Egg Lover-களுக்கான Good News! இதை தினமும் சாப்பிடுவதால் ஏற்படும் ஆச்சரியங்கள்!

முட்டை என்பது நம் அன்றாட உணவில் எளிதில் சேர்க்கக்கூடிய, ஊட்டச்சத்து நிறைந்த ஒரு உணவு பொருள். இந்தியாவிலேயே மட்டும் அல்லாது உலகம் முழுவதும் மருத்துவ நிபுணர்கள், டயட்டிஷியன்கள், ஃபிட்னஸ் பயிற்சியாளர்கள் அனைவரும் முட்டையின் நன்மைகளைப் பற்றி பரிந்துரைத்து வருகின்றனர். பலர் தினமும் ஒரு அல்லது இரண்டு முட்டை சாப்பிடுவதைக் வழக்கமாக்கியுள்ளனர். ஆனால், தினமும் முட்டை சாப்பிட்டால் என்னென்ன நன்மைகள் கிடைக்கும்? ஆரோக்கியத்திற்கு தீமைகள் ஏதும் உண்டா? இதைப் பற்றி விரிவாக பார்க்கலாம்.

புரதத்தின் சிறந்த மூலமாக முட்டை

முட்டையில் உள்ள புரதம் (Protein) "Complete Protein" என அழைக்கப்படுகிறது. அதாவது, நம் உடலுக்கு தேவையான அனைத்து Essential Amino Acids-களும் முட்டையில் இருக்கின்றன. தசைகள் வளர, உடல் சக்தி அதிகரிக்க, மற்றும் நோய் எதிர்ப்பு சக்தி மேம்பட உதவும். ஜிம் செல்லும் நபர்கள், விளையாட்டு வீரர்கள், வளர்பிறை பருவம் உள்ள இளைஞர்களுக்கு சிறந்த உணவாகும்.

மூளை ஆரோக்கியத்தை மேம்படுத்தும்

முட்டையின் மஞ்சள் பகுதியில் ‘Choline’ என்ற சத்தானது நிறைந்துள்ளது. நரம்பு மண்டலம், நினைவாற்றல், கவனக்குறைவு போன்ற பிரச்சனைகளைத் தடுக்கிறது. குழந்தைகள் முதல் பெரியவர்கள் வரை மூளை செயல்பாடுகளை சுறுசுறுப்பாக வைத்துக்கொள்ள உதவுகிறது.

கண் பார்வையை பாதுகாக்கும்

முட்டையில் உள்ள லூட்டின் (Lutein) மற்றும் ஜியாக்சாந்தின் (Zeaxanthin) ஆகிய ஆன்டி-ஆக்சிடன்ட்கள் கண்களுக்கு மிகவும் தேவையானவை. வயது முதிர்வால் ஏற்படும் மாகுலர் டெஜெனரேஷன் (Macular Degeneration) மற்றும் கண்ணுக்குருட்டு (Cataract) போன்ற பிரச்சனைகளைத் தடுக்கிறது.

மேலும் படிக்க: வாழ்நாள் முழுவதும் எலும்பு வலுவாக இருக்கனுமா.? தினமும் இவ்வளவு முட்டை சாப்பிடுங்க..

இதய ஆரோக்கியத்திற்கு நல்லது

முன்பு முட்டை சாப்பிட்டால் கொலஸ்ட்ரால் அதிகரிக்கும் என்று கருதப்பட்டாலும், சமீபத்திய ஆய்வுகள் அதனை மறுத்துள்ளன. நல்ல கொலஸ்ட்ராலை (HDL) அதிகரித்து, இதய நோய் அபாயத்தை குறைக்கிறது.

உடல் எடை குறைக்க உதவும்

முட்டை சாப்பிட்ட பிறகு நீண்ட நேரம் பசியில்லாமல் இருக்கும். இடையே சிற்றுண்டி சாப்பிடும் பழக்கத்தை குறைத்து, உடல் எடையை குறைக்க உதவும்.

எலும்புகள் வலிமையாகும்

முட்டையில் Vitamin D மற்றும் கால்சியம் நிறைந்து காணப்படுகிறது. எலும்பு மற்றும் பற்களின் ஆரோக்கியத்தை மேம்படுத்தும்.

இரத்த சோகையை தடுக்கும்

முட்டையில் இரும்புச் சத்து (Iron) அதிகம் உள்ளது. இரத்தசோகை (Anemia) பிரச்சனையைத் தடுக்கிறது, உடல் சோர்வு குறைகிறது.

அழகு பராமரிப்பில் உதவுகிறது

முட்டை முகமூடியாகவும், தலைமுடி பராமரிப்பிற்கும் பயன்படுகிறது. தோல் பிரகாசம், முகம் இறுக்கமாகும், முடி விழுதல் குறையும்.

தினமும் முட்டை சாப்பிடுவதால் தீமைகள் உள்ளதா?

முட்டை சாப்பிடுவதால் பெரும்பாலானவர்களுக்கு தீமை ஏற்படாது. ஆனால், அதிக கொலஸ்ட்ரால் பிரச்சனை உள்ளவர்கள் அளவுக்கு அதிகமாக சாப்பிடக் கூடாது. அலர்ஜி (Allergy) உள்ளவர்கள் மருத்துவரின் ஆலோசனை பெற வேண்டும். தினமும் 1–2 முட்டை போதுமானது.

முட்டையை எப்படி சாப்பிடலாம்?

• சுட்ட முட்டை (Boiled Egg) – அதிக சத்து, குறைந்த கொழுப்பு.
• ஆம்லெட் (Omelette) – காய்கறி சேர்த்து சத்தானதாக மாற்றலாம்.
• போச்சு (Poached Egg) – எண்ணெய் இல்லாமல் ஆரோக்கியமாக சாப்பிடலாம்.
• எக் பரோட்டா / எக் புலாவ் – முழுமையான உணவாக.

குறிப்பு

முட்டை ஒரு ‘Superfood’ என்பதில் சந்தேகமில்லை. ஆனால் சமநிலையுடன், ஆரோக்கியமான வாழ்க்கை முறையுடன் சேர்த்து எடுத்துக்கொண்டால் மட்டுமே முழு நன்மை கிடைக்கும்.