What to do when you are too full after eating: சில சமயங்களில் அளவுக்கு அதிகமாக சாப்பிடுவது இயல்பான விஷயம். நமக்கு முன்னால் உள்ள தட்டில் நமக்கு பிடித்த உணவுகள் இருந்தால், நம்மைக் கட்டுப்படுத்துவது மிகவும் கடினம். அப்படிப்பட்ட சூழ்நிலையில், காய்ந்த மாடு கம்பத்தில் பாய்ந்தது போல, நாம் அவசர அவசரமாக எல்லா உணவையும் சாப்பிடுவோம். ஆனால், அடிக்கடி அளவுக்கு அதிகமாக சாப்பிடுவது ஆரோக்கியத்திற்கு நல்லதல்ல.
அதிகமாக சாப்பிடுவது நமது தினசரி கலோரி எண்ணிக்கையை சீர்குலைக்கும். இது விரைவான எடை அதிகரிப்புக்கு வழிவகுக்கிறது என்பதை நாம் அனைவருக்கும் தெரியும். ஆனால், இது உடலைக் கெடுப்பது மட்டுமின்றி, பல பிரச்சனைகளையும் ஏற்படுத்தும் என்பது உங்களுக்கு தெரியுமா?. அளவுக்கு அதிகமாக சாப்பிடுவதார் ஏற்படும் பிரச்சினைகள் பற்றி இங்கே பார்க்கலாம்.
இந்த பதிவும் உதவலாம் : Vitamin B12 Deficiency: கவனிக்க வேண்டியவை இது தான்…
பசி கட்டுப்பாடு சீர்குலைவு
ஒருவர் தொடர்ந்து அதிகமாக உண்ணும் போது, அது அவர்களின் பசி கட்டுப்பாட்டை சீர்குலைக்கும். பசி கட்டுப்பாடு முக்கியமாக இரண்டு ஹார்மோன்களால் பாதிக்கப்படுகிறது. கிரெலின் பசியைத் தூண்டுகிறது மற்றும் லெப்டின் பசியை அடக்குகிறது. நாம் சிறிது நேரம் எதையும் சாப்பிடாமல் இருக்கும் போது, கிரெலின் அளவு அதிகரிக்கிறது.
அதே நேரத்தில், சாப்பிட்ட பிறகு, லெப்டினின் அளவு அதிகரிப்பது பசி அடங்கியதாக உடலுக்கு சொல்லும். ஆனால் அதிகமாக சாப்பிடுவது இந்த சமநிலையை சீர்குலைக்கும். அத்தகைய சூழ்நிலையில், உங்கள் உடலுக்கு எப்போது உணவு தேவை என்பதை காலப்போக்கில் தீர்மானிப்பது கடினம். இதனால், நமது உடலின் உணவுத் தேவை அதிகரித்துக் கொண்டே செல்கிறது.
செரிமானத்தில் பிரச்சனை
அளவுக்கு அதிகமாக உணவை உண்ணும்போது, அது வயிறு மற்றும் குடலில் அழுத்தத்தை ஏற்படுத்தும். அதிக உணவை உட்கொள்வது உடலுக்கு ஜீரணிக்க கடினமாகிறது மற்றும் வயிற்று உப்புசம், வீக்கம், வயிற்று வலி, வாயு மற்றும் அஜீரணம் ஏற்படலாம். இதனால், நீங்கள் அசௌகரியத்தை உணர்வீர்கள்.
இந்த பதிவும் உதவலாம் : நல்ல உறக்கம் வேண்டுமா? அப்போ இதை செய்யுங்கள்
இன்சுலின் எதிர்ப்பு
அதிகமாக சாப்பிடுபவர்கள் இன்சுலின் எதிர்ப்பு பிரச்சனையை சந்திக்க நேரிடும். உண்மையில், சுத்திகரிக்கப்பட்ட சர்க்கரை மற்றும் ஆரோக்கியமற்ற கொழுப்புகளை உங்கள் உணவில் சேர்த்தால், அவை இன்சுலின் எதிர்ப்பை ஏற்படுத்தும். எளிமையான மொழியில் கூறினால், உங்கள் உடல் இன்சுலினுக்கு குறைவாக பதிலளிக்கிறது. இதனால், டைப் 2 நீரிழிவு அபாயம் ஏற்படும்.
சோர்வு மற்றும் பலவீனம்
அதிகமாக சாப்பிடுவதால் நாம் கனமாக உணர்வோம் என்பது நாம் அனைவருக்கும் தெரியும். அத்தகைய சூழ்நிலையில், இது சோர்வு மற்றும் சோம்பல் பிரச்சனையாக இருக்கும். உண்மையில், ஒரு கனமான உணவுக்குப் பிறகு, கூடுதல் உணவை ஜீரணிக்க உடல் செரிமான அமைப்புக்கு அதிக இரத்தத்தை அனுப்புகிறது. இதனால், நீங்கள் சோர்வாகவும் சோம்பலாகவும் உணரலாம்.
இந்த பதிவும் உதவலாம் : மலச்சிக்கல் இத்தனை பாதிப்பை ஏற்படுத்துமா?
இதய ஆரோக்கியம் பாதிக்கும்
அதிகமாக சாப்பிடுவது இதய ஆரோக்கியத்திற்கு நல்லதல்ல. குறிப்பாக, சாச்சுரேட்டட் மற்றும் டிரான்ஸ் ஃபேட்கள் அதிகம் உள்ள ஆரோக்கியமற்ற உணவுகளை நீங்கள் உண்ணும்போது, அது உங்கள் கொலஸ்ட்ரால் அளவையும் இரத்த அழுத்தத்தையும் அதிகரிக்கலாம், இது இதய நோய் மற்றும் பக்கவாதம் ஏற்படும் அபாயத்தை அதிகரிக்கும்.
எனவே இப்போது நீங்களும் உங்கள் உடலைக் கேட்டு உங்கள் பசியை விட குறைவாக சாப்பிடுங்கள். அதனால் நீங்கள் உங்களை ஆரோக்கியமாகவும் கட்டுக்கோப்பாகவும் வைத்திருக்க முடியும்.
Image Credit- freepik