சூரிய ஒளியிலிருந்து வைட்டமின் டி பெற எந்த நேரம் சிறந்தது தெரியுமா?

$

Best Time To Get Sunlight For Vitamin D: சூரிய ஒளி வைட்டமின் என்றாலே நம் நினைவுக்கு வருவது வைட்டமின் டி ஆகும். இந்த ஊட்டச்சத்தை உணவின் மூலமும் பெறலாம். எனினும், போதுமான வைட்டமின் டி இல்லாமல் எலும்பு ஆரோக்கியம், நோயெதிர்ப்பு மண்டலம் போன்றவற்றைப் பாதிக்கிறது. எனவே இந்த வைட்டமின் டி ஊட்டச்சத்துக்களைப் பெறுவதன் மூலம் ஆரோக்கியமான நோயெதிர்ப்பு அமைப்பு, வலுவான எலும்புகள் மற்றும் ஒட்டுமொத்த நல்வாழ்வையும் பராமரிக்கிறது. சூரிய ஒளி, குறிப்பாக புற ஊதா B (UVB) கதிர்களை வெளிப்படும் போது நம் உடல்கள் இயற்கையாகவே அத்தியாவசிய ஊட்டச்சத்தை உற்பத்தி செய்கிறது.

இத்தகைய பல்வேறு ஆரோக்கிய நலன்களைத் தரக்கூடிய சூரிய ஒளியிலிருந்து கிடைக்கும் வைட்டமின் டி தொகுப்பை எவ்வாறு அதிகரிப்பது? இதற்கு நேரம் முக்கிய பங்கு வகிக்கிறது. குறிப்பிடப்பட்ட நேரத்தில் சூரிய ஒளியிலிருந்து அதிகம் உற்பத்தியாகும் வைட்டமின் டி-யை எடுத்துக் கொண்டு, பல்வேறு பிரச்சனைகளைப் போக்கலாம். அதன் படி, வைட்டமின் டி அளவை அதிகரிக்க சூரிய ஒளியின் சக்தியை நீங்கள் எவ்வாறு பயன்படுத்தலாம் மற்றும் இந்த ஊட்டச்சத்து ஏன் மிகவும் முக்கியமானது என்பதைப் பற்றித் தெரிந்து கொள்ள வேண்டும்.

இந்த பதிவும் உதவலாம்: Vitamin D Supplements: அனைவரும் வைட்டமின் டி சப்ளிமெண்ட்ஸ் எடுக்கலாமா? இதன் அவசியத்தை தெரிந்து கொள்ளுங்கள்!

வைட்டமின் டி நன்மைகள்

வைட்டமின் டி நமது ஆரோக்கியத்தில் பல முக்கிய பங்கு வகிக்கிறது. இது எலும்பு ஆரோக்கியம் மற்றும் தசை செயல்பாட்டிற்கு மிகவும் அவசியம். மேலும் இரத்தத்தில் கால்சியம் மற்றும் பாஸ்பரஸ் அளவை சீராக்க உதவுகிறது. வைட்டமின் டி குறைபாடு பெரியவர்களுக்கு ஆஸ்டியோபோரோசிஸ் நோயும், குழந்தைகளுக்கு ரிக்கெட்ஸ் போன்ற நிலைமைகளும் ஏற்பட வாய்ப்புண்டு. போதுமான அளவு வைட்டமின் டி-ன் உதவியுடன் இதய நோய்கள், சில வகையான புற்றுநோய்கள், மற்றும் தன்னுடல் தாக்க நிலைகள் உள்ளிட்ட நாட்பட்ட நோய்களின் அபாயத்தைக் குறைக்கலாம்.

வைட்டமின் டி பெற சூரிய ஒளியை வெளிப்படுத்த சிறந்த நேரம்

சூரிய ஒளியிலிருந்து வைட்டமின் டி ஊட்டச்சத்துக்களைப் பெற விரும்புபவர்கள், அதற்கானே நேரத்தைத் தெரிந்து கொள்ள வேண்டும். அதன்படி, வைட்டமின் டி உற்பத்திக்கு காரணமான UVB கதிர்கள், சூரியன் உச்சத்தில் இருக்கும் போது மிகவும் தீவிரமானவையாக இருக்கும். பொதுவாக, இது பகலில் காலை 10 மணி முதல் மாலை 3 மணி வரை நிகழக்கூடியதாகும். இந்த குறிப்பிடப்பட்ட நேரங்களில் சூரியக் கதிர்கள் நேரடியாகவும், சருமத்தில் ஊடுருவி வைட்டமின் D ஐ உற்பத்தி செய்வதில் மிகவும் பயனுள்ளதாக அமைகிறது.

