$
Health Benefits Of Eating Blueberries: உடல் ஆரோக்கியத்திற்கு சரியான மற்றும் ஆரோக்கியமான உணவுமுறை, போதுமான தூக்கம், உடற்பயிற்சிகள் போன்றவற்றைப் பொறுத்தே அமைகிறது. நிறைய ஆரோக்கியமான காய்கறிகள், பழங்கள் போன்றவை உடல் ஆரோக்கியத்திற்கு இயற்கையாகக் கிடைக்கும் சிறந்த மூலங்களாகும். உதாரணமாக, ஊட்டச்சத்துக்கள் நிறைந்த ஆரோக்கியமிக்க பழ வகைகளில் ஒன்றாக பெர்ரி பழங்கள் உள்ளது.
இந்த பெர்ரி பழங்கள் உடலுக்கு நல்ல ஆரோக்கியத்தை வழங்குகிறது. அந்த வகையில் நெல்லிக்காய் மற்றும் ஸ்ட்ராபெர்ரிகள் போன்றவை பொதுவாக இந்திய வீடுகளில் பயன்படுத்தப்படுகிறது. ஆனால், நாம் குறைவாக உண்ணும் ஒரு வகையான பெர்ரி பழங்களில் ப்ளூபெர்ரியும் ஒன்று. ப்ளூபெர்ரி அவுரிநெல்லி என்றும் அழைக்கப்படுகிறது. இதில் ப்ளூபெர்ரி தரும் ஆரோக்கிய நன்மைகள் சிலவற்றைக் காணலாம்.
இந்த பதிவும் உதவலாம்: Agathi Keerai Benefits: அகத்தில் உள்ள நோய்களை அடியோடு அழிக்கும் அகத்தி கீரை.!
ப்ளூபெர்ரியின் ஊட்டச்சத்துக்கள்
அவுரிநெல்லியின் அளவு சிறியதாக இருப்பினும், இவை சில அற்புதமான மற்றும் ஆரோக்கியமான ஊட்டச்சத்துக்களால் நிரம்பியுள்ளது. இதில் நார்ச்சத்துக்கள் மற்றும் வைட்டமின் சி ஊட்டச்சத்துக்கள் நிறைந்த சிறந்த மூலமாகும். மேலும், அவுரிநெல்லியில் பாஸ்பரஸ், பொட்டாசியம், மற்றும் மெக்னீசியம் போன்ற தாதுக்களும் ஏராளமாக உள்ளன. இவை நம் அன்றாட உணவில் புறக்கணிக்கும் சத்துக்களாகும். அந்தவகையில் ப்ளூபெர்ரியை உட்கொள்வதன் மூலம் இந்த ஊட்டச்சத்துக்களைப் பெறலாம்.
ப்ளூபெர்ரி சாப்பிடுவதால் கிடைக்கும் நன்மைகள்
உடல் எடையைக் குறைக்க
உடல் எடையைக் குறைக்க விரும்புபவர்களுக்கு ப்ளூபெர்ரி உணவில் சிறந்த தேர்வாக அமைகிறது. இது கிட்டத்தட்ட கொழுப்பு உள்ளடக்கம் இல்லாத, கணிசமான அளவிலான குறைந்த கலோரிகள் நிறைந்த பழமாகும். மேலும், அவுரிநெல்லி அல்லது ப்ளூபெர்ரியில் சுமார் 85% அளவிலான நீர் உள்ளடக்கம் நிறைந்துள்ளது. எனவே வளர்சிதை மாற்றத்தில் நேர்மறையான விளைவைத் தருவதாகவும், அதிக கொழுப்புள்ள உணவின் விளைவுகளை எதிர்கொள்வதற்கும் உதவுகிறது.
