குப்புறப் படுத்து தூங்கும் பழக்கம் இருக்கா? ரொம்ப டேஞ்சர் மக்களே! உடனே மாத்திக்கோங்க

Health risks of sleeping on your stomach: தூக்கம் என்பது நம் உடல் ஆரோக்கியத்திற்கு மிகவும் முக்கியமானதாகும். ஆனால், சரியான தூக்கத்தைப் பெறாமல் பல்வேறு உடல்நல பிரச்சனைகள் வரத் தொடங்குகின்றன. தூங்கும் போது, சிலர் நேரடியாக முதுகில் தூங்குகின்றனர். இன்னும் சிலர் இடது அல்லது வலது பக்கமாக தூங்குகிறார்கள். ஆனால் இன்னும் பலரும் தங்களது வயிற்றில் நன்றாக தூங்குகிறார்கள். ஆனால் உண்மையில் இது உடல் ஆரோக்கியத்திற்கு நல்லதா என யோசித்திருக்கிறீர்களா? இதில் வயிற்றில் தூங்குவதால் ஏற்படும் ஆபத்துகள் குறித்து காணலாம்.

வயிற்றில் தூங்குவதால் ஏற்படும் ஆபத்துகள்

அன்றாட வாழ்வில் தூக்கம் மிகவும் இன்றியமையாததாகக் கருதப்படுகிறது. இது நம் உடல் மற்றும் மனம் இரண்டிற்குமே முக்கியமானதாகும். ஒரு நல்ல இரவு தூக்கத்தின் மூலம் உடலுக்கு நல்ல புத்துணர்ச்சி மற்றும் உயிர்ச்சக்தியைத் தருகிறது. ஆனால், தவறான தூக்க நிலை காரணமாக உடல் ஆரோக்கியம் பாதிக்கப்படுகிறது. இதில் வயிற்றில் தூங்குவது , குறிப்பாக பலர் வசதியாகக் கருதும் போது, உடலின் பல பாகங்களுக்கு தீங்கு விளைவிக்கும் என்பது உங்களுக்குத் தெரியுமா?

இந்த பதிவும் உதவலாம்: நன்றாக தூங்கி ரொம்ப நாளாச்சா? அப்போ இந்த பிரச்சனைகள் வருவது உறுதி!

சுவாசப் பிரச்சனைகள்

வயிற்றில் தூங்கும் பழக்கத்தைக் கொண்டிருப்பவர்கள் பலரும் சுவாசப் பிரச்சனைகளை எதிர்கொள்ளும் நிலையைச் சந்திக்கின்றனர். அதாவது வயிற்றில் தூங்குவது உங்கள் நுரையீரல் மற்றும் உதரவிதானத்தில் அழுத்தத்தை ஏற்படுத்துகிறது. இது முழுமையான மற்றும் வசதியான சுவாசத்தைத் தடுக்கிறது. இதனால் ஆக்ஸிஜனின் ஓட்டம் குறைக்கப்பட்டு, சுவாச பிரச்சனைகளை ஏற்படுத்துகிறது. குறிப்பாக, ஆஸ்துமா அல்லது நுரையீரல் பிரச்சினைகள் உள்ளவர்களுக்கு குறிப்பாக தீங்கு விளைவிக்கும்.

செரிமான பிரச்சனைகள்

வயிற்றில் தூங்குவதன் காரணமாக, எடை முழுவதுமாகக் குறைக்கக்கூடும். இந்நிலையில், வயிறு மற்றும் குடலில் ஏற்படும் அழுத்தம் காரணமாக செரிமானத்தை மெதுவாக்கலாம். இது அமிலத்தன்மை அல்லது வாயு பிரச்சினைகளை அதிகரிக்கிறது. குறிப்பாக சாப்பிட்ட பிறகு தொடர்ந்து, வயிற்றில் தூங்குவது அவர்களின் செரிமான அமைப்புக்கு மிகவும் தீங்கு விளைவிக்கலாம்.

முதுகு மற்றும் கழுத்து வலி

வயிற்றில் தூங்குவதன் காரணமாக முதுகு மற்றும் கழுத்துப் பகுதியில் சீரற்ற அழுத்தம் உண்டாகிறது. இதுவே தசை பதற்றம் மற்றும் வலிக்கு வழிவகுக்குகிறது. இந்நிலையில், தூங்குவது கழுத்தை ஒரு பக்கமாக வளைக்கச் செய்கிறது. இது நீண்ட காலத்திற்கு வலி மற்றும் விறைப்பை ஏற்படுத்தக்கூடும்.

நரம்பு மண்டலத்தில் ஏற்படும் விளைவுகள்

வயிற்றில் தூங்குவதால் நரம்புகளில் அழுத்தத்தை அதிகரிக்கக்கூடும். இது கள் மற்றும் கால்களில் கூச்ச உணர்வு , உணர்வின்மை மற்றும் பலவீனத்தை ஏற்படுத்துகிறது. இது நீண்ட காலத்திற்கு நரம்புகளை சேதப்படுத்துகிறது. அதன் பிறகு, நரம்பு பிரச்சினைகள் ஏற்பட ஆரம்பிக்கலாம்.

இந்த பதிவும் உதவலாம்: இரவில் சீக்கிரமா தூங்கணுமா? அப்ப படுக்கைக்கு செல்லும் முன் இத ஃபாலோ பண்ணுங்க

கர்ப்பிணிப் பெண்களுக்கு ஆபத்து

கர்ப்ப காலத்தில் வயிற்றில் தூங்குவதன் காரணமாக தாய் மற்றும் குழந்தைக்கு மிகவும் ஆபத்தானதாகும். இது கருப்பையில் உள்ள குழந்தையின் மீது அழுத்தத்தை ஏற்படுத்துகிறது. இவை இரத்த ஓட்டத்தில் தலையிடுகிறது. எனவே, கர்ப்பிணிப் பெண்கள் ஒருபோதும் வயிற்றில் தூங்குவதைத் தவிர்க்க வேண்டும்.

கர்ப்பத்தின் முதல் மூன்று மாதங்களில், வழக்கமான தூக்க நிலையில் வசதியாக தூங்கலாம். எனினும் வயிறு வளரும்போது, வயிற்றில் தூங்குவது சங்கடமாக மாறுகிறது. இந்த அசௌகரியம் தூக்கத்தில் தலையிடலாம். காலப்போக்கில், குறைந்த தரமான தூக்கம் தூக்கமின்மைக்கு வழிவகுக்குகிறது.

முகத்தில் சுருக்கங்கள் மற்றும் முகப்பருக்கள் ஏற்படுவது

வயிற்றில் தூங்கும் போது, முகத்தைத் தலையணையை நோக்கி வைத்து படுத்துக் கொள்கிறோம். இதன் காரணமாக, சருமத்தில் உராய்வு மற்றும் வியர்வை சேருகிறது. இது முகப்பரு, சுருக்கங்கள் மற்றும் தோல் எரிச்சல் போன்றவை ஏற்படும் அபாயத்தை அதிகரிக்கிறது.

இவை அனைத்துமே வயிற்றில் தூங்கும் போது ஏற்படும் பிரச்சனைகளைக் குறிக்கிறது. இது போன்ற பிரச்சனைகளைத் தவிர்க்க வயிற்றில் தூங்குவதைத் தவிர்க்க வேண்டும்.

இந்த பதிவும் உதவலாம்: Sleeping Tips: படுத்த உடன் நிம்மதியாக தூங்கும் வரம் வேண்டுமா? ராணுவ தூக்கமுறை இதுதான்!

Image Source: Freepik