National Toothache Day 2024: பல்வலியில் இத்தனை வகை இருக்கா? எப்படி சமாளிப்பது?

$

Different Types Of Tooth Pain: நம் ஆரோக்கியத்தைக் கவனித்துக் கொள்வது முக்கியமானதும், முதன்மையானதும் ஆகும். இதில் வாய்வழி ஆரோக்கியமும் அடங்கும். மோசமான உணவுமுறை மற்றும் பற்களைச் சரியாக பராமரிக்காமல் இருப்பது போன்ற பல்வேறு காரணங்களால் வாய் வழி ஆரோக்கியம் பாதிக்கப்படலாம்.

இதனால் லேசான அசௌகரியம் முதல் கடுமையானது வரை பல்வலி ஏற்படலாம். அதிலும் இதன் அறிகுறிகள் நபருக்கு நபர் வேறுபடலாம். எனவே பல்வலிக்கான சாத்தியமான காரணங்களைக் கண்டறிந்து அதை திறம்பட நிர்வகிப்பது எப்படி என்பது குறித்துக் காணலாம்.

இந்த பதிவும் உதவலாம்: Root Canal Treatment: சொத்தப் பல்லுக்கான ரூட் கெனால் சிகிச்சை.. மருத்துவரின் அட்வைஸ் இங்கே..

பல்வலி வகைகள்

பல்வலியில் பல்வேறு வகைகள் உள்ளது. அவற்றில் சிலவற்றைக் காண்போம்.

ஈறு தொடர்பான பல்வலி

பற்களைச் சுற்றியுள்ள திசுக்களின் தொற்று காரணமாக ஏற்படுவதே ஈறு நோய் ஆகும். இதன் மேம்பட்ட நிலை பல் வலியை ஏற்படுத்துகிறது. இதைத் தடுக்க வழக்கமான பல் சுத்திகரிப்பு மற்றும் சோதனைகளை மேற்கொள்ளலாம். இதற்கு தவறாமல் பற்களை துலக்குதலை உறுதிப்படுத்திக் கொள்ள வேண்டும். எனவே ஈறு நோய் இருப்பின் பல் மருத்துவரின் ஆலோசனையின் பேரில் சிகிச்சை மேற்கொள்ளலாம். ஈறு அல்லது குழி சார்ந்த பிரச்சனைகள் பற்களில் வலியை ஏற்படுத்தலாம்.

பல் அரைத்தல் பல்வலி

பற்களை அரைப்பதாலோ அல்லது கிள்ளுவதாலோ வலி ஏற்படலாம். இது தலைவலி, தாடை வலி மற்றும் பல் உணர்திறன் அடைவது போன்றவை ஏற்படலாம். இதன் காரணமாக ஏற்படும் பல் வலியைத் தடுக்க மன அழுத்தத்தைக் குறைத்தல், உறங்கும் முன் ஊக்க மருந்து எடுத்துக் கொள்வது, உறங்கும் நிலை மாறுதல் போன்றவை அடங்கும். இந்த துல்லியமான நோயறிதலைப் பெற பல் மருத்துவரிடம் கலந்தாலோசிப்பது நல்லது.

TMJ கோளாறு

TMJ கோளாறு என்பது டெம்போரோமாண்டிபுலர் மூட்டு ஆகும். இது தாடையை மண்டையோடு இணைக்கும் மூட்டுகளைப் பாதிக்கும் நிலையாகும். இந்த கோளாறுகள் முகம், கழுத்து, தாடை மற்றும் பற்களில் வலி மற்றும் அசௌகரியத்தை ஏற்படுத்தலாம். இதனைத் தடுக்க அதிக மன அழுத்த சூழ்நிலைகளின் போது பற்களை அரைப்பதைத் தவிர்ப்பது மற்றும் தாடைகளை இறுக்குவது போன்றவை அடங்கும். எனினும் தொடர்ந்து தாடை வலியை அனுபவித்திருப்பின் பல் மருத்துவரை அணுகி பயன்பெறுவது நல்லது.

