாக அமையும். பல்வேறு வகையான யோகாசனங்கள் உள்ளன. இவை கால்களின் தசைகளை வலுப்படுத்துவதுடன், இலகுவாக உணர வைக்கிறது. மேலும் இது கால் வலியைக் குறைக்க உதவுகிறது. இந்த வகையான யோகாசனங்கள் சிலவற்றைக் காணலாம்.
இந்த பதிவும் உதவலாம்: Yoga Before Sleep: உடல் எடை சட்டுனு குறைய இரவு தூங்கும் முன் செய்ய வேண்டிய யோகாசனங்கள்
கால்களை வலுவாக்க உதவும் யோகாசனங்கள்
உத்தனாசனம்
இந்த யோகாசனம், கால்களில் வலி மற்றும் விறைப்பு பிரச்சனையில் இருந்து விடுபட பயனுள்ளதாக அமையும்.
இந்த யோகாசனம் செய்ய, முழங்கால்களை நேராக வைத்து, பின் கால்களை இடுப்பு அகலத்தில் வைத்து, முன்னோக்கி வளைய வேண்டும். இப்போது கால்களின் பின்புறத்தைத் தொட முயற்சிக்க வேண்டும். இந்த யோகாசனம் முதுகுத் தண்டு மற்றும் இடுப்புக்கு நன்மை பயக்கும் எனக் கூறப்படுகிறது.
சேதுபந்தாசனம்
சேதுபந்தாசனம் அல்லது பாலம் போஸ் யோகாசனங்கள் கால்களில் ஏற்படும் வலியை குறைப்பதுடன், முதுகு வலியைக் குணப்படுத்தவும் பயனுள்ளதாக அமைகிறது. கால் தசைகளில் இரத்த ஓட்டத்தை அதிகரிக்க உதவுகிறது. மேலும், இந்த ஆசனங்கள் வலி ஏற்படுவதற்கான காரணிகளைக் குறைக்க உதவுகிறது.
இந்த யோகாசனம் செய்ய முதுகில் படுத்துக் கொள்ள வேண்டும். பின் கால்களை தோள்பட்ட அகலத்தை விட சற்று அகலமாக விரித்து, முழங்கால்களை வளைக்க வேண்டும். பிறகு, உள்ளங்கைகளைத் திறந்து கைகளை நேராக தரையில் வைக்கவும். இப்போது மூச்சை உள்ளிழுக்கும் போது, இடுப்பை மேல்நோக்கி உயர்த்தி, தோள்பட்டை மற்றும் தலையை தட்டையான தரையில் வைக்கவும். மூச்சை வெளியேற்றி முந்தைய நிலைக்கு வரலாம்.
இந்த பதிவும் உதவலாம்: Chandra Namaskar Benefits: சந்திர நமஸ்காரம் செய்வதால் கிடைக்கும் நன்மைகள் என்னென்ன தெரியுமா?
பாலாசனம்
கால்வலி பிரச்சனையில் இருந்து விடுபட பாலாசனம் அல்லது குழந்தை போஸ் உதவுகிறது. இதைத் தொடர்ந்து பயிற்சி செய்வது சிறந்த பயனைத் தரும்.
இந்த யோகாவை செய்ய, முதலில் வஜ்ராசனத்தில் அமர வேண்டும். இப்போது மூச்சை உள்ளிழுக்கும் போது இரு கைகளையும் தலைக்கு நேராக உயர்த்த வேண்டும். மூச்சை வெளியேற்றும் போது, முன்னோக்கி குனிந்து உள்ளங்கைகளையும், தலையையும் தரையில் ஊன்ற வேண்டும். இதில் நீண்ட மூச்சை உள்ளிழுத்து வெளியே விட வேண்டும். இரு கைகளின் விரல்களையும் ஒன்றாக இணைத்து, தலையை இரண்டு உள்ளங்கைகளுக்கு இடையே மெதுவாக வைக்க வேண்டும்.
விபரீதகரணி யோகா
விபரீதகரணி யோகா கால் வலியிலிருந்து நிவாரணம் தருவதில் பயனுள்ளதாக அமைகிறது. இந்த யோகாவை அடிக்கடி வலி மற்றும் கால் தசைகளில் விறைப்பு உள்ளவர்கள் செய்யலாம்.
இதில் முதலில் தரையில் படுத்து, கால்களை 90 டிகிரி கோணத்தில் சுவரின் ஆதரவுடன் அமைக்க வேண்டும். இந்நிலையில் சில நிமிடங்கள் இருந்து பிறகு மீண்டும் முந்தைய நிலைக்கு வரலாம். மாதவிடாய் அல்லது கர்ப்பமாக இருந்தால், இந்த ஆசனம் செய்வதைத் தவிர்க்க வேண்டும்.
இந்த பதிவும் உதவலாம்: Surya Namaskar For Weight Loss: எடை குறைப்புக்கு சூர்ய நமஸ்காரம்.! எத்தனை முறை செய்யலாம்.?
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