இந்த மிகவும் தீவிரமான நேரத்தில் நாம் சூரிய ஒளியிலிருந்து வைட்டமின் டி பெறலாம். எனினும், சரும பாதுகாப்பு மிகவும் முக்கியமானதாகும். எனவே சருமத்தின் வகையைப் பொறுத்து 10-30 நிமிடங்களுக்கு நேரடியாக வெளிப்படுவதை வரம்பாக வைத்துக் கொள்ள வேண்டும். ஏனெனில் அதிக நேரம் சூரிய ஒளி வெளிப்பாடு சருமத்திற்கு சேதத்தை ஏற்படுத்துகிறது. இதனைத் தவிர்க்க நீண்ட காலத்திற்கு சன்ஸ்கிரீன் அல்லது பாதுகாப்பு ஆடைகளைப் பயன்படுத்திக் கொள்ளலாம். மேலும், இந்த சூரிய ஒளி வெளிப்பாட்டுடன், வைட்டமின் டி நிறைந்த உணவுகளை இணைத்துக் கொள்வது, ஒட்டுமொத்த ஆரோக்கியம் மற்றும் நல்வாழ்விற்கு உகந்ததாக அமைகிறது.

இந்த பதிவும் உதவலாம்: Vitamin D Diet: டையட்டில் சேர்க்க வேண்டிய வைட்டமின் D உணவுகள் இது தான்?

அதிக வைட்டமின் டி-யை எவ்வாறு பெறலாம்?

சூரிய ஒளியில் இருந்து போதுமான வைட்டமின் டி பெறுவது, வெளியில் இருப்பதை விட அதிகம் தேவைப்படுகிறது. எனவே, வைட்டமின் D தொகுப்பை அதிகரிக்க சில குறிப்புகள் உள்ளது.

பொதுவாக, சூரிய ஒளியில் UVB கதிர்கள் சருமத்தில் ஊடுருவும்போது வைட்டமின் D தொகுப்பு ஏற்படுகிறது. இதில் ஒருவர் எவ்வளவு நேரம் சருமத்தை சூரிய ஒளியில் வெளிப்படுத்துகிறோமோ அவ்வளவு வைட்டமின் டி உற்பத்தி செய்யலாம். இதில் உங்கள் கைகள், கால்கள் மற்றும் முகம் போன்றவற்றை சூரிய ஒளியில் வெளிப்படுத்துவதை நோக்கமாகக் கொள்ள வேண்டும். எனினும், இதன் சமநிலை முக்கியமானதாகும். இதன் நீடித்த வெளிப்பாடு, சரும சேதத்தின் அபாயத்தை அதிகரிக்கலாம்.

மேலும் இதன் தீவிரமான வெளிப்பாட்டால் தோல் புற்றுநோய் மற்றும் முன்கூட்டிய முதுமை போன்றவை ஏற்பட வாய்ப்புண்டு. இதிலிருந்து பாதுகாப்பாக இருக்க சன்ஸ்கிரீன் அவசியம் என்றாலும், இது UVB கதிர்களைத் தடுத்து வைட்டமின் டி உற்பத்தியைக் குறைக்கும். எனவே சூரிய ஒளியில் குறுகிய காலத்திற்கு அதாவது சரும வகையைப் பொறுத்து 10 முதல் 30 நிமிடங்கள், சன்ஸ்கிரீனைத் தவிர்ப்பது நன்மை பயக்கும். நீண்ட வெளிப்பாடுகளுக்கு, சருமத்தைப் பாதுகாக்க சன்ஸ்கிரீனைப் பயன்படுத்துவதை உறுதிப்படுத்திக் கொள்ள வேண்டும்.

சருமத்தின் வகையைப் பொறுத்து வைட்டமின் டி உற்பத்தி

சருமத்தின் வகையானது, எவ்வளவு விரைவாக வைட்டமின் D ஐ உற்பத்தி செய்கிறது என்பதைப் பொறுத்து அமையும். இதில் கருமையான சருமம் உள்ளவர்களை விட இலகுவான சருமம் கொண்டவர்கள் வைட்டமின் D ஐ விரைவாக பெறுவர். அதன் படி, கருமையான சருமம் கொண்டிருப்பவர்கள், இலகுவானவர்களுக்குக் கிடைக்கும் அதே அளவு வைட்டமின் டி உற்பத்தி செய்ய அதிக சூரிய ஒளி தேவைப்படுகிறது.

மேலும், நீண்ட குளிர்காலம் உள்ள பகுதியில் இருப்பது அல்லது சூரிய ஒளி குறைவாக இருக்கும் பகுதியில் இருப்பது போதுமான அளவிலான வைட்டமின் டி சப்ளிமெண்ட்ஸ பராமரிக்க ஒரு சிறந்த வழியாகக் கருதப்படுகிறது. எனவே தேவைகளின் அடிப்படையில் வைட்டமின் டி பெறுவதற்கான சரியான அளவைத் தீர்மானிக்க சுகாதார நிபுணரை அணுகுவது நல்லது.

இவ்வாறு பாதுகாப்பான முறையில் குறிப்பிடப்பட்ட நேரத்தில் சூரிய ஒளி வெளிப்பாட்டில் இருப்பது வைட்டமின் டி உற்பத்தி செய்ய ஏதுவாக அமைகிறது. மேலும், இதன் மூலம் வைட்டமின் டி குறைபாட்டைச் சரி செய்யலாம்.

இந்த பதிவும் உதவலாம்: Vitamin D Foods: உடல் ஆரோக்கியத்திற்கு உதவும் வைட்டமின் டி நிறைந்த உணவுகள்

Image Source: Freepik