$
Contact Lens Wearing Tips: சிலர் கண் பார்வைப் பிரச்சனைக்கு கண்கண்ணாடிகள் அணிவதை விரும்புவர். ஆனால் சிலர் கண் கண்ணாடிகளுக்குப் பதிலாக கான்டாக்ட் லென்ஸ் உபயோகிப்பர். இவை கண்களுக்கு எளிதான மற்றும் தெளிவான பார்வையை வழங்குகின்றன. கண் கண்ணாடிகளுக்கு கான்டக்ட் லென்ஸ்கள் சிறந்த மாற்றாக இருப்பினும், இவற்றை அணிவதற்கு சில வழிமுறைகள் உள்ளன. இப்போது கான்டாக்ட் லென்ஸ்கள் அணிபவர்கள் செய்ய வேண்டிய மற்றும் செய்யக்கூடாதவை குறித்து கண் மருத்துவரும் தலைமை மருத்துவ இயக்குநருமான டாக்டர் அஜய் சர்மா அவர்கள் எடுத்துரைத்துள்ளார்.
கான்டாக்ட் லென்ஸ் அணியும் போது செய்யக்கூடாதவை
கான்டாக்ட் லென்ஸ் அணிபவர்கள் சில வழிமுறைகளைப் பின்பற்ற வேண்டியது அவசியம்.
லென்ஸ் வைத்து தண்ணீரில் நீந்துதல்
குளம், ஏரி போன்ற எந்த இடமாக இருந்தாலும் லென்ஸ்களை அணிந்து நீந்துவதைத் தவிர்க்க வேண்டும். இவ்வாறு அணிந்து கொண்டு நீந்துவதால் நீர், கண்களுக்கு தீங்கு விளைவிக்கும் நுண்ணுயிர்களை அறிமுகப்படுத்தி தொற்றுக்களை உண்டாக்க வழிவகுக்கிறது.
இந்த பதிவும் உதவலாம்: Boost Brain Power: மூளை ஆற்றலை அதிகரிப்பது எப்படி? சிம்பிள் டிப்ஸ்
கண் ஒவ்வாமை மற்றும் கண் சொட்டுகள்
கண்களில் ஏதேனும் ஒவ்வாமை இருப்பின், ஒவ்வாமை கட்டுப்பாட்டிற்குள் வரும் வரை கான்டாக்ட் லென்ஸ் பயன்படுத்துவதைத் தவிர்க்க வேண்டும். மேலும், சில கண் சொட்டு மருந்துகளை கான்டாக்ட் லென்ஸ் மூலம் பயன்படுத்துவது ஏற்றது அல்ல. எனவே, பொருத்தமான கண் சொட்டுகள் குறித்த வழிகாட்டுதல்களுக்கு கண் பராமரிப்பு நிபுணரை அணுக வேண்டும் என ஷர்மா கூறியுள்ளார்.
லென்ஸ் வைத்து தூங்கக்கூடாது
சிலர் தூங்கும் போதும் லென்ஸை கண்களில் வைத்தே தூங்குவர். ஆனால் இது கட்டாயம் தவிர்க்கப்பட வேண்டும். இவை கருவிழிக்கு தேவையான ஆக்ஸிஜன் விநியோகத்தைக் கட்டுப்படுத்துகிறது. இதனால் எரிச்சல், சிவத்தல் மற்றும் தொற்றுநோய் ஏற்படவும் வாய்ப்பு உண்டு என்று டாக்டர் ஷர்மா கூறியுள்ளார். மேலும், “ஓரே இரவில் பயன்படுத்துவதற்காக வடிவமைக்கப்பட்ட நீட்டிக்கப்பட்ட உடை லென்ஸ்களுக்கு இது பொருந்தாது. ஆனால் லென்ஸ்களுக்கு கண் பராமரிப்பு நிபுணரின் பரிந்துரைகளைப் பின்பற்றுவது அவசியம்” என அவர் குறிப்பிட்டுள்ளார்.
கண்களுக்கு மேக்கப்
லென்ஸ் அணிந்த பிறகு கண்களில் மேக்கப் பயன்படுத்துவதைத் தவிர்க்க வேண்டும். இல்லையெனில் மேக்கப் துகள்கள் லென்ஸின் அடியில் சிக்கி எரிச்சலை ஏற்படுத்தும். இந்த சிக்கலைத் தடுக்க லென்ஸ் போடுவதற்கு முன்பாக மேக்கப் செய்து கொள்ளலாம்.