இந்த பதிவும் உதவலாம்: Teeth Whitening: பற்களில் மஞ்சள் கறையை போக்கும் ஈஸியான வழிமுறைகள்!

சிதைவு தொடர்பான பல்வலி

இந்த பல்வலி துவாரங்களால் ஏற்படுவதாகும். இது நமது வாயில் பாக்டீரியா அமிலத்தை உற்பத்தி செய்வதால் ஏற்படுகிறது. இது பற்சிப்பி அரிப்பை ஏற்படுத்தலாம். இதற்கு ஒரு நாளைக்கு இரு முறை பல் துலக்குவது நல்லது. இது பற்சிதைவைத் தடுக்க உதவுகிறது. மேலும் ஃப்ளூரைடு பற்பசைகள் பற்சிதைவைத் தடுக்கவும், பற்சிப்பியை வலுப்படுத்தவும் உதவுகிறது. இந்த பல்வலியைத் தவிர்க்க சர்க்கரை, அமில உணவுகள், பானங்கள் அருந்துவதைக் குறைக்கவும். இந்த சோதனைகளை மேற்கொள்ள பல் மருத்துவரை அணுகலாம்.

பற்காயம் தொடர்பான வலி

சரியான வாய் பாதுகாப்பு இல்லாமல் இருப்பது, கடினமான உணவுகளைத் தவிர்ப்பது, எதிர்பாராத வீழ்ச்சி போன்ற பல்வேறு காரணங்களால் பல் காயம் ஏற்படலாம். இதற்கு தடுப்பு நடவடிக்கையாக கடினமான உணவுகள் மற்றும் பொருள்களைக் கடிப்பதைத் தவிர்ப்பது நல்லதாகும். பல் காயம் சேதத்தின் அளவை சரி செய்வது போன்ற நடவடிக்கைகளைக் கண்டறிய பல் மருத்துவரிடம் இருந்து விரைவான மதிப்பீட்டைப் பெறலாம்.

பல்வலியை நிர்வகிக்க உதவும் வழிகள்

பல்வலிக்கு மருந்துகள் முதல் வீட்டு வைத்தியம் வரை, பல்வலி நீங்க பல்வேறு வழிகள் உள்ளன. குறிப்பாக பல் பிரச்சனைகளைத் தவிர்க்க வாய்வழி சுகாதாரம் மற்றும் இதர சுகாதாரத்தை முறைகளைக் கடைபிடிப்பது அவசியமாகும்.

உப்பு நீரில் கொப்பளிப்பது

உப்பு நீரில் வாயைக் கழுவவதன் மூலம் வீக்கம் மற்றும் வலியைக் குறைக்கலாம். இதற்கு வெதுவெதுப்பான நீரில் உப்பு சேர்த்து வாயைக் கொப்பளிக்கலாம்.

குளிர் அழுத்தி

பாதிக்கப்பட்ட இடத்தில் குளிர் அழுத்தத்தைப் பயன்படுத்துவது வீக்கம் மற்றும் வலியைக் குறைக்க உதவுகிறது. இது பல்வலி மேலாண்மைக்கு சிறந்த வீட்டு வைத்தியமாக உள்ளது.

வலி நிவாரண மருந்து

சில வலி நிவாரணி மருந்துகளைப் பயன்படுத்துவதன் மூலம் பல்வலியுடன் தொடர்புடைய வலி மற்றும் அசௌகரியத்தைப் போக்கலாம். எனினும் பல் மருத்துவரின் ஆலோசனையின் பேரில் மட்டும் மருந்துகளை எடுத்துக் கொள்ள வேண்டும்.

இந்த வழிகளைப் பயன்படுத்தி பல்வலியை நிர்வகிக்கலாம்.

இந்த பதிவும் உதவலாம்: Healthy Teeth: உங்கள் பற்கள் (ம) ஈறுகள் ஆரோக்கியமாக உள்ளதா என்பதை எப்படி கண்டறிவது?

Image Source: Freepik