ஆஸ்துமா நோயாளிகள் இரவில் நல்ல தூக்கத்தைப் பெற உதவும் வீட்டு வைத்தியம்

$

Home Remedy To Get Good Sleep For Asthma Patients: பலருக்கும் ஆஸ்துமா பிரச்சனை ஏற்படுவதை நாம் கவனித்திருப்போம். குறிப்பாக ஆஸ்துமாவால் பாதிக்கப்படுபவர்கள் இரவு நேரங்களிலேயே இந்த பிரச்சனையை அதிகம் சந்திப்பர். ஏனெனில், ஆஸ்துமா நோயாளிகளுக்கு இரவு நேரங்களிலேயே இருமல் அதிகமாக தோன்றும். இதனால், அவர்களின் தூக்கம் பாதிக்கலாம். ஆஸ்துமாவால், நோயாளிகள் பல பிரச்சனைகளை எதிர்கொள்கின்றனர். அதில் ஒன்று அவரால் நன்கு தூங்க முடிவதில்லை.

ஆஸ்துமாவின் அறிகுறிகளில் சில நேரங்கள் எரிச்சல், மன அழுத்தம் போன்ற பிரச்சனைகள் ஏற்படலாம். ஆஸ்துமா நோயாளிகள் இரவில் அதிக பிரச்சனைகளைச் சந்திக்க நேரிடலாம். ஏனெனில் குளிர்ந்த வெப்பநிலையால் மூச்சுக்குழாய் சுருக்கம், சில சமயங்களில் படுக்கையறையில் உள்ள பொருள்களின் காரணமாகவும் ஒவ்வாமை பிரச்சனைகள் ஏற்படலாம். இது போன்ற இயற்கையான வைத்தியங்களைக் கையாள்வதன் மூலம் ஆஸ்துமா நோயாளிகள் இரவில் நல்ல தூக்கத்தைப் பெறலாம்.

இந்த பதிவும் உதவலாம்: Stomach Gas Remedies: வயிறு உப்புசத்தால் அவதியா? எளