$
What Foods To Improve Eyesight: நம் உடலின் ஒவ்வொரு உறுப்பும் முக்கிய செயல்பாடுகளைச் செய்து வருகிறது. இதில் கண்கள் உடலுறுப்புகளில் முக்கிய உறுப்பாக விளங்குகிறது. ஆனால், இன்றைய நவீன வாழ்க்கை முறை மற்றும் மோசமான உணவு முறை போன்றவற்றால் கண்களின் ஆரோக்கியமும் பாதிக்கப்படுகிறது.
கண் பார்வை மங்கலாகுதல், குறைந்த வெளிச்சத்தால் பார்ப்பதில் சிரமம் ஏற்படுவது போன்றவை ஏற்படலாம். இவை கண்புரை ஏற்படுவதற்கான முக்கிய அறிகுறியாக விளங்குகிறது. குறிப்பாக வயது தொடர்பான கண் நிலை, பார்வைக் குறைபாட்டை ஏற்படுத்துகிறது. இதற்கு ஆரோக்கியமிக்க ஊட்டச்சத்துக்களை எடுத்துக் கொள்வது அவசியமாகும்.
இந்த பதிவும் உதவலாம்: Drinking Salt Water: குடிநீரில் ஒரு சிட்டிகை உப்பு சேர்த்து குடிப்பது எவ்வளவு நல்லது தெரியுமா?
கண் பார்வைக்கான ஊட்டச்சத்துக்கள்
கண் பார்வைக்கான முக்கிய ஊட்டச்சத்துக்களில் வைட்டமின் ஈ மற்றும் சி, துத்தநாகம், லுடீன், பீட்டா கரோட்டீன், ஜியாக்சாண்டின், ஒமேகா-3 கொழுப்பு அமிலங்கள் போன்றவை அடங்கும். இது கண்புரை பிரச்சனையைத் தவிர்க்க உதவுகிறது. இதில் கண் பார்வையை மேம்படுத்த உதவும் சில ஆரோக்கியமிக்க ஊட்டச்சத்துக்கள் சிலவற்றைக் காணலாம்.
கண்புரையைத் தடுக்க உதவும் உணவுகள்
பச்சைக் காய்கறிகளில் லுடீன் மற்றும் ஜியாக்சாந்தின் என்ற இரண்டு கரோட்டினாய்டுகள் நிறைந்துள்ளன. இவை விழித்திரையின் மேக்குலாவில் குவிந்துள்ளது. இந்த ஊட்டச்சத்துக்கள் தீங்கு விளைவிக்கும் நீல ஒளியை வடிகட்டி, ஆக்ஸிஜனேற்றிகளாக செயல்படுகிறது. இவை கண்களை சேதத்திலிருந்து பாதுகாக்கிறது. இது வயது தொடர்பான கண்புரை மற்றும் மாகுலர் சிதைவு அபாயத்தைக் குறைக்கிறது. இதற்கு கீரை, முட்டைக்கோஸ், காலார்ட் கீரைகள் போன்றவற்றை உட்கொள்ளலாம்.
கேரட்
இந்த வேர் காய்கறிகளில் அதிக பீட்டா கரோட்டீன் நிறைந்துள்ளது. இது வைட்டமின் ஏ சத்துக்களைக் கொண்டுள்ளது. நல்ல பார்வை பராமரிப்பை மேற்கொள்ள வைட்டமின் ஏ சிறந்த தேர்வாகும். குறிப்பாக குறைந்த வெளிச்சம் மற்றும் இரவு பார்வைக்கு கேரட் உதவுகிறது. இது வெவ்வேறு ஒளி நிலைகளுக்கு கண்களைச் சரி செய்ய உதவுவதுடன், விழித்திரையின் ஆரோக்கியத்திற்கு உதவுகிறது.
கொழுப்பு நிறைந்த மீன்
கானாங்கெளுத்தி, மத்தி மற்றும் சால்மன் போன்றவற்றில் ஒமேகா-3 கொழுப்பு அமிலங்கள் அதிகம் உள்ளது, குறிப்பாக EPA மற்றும் DHA நிறைந்துள்ளது. இந்த அத்தியாவசிய கொழுப்பு அமிலங்கள் கண்களில் ஏற்படும் வீக்கத்தைக் குறைக்க உதவுகிறது, உணவில் ஒமேகா-3 கொழுப்பு அமிலங்களை சேர்ப்பது விழித்திரையின் ஆரோக்கியத்தை பராமரிக்க உதவுகிறது.
இந்த பதிவும் உதவலாம்: Pumpkin Seeds Benefits: எக்கச்சக்க நன்மைகளை அள்ளித் தரும் பூசணி விதை! எப்படி எடுத்துக்கொள்வது?
முழு தானியங்கள்
குயினோவா, பழுப்பு அரிசி மற்றும் முழு கோதுமை போன்றவற்றில் துத்தநாகம் சத்துக்கள் நிறைந்துள்ளது. இது விழித்திரையின் செயல்பாட்டிற்கு உதவுகிறது. இது விழித்திரையில் மெலனின் என்ற நிறமி உருவாகக் காரணமாக அமைகிறது. இது கண்களைப் பாதுகாப்பாக வைப்பதுடன், கண்புரை முன்னேற்றத்தைத் தாமதப்படுத்த உதவுகிறது.
நட்ஸ் மற்றும் கொட்டைகள்
ஆக்ஸிஜனேற்ற அழுத்தத்திலிருந்து கண்களைப் பாதுகாக்க உதவும் சிறந்த ஆக்ஸிஜனேற்றியாக வைட்டமின் ஈ சத்துக்கள் நிறைந்துள்ளது. இது கண்ணின் லென்ஸின் ஆரோக்கியத்தை ஆதரிக்கியது. மேலும், இது புரஊதாக் கதிர்வீச்சினால் ஏற்படும் பாதிப்பைக் குறியத்து கண்புரை அபாயத்தைக் குறைக்க வைட்டமின் ஈ உதவுகிறது. இதற்கு பாதாம், சூரியகாந்தி விதைகள் போன்றவற்றை சாப்பிடலாம்.
சிட்ரஸ் பழங்கள்
கண்களில் உள்ள இரத்த நாளங்களின் ஆரோக்கியத்திற்கு வைட்டமின் சி நல்ல மூலமாகும். இது லென்ஸின் ஆரோக்கியத்தைப் பாதுகாப்பதுடன், கண்புரை அபாயத்தைக் குறைக்கிறது. இதற்கு, எலுமிச்சை, திராட்சைப்பழங்கள் மற்றும் ஆரஞ்சு போன்ற வைட்டமின் சி ஆதாரங்களை எடுத்துக் கொள்ளலாம். இது ஃப்ரீ ரேடிக்கல் மற்றும் ஆக்ஸிஜனேற்ற அழுத்தத்தால் ஏற்படும் சேதத்திலிருந்து கண்களைப் பாதுகாக்கிறது.
இந்த வகை உணவுகள் கண்களில் ஏற்படும் கண்புரை பிரச்சனையைத் தவிர்த்து கண் ஆரோக்கியத்தைப் பாதுகாக்க உதவுகிறது.
இந்த பதிவும் உதவலாம்: Soaked Walnuts Benefits: தினமும் ஒரு கைப்பிடி ஊறவைத்த வால்நட் சாப்பிடுவது இவ்வளவு நல்லதா?
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
