$
Healthy summer foods to keep your body cool: தமிழகத்தில் கோடைக்காலம் துவங்கி வெயில் வாட்டி வதைத்து வெறுக்கிறது. நம்மில் பலர் வெயிலுக்கு பயந்து வீட்டை விட்டு வெளியேறாமல், வீட்டுக்குளேயே முடங்கி கிடப்போம். சுட்டெரிக்கும் வெயில் மற்றும் வெப்பநிலை உங்கள் உடலை நீரிழக்க செய்யும்.
உங்கள் உணவில் சிறிய மாற்றங்களைச் செய்வதன் மூலம் உங்களை நீங்கள் நீரேற்றமாக வைக்கலாம். கோடை காலத்தில் சில பழங்களை உணவில் சேர்த்து வந்தால், சோர்வு, பலவீனம், நீர்ச்சத்து குறைபாடு போன்ற பிரச்சனைகள் ஏற்படுவதை தவிர்க்கலாம். கோடையில் உடலை இயற்கையாக குளிர்ச்சியாக வைத்திருக்க எந்தெந்த பழங்களை சாப்பிட வேண்டும் என பார்க்கலாம்.
இந்த பதிவும் உதவலாம் : Avocado Benefits: இந்த நன்மைகள் எல்லாம் பெற தினமும் ஒரு அவகேடோ பழம் சாப்பிடுங்க!
கோடை காலத்தில் கட்டாயம் சாப்பிட வேண்டிய பழங்கள்
அன்னாசிப்பழம்: வெயில் காலத்தில் அன்னாசிப்பழம் சாப்பிடுவது மிகவும் நல்லது. இது ஒரு ஜூசி பழமாகும், இதில் நிறைய தண்ணீர் உள்ளது. இது வைட்டமின் C-யின் சிறந்த ஆதாரமாகவும் உள்ளது. இதனால், உடலில் தண்ணீர் பற்றாக்குறை ஏற்படாமல் இருப்பதுடன், வைட்டமின் சி இருப்பதால் நோய் எதிர்ப்பு சக்தியும் வலுவாக இருக்கும். அதே நேரத்தில், இதில் அதிக அளவு நார்ச்சத்து உள்ளது. இதன் காரணமாக, இது செரிமானத்திற்கும் நன்மை பயக்கும்.
தர்பூசணி: வெயில் காலத்தில் மட்டும் அல்ல, வருடம் முழுவதும் சாப்பிட சிறந்த பழம் தர்பூசணி. உங்கள் உடலின் நீர் அளவை சரி செய்ய ஒரு கிளாஸ் தர்பூசணி சாறு அல்லது பழம் சாப்பிடலாம். இது உங்கள் உடலை நீரேற்றமாக வைப்பதுடன், இயற்கையில் உடலை குளிர்ச்சியாக வைக்கும்.
பீச் பழம்: கோடை காலத்தில் பீச் பழம் சாப்பிட மிகவும் சிறந்தது. இதில், வைட்டமின் ஏ மற்றும் வைட்டமின் சி உள்ளது. இது ஆக்ஸிஜனேற்ற மற்றும் நார்ச்சத்துக்கான நல்ல மூலமாகும். அதே சமயம் உடலை நீரேற்றமாகவும் வைத்திருக்கும்.
இந்த பதிவும் உதவலாம் : யார் புரோட்டீன் பவுடரை உட்கொள்ளக்கூடாது? இதன் தீமைகள் பற்றி தெரிந்து கொள்ளுங்கள்!
விளாம்பழம்: வுட் ஆப்பிள் என்று அழைக்கப்படும் விளாம்பழம் கோடைக்காலத்தில் சாப்பிட மிகவும் சிறந்த பழம். இது புத்துணர்ச்சி தரும் பழம். அதன் தன்மை மிகவும் குளிராக இருப்பதால் வெப்ப அலைகளில் இருந்து பாதுகாப்பு அளிக்கிறது.
ஆரஞ்சு: வெயில் காலத்தில் ஏற்படும் பல்வேறு தொற்றுக்களை தவிர்க்கவும், உடலை நீரேற்றமாக வைத்திருக்கவும் விரும்பினால் ஆரஞ்சு பழம் சிறந்த தேர்வு. மேலும், இதில் பொட்டாசியம் உள்ளது, இது உங்கள் ஒட்டுமொத்த ஆரோக்கியத்திற்கு நன்மை பயக்கும்.
நுங்கு: ஐஸ் ஆப்பிள் என ஆங்கிலத்தில் அழைக்கப்படும் நுங்கு வெயில் காலத்தில் அதிகமாக கிடைக்கும். இது நமது உடலை ஆரோக்கியமாக வைத்திருப்பது மட்டும் இன்றி பல்வேறு சரும பிரச்சினைகளையும் சரி செய்யும். இது தவிர, இளநீர் குடிப்பது உடலுக்கு மிகவும் நல்லது.
Pic Courtesy: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.