இந்த பதிவும் உதவலாம்: Appetite Loss: பசியின்மை வர காரணம் என்ன? இதை சரிசெய்வது எப்படி?
கான்டாக்ட் லென்ஸ் அணியும் போது செய்ய வேண்டியவை
கான்டாக்ட் லென்ஸ் அணிபவர்கள் சில பாதுகாப்பான நடைமுறைகளைக் கையாள வேண்டும்.
சுகாதாரத்திற்கு முக்கியத்துவம் அளித்தல்
கான்டாக்ட் லென்ஸ் பயன்படுத்துபவர்கள் நல்ல சுகாதாரத்தைப் பேணிக்காப்பது நல்லது. அதன் படி கண்களைப் பாதுகாப்பாகவும் ஆரோக்கியமாகவும் வைத்திருக்க லென்ஸைத் தொடும் முன் கைகளை சோப்பு மற்றும் தண்ணீரால் நன்கு கழுவ வேண்டும். இந்த நடவடிக்கை மூலம் தீங்கு விளைவிக்கும் கிருமிகள் மற்றும் அழுக்குகள் கண்களுக்குள் நுழைவது தடுக்கப்படுகிறது.
அட்டவணையைப் பின்பற்றுதல்
லென்ஸ்களை மாற்றுவதற்கு, கண் மருத்துவர் கொடுக்கும் அட்டவணையைப் பின்பற்றுவது முக்கியம் ஆகும். வெகு நேரம் லென்ஸ்களை அணிவது அசௌகரியத்தை ஏற்படுத்தலாம். இவை கண்களின் கார்னியாவுக்குத் தேவையான ஆக்ஸிஜனைக் குறைக்கலாம். மேலும், கண் நோய்த்தொற்றுகளைப் பெறுவதற்கான வாய்ப்புகள் அதிகம்.
இந்த பதிவும் உதவலாம்: Improve Eyesight: கண் பார்வையை மேம்படுத்த எளிய வழிகள்!
அங்கீகரிக்கப்பட்ட தீர்வுகளைப் பயன்படுத்துதல்
லென்ஸ்களைச் சுத்தம் செய்வதும், கிருமி நீக்கம் செய்வதற்குமான தீர்வுகளைத் தேர்ந்தெடுப்பதும் சமமாக இன்றியமையாதது. உங்கள் லென்ஸூடன் இணக்கத்தன்மையை உறுதிப்படுத்தவும், கண் ஆரோக்கியத்தைப் பாதுகாக்கவும் கண் பராமரிப்பு நிபுணரால் அங்கீகரிக்கப்பட்ட தீர்வுகளை மட்டும் நம்புவது பயன் தரும் என டாக்டர் ஷர்மா கூறியுள்ளார்.
சுத்தமான சேமிப்பு பெட்டிகளைப் பராமரித்தல்
கான்டாக்ட் லென்ஸ் பயன்படுத்துபவர்களுக்கு சிறிய சேமிப்பு பெட்டி ஒன்று அளிக்கப்படுகிறது. கான்டாக்ட் லென்ஸ் மட்டுமல்லாமல் அதனைச் சேமித்திருக்கும் பெட்டியையும் சுத்தமாக வைத்திருக்க வேண்டும்.
கான்டாக்ட் லென்ஸ்கள் அணிபவர்கள் செய்ய வேண்டிய மற்றும் செய்யக்கூடாத வழிமுறைகளைப் பின்பற்றுவதன் மூலம் கண் ஆரோக்கியத்திற்கு முன்னுரிமை அளிக்கலாம். அதே சமயம், லென்ஸ் உங்கள் பார்வைத் தேவைகளைப் பூர்த்தி செய்வதுடன், கண்கள் ஆரோக்கியமாக இருப்பதையும் உறுதிப்படுத்த கண் பராமரிப்பு நிபுணருடன் வழக்கமான பரிசோதனைகள் செய்ய வேண்டியது அவசியம் ஆகும்.
இந்த பதிவும் உதவலாம்: Frequent Cold and Cough: தொடர் இருமல், சளி என்பது சாதாரண விஷயமல்ல!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
