மீன் என்பது தமிழ் மக்களின் அன்றாட உணவுப் பட்டியலில் தவறாமல் இடம்பெறும் ஒரு சத்துணவு. ஆனால், பலரும் அதை பொரித்து சாப்பிடுவதால் அதிக எண்ணெய் உடலில் சேர்ந்து பல்வேறு நோய்களுக்கு வழிவகுக்கிறது. இதைத் தவிர்க்கவே, மருத்துவ நிபுணர்கள் "வேகவைத்த மீன்" (Steamed Fish) உணவை பரிந்துரைக்கின்றனர். குறைந்த உப்பு, குறைந்த எண்ணெய், அதிக சத்துக்கள் என்பதால் இந்த உணவு தற்போது உலகம் முழுவதும் ஆரோக்கிய உணவாக பேசப்படுகிறது.
அது என்ன வேக வைத்த மீன்?
மீனை எண்ணெய் இல்லாமல் நீராவியில் வேக வைக்கும் முறையே “Steamed Fish”. இது சீனா, ஜப்பான் போன்ற ஆசிய நாடுகளில் பரவலாகப் பயன்படுத்தப்படுகிறது. தற்போது இந்தியாவிலும் ஆரோக்கியத்தில் அக்கறை கொண்டவர்கள் அதிகம் விரும்பும் உணவாக மாறிவருகிறது.
இதய நோயாளிகளுக்கு பாதுகாப்பு கவசம்
இதய நோயாளிகளுக்கு அதிக எண்ணெய், அதிக உப்பு தவிர்க்கும் அறிவுரையை மருத்துவர்கள் வழங்குகின்றனர். அப்படி இருக்கும் போது வேகவைத்த மீன் ஒரு சிறந்த மாற்று உணவாக கருதப்படுகிறது.
இதில் உள்ள ஓமேகா-3 கொழுப்பு அமிலம் இரத்தத்தில் உள்ள கொழுப்பு சேர்வதை தடுக்கும். இதனால் இதய தமனிகள் அடைப்பு குறையும். சீரான இரத்த ஓட்டம் நடைபெறுவதால் இதய ஆரோக்கியம் பாதுகாக்கப்படுகிறது.
உயர் ரத்த அழுத்தத்திற்கு கட்டுப்பாடு
குறைந்த உப்புடன் தயாரிக்கப்படும் இந்த உணவு, உயர் ரத்த அழுத்தம் (High BP) கொண்டவர்களுக்கு மருந்தாகும். வேகவைத்த மீனில் இருக்கும் பொட்டாசியம் மற்றும் மெக்னீசியம் உடலின் சோடியம் அளவை கட்டுப்படுத்துகிறது. இதனால் இரத்த அழுத்தம் இயல்பாகக் குறைந்து, உடல் சோர்வு, தலைவலி, மாரடைப்பு போன்ற ஆபத்துகள் தடுக்கப்படுகின்றன.
நீரிழிவு நோயாளிகளுக்கு சிறந்த துணை
நீரிழிவு நோயாளிகள் எண்ணெய், பொறித்த உணவு அனைத்தையும் தவிர்க்க வேண்டிய சூழல் உள்ளது. அவர்களுக்கு வேகவைத்த மீன் ஒரு சிறந்த சத்துணவாகிறது.
மீனில் உள்ள புரதச் சத்து உடலுக்கு நீண்ட நேரம் ஆற்றலை அளிக்கும். கார்போஹைட்ரேட் மிகக் குறைவாக இருப்பதால் இரத்த சர்க்கரை அளவை உயர்த்தாது. இன்சுலின் செயல்பாட்டை மேம்படுத்தி நீரிழிவு கட்டுப்பாட்டில் இருக்க உதவுகிறது.
மூளை ஆரோக்கியம் மற்றும் நினைவாற்றல்
ஓமேகா-3 கொழுப்பு அமிலம் நிறைந்த வேகவைத்த மீன், மூளைக்கு ஆற்றல் ஊட்டும் உணவாக கருதப்படுகிறது. நினைவாற்றல் குறைபாடு, மன அழுத்தம், அல்சைமர்ஸ் போன்ற பிரச்சினைகளை குறைக்கும். குழந்தைகள் முதல் முதியோர் வரை அனைவருக்கும் மூளை வளர்ச்சிக்கு உதவுகிறது.
எலும்பு மற்றும் தசை பலம்
மீன் என்பது கால்சியம், வைட்டமின் D மற்றும் புரதச் சத்துகளில் சிறந்த ஆதாரமாகும். இது எலும்புகளை பலப்படுத்தும். மூட்டு வலி, எலும்பு பலவீனம் போன்ற பிரச்சினைகளில் பாதுகாப்பு தரும். மேலும் தசை வளர்ச்சிக்கும், உடல் வலிமைக்கும் உதவுகிறது.
வேகவைத்த மீனை எப்படி சாப்பிடலாம்?
வேகவைத்த மீனை கஞ்சி, சாதம், சப்பாத்தி ஆகியவற்றோடு சாப்பிடலாம். எலுமிச்சை சாறு, இஞ்சி, பூண்டு சேர்த்து வேக வைத்தால் சுவை மேலும் அதிகரிக்கும். குழந்தைகள், முதியோர் அனைவருக்கும் எளிதில் செரிக்கக்கூடிய உணவாக இருக்கும்.
வேகவைத்த மீன் ரெசிபி
தேவையான பொருட்கள்:
* மீன் துண்டுகள் – 250 கிராம்
* இஞ்சி – 1 சிறிய துண்டு
* பூண்டு – 4 பற்கள்
* எலுமிச்சை சாறு – 1 டீஸ்பூன்
* உப்பு – சிறிதளவு
* கொத்தமல்லி இலை – தேவையான அளவு
செய்முறை:
* மீன் துண்டுகளை நன்றாக சுத்தம் செய்யவும்.
* இஞ்சி, பூண்டு, எலுமிச்சை சாறு, சிறிதளவு உப்பு சேர்த்து மீன் துண்டுகளை 10 நிமிடங்கள் ஊறவைக்கவும்.
* ஆவியிலே வேக வைக்கும் பாத்திரத்தில் 15–20 நிமிடங்கள் வைத்து வேகவிடவும்.
* மேலே கொத்தமல்லி தூவி பரிமாறவும்.
* இந்த முறையில் சமைக்கப்படும் மீன், எண்ணெய் இல்லாமல் சத்தானதாக இருக்கும்.
நிபுணர் கருத்து..
மீனை பொரித்தால் அதிக எண்ணெய் உடலுக்குள் சேர்ந்து இதய நோய், உயர் இரத்த அழுத்தம், நீரிழிவு போன்றவற்றை அதிகரிக்கும் அபாயம் உள்ளது. ஆனால் வேகவைத்த மீனை வாரத்திற்கு குறைந்தது இரண்டு முறை எடுத்துக்கொள்வது நோய் தடுப்பு மருந்தாகவே செயல்படும் என்று மருத்துவர்கள் கூறுகிறார்கள்.
இறுதியாக..
உப்பும் எண்ணெயும் குறைவாக இருக்கும் வேகவைத்த மீன், ஆரோக்கியத்தை பாதுகாக்கும் ஒரு இயற்கை மருந்து போன்று செயல்படுகிறது. இதய நோயாளிகள், நீரிழிவு நோயாளிகள், உயர் ரத்த அழுத்தம் உள்ளவர்கள் மட்டுமல்லாமல், ஆரோக்கியமான வாழ்கையை விரும்பும் ஒவ்வொருவரும் இதனை உணவில் சேர்த்துக் கொள்வது அவசியமாகிறது.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