இதய ஆரோக்கியத்தை மேம்படுத்த
ப்ளூபெர்ரி இதய ஆரோக்கியத்தில் நேர்மறையான தாக்கத்தை ஏற்படுத்தக்கூடிய ஊட்டச்சத்துக்களைக் கொண்டுள்ளது. ஏனெனில், இதய ஆரோக்கியத்திற்கு மிகக் குறைந்த அல்லது பூஜ்ஜிய கொழுப்பு உள்ளடக்கத்தையும் கொண்டுள்ளது. பின், இது உடலிலிருக்கும் கொழுப்பு மற்றும் கொலஸ்ட்ரால் மீது தலைகீழ் விளைவை ஏற்படுத்துகிறது. மேலும், இந்த அவுரிநெல்லி பொட்டாசியத்தால் செறிவூட்டப்பட்டதாகும். இவை உயர் இரத்த அழுத்தத்தைக் கட்டுப்படுத்தவும், நிர்வகிக்கவும் உதவுகிறது. இது இதய ஆரோக்கியத்தை மேம்படுத்துவதாக அமைகிறது.
இந்த பதிவும் உதவலாம்: Turmeric Milk Benefits: இரவில் மஞ்சள் பால் குடித்தால் என்ன ஆகும் தெரியுமா.?
நோயெதிர்ப்புச் சக்தி அதிகரிக்க
உடலில் நோயெதிர்ப்புச் சக்தியை அதிகரிக்க விரும்புவோர்க்கு ப்ளூபெர்ரி சிறந்த தேர்வாகும். இதில் நிறைந்துள்ள சிறந்த ஆக்ஸிஜனேற்ற உள்ளடக்கம், மற்றும் வைட்டமின் சி இரண்டுமே உடலில் நோயெதிர்ப்பு சக்தியை அதிகரிக்கிறது. மேலும், உடலில் ஏற்படும் நோய்த்தொற்றுக்களிலிருந்து நிவாரணம் அளிக்கிறது. மேலும், இந்த ப்ளூபெர்ரிகள் உடலில் உள்ள ஆக்ஸிஜனேற்ற அழுத்தம் மற்றும் வீக்கத்தையும் குறைக்கிறது.
ஆன்டி ஆக்ஸிடன்ட்டுகள் நிறைந்த
இது இயற்கையாக நிகழக்கூடிய ஃபிளாவனாய்டுகளால் நிரப்பப்பட்ட ஆக்ஸிஜனேற்ற நிறைந்த உணவுகளில் ஒன்றாகக் கருதப்படுகிறது. இதில் அந்தோசயனின்கள் நிறைந்துள்ளன. இது இந்த பழத்திற்கு சிறப்பியல்பாக நீல நிறத்தை அளிக்கிறது. மேலும் அவுரிநெல்லியில் உள்ள ஆக்ஸிஜனேற்ற உள்ளடக்கத்தின் காரணமாக உடல் ஃப்ரீ ரேடிக்கல்களிடமிருந்து சேதப்படுத்தாமல் பாதுகாப்பதுடன், செல் சேதத்தையும் சரி செய்கிறது.
இரத்த சர்க்கரையைக் குறைக்க
அவுரிநெல்லிகள் உட்கொள்வது இரத்த சர்க்கரை அளவைக் கட்டுப்படுத்துவதோடு தொடர்புடையதாகும். இதில் குறைவான கிளைசெமிக் இன்டெக்ஸ் நிறைந்துள்ளது. அதாவது இவை இரத்தத்தில் சர்க்கரை அளவை அதிகரிக்காது. இதன் மற்றொரு நன்மையாக இது சிறந்த நார்ச்சத்துக்களைக் கொண்டிருக்கிறது. இவை நீரிழிவு நோயாளிகளுக்கு மிகவும் ஏற்றதாக அமைகிறது. இந்த சிறப்பியல்புகளின் அடிப்படையில், ப்ளூபெர்ரி உட்கொள்ளலின் மூலம் டைப் 2 நீரிழிவு நோய் உருவாகும் அபாயத்தைக் குறைக்கலாம் என ஆய்வுகளில் கூறப்படுகிறது.
இவ்வாறு பல்வேறு வகையான ஊட்டச்சத்துக்கள் நிறைந்த ப்ளூபெர்ரிகளை உட்கொள்வது இதய ஆரோக்கியம், உடல் எடை குறைப்பு, இரத்த சர்க்கரை மேம்பாடு என பல்வேறு ஆரோக்கிய நன்மைகளைத் தருகிறது.
இந்த பதிவும் உதவலாம்: Meal Timing: உணவு சாப்பிட சரியான நேரம் எது? நிபுணர்கள் கூறுவது இங்கே!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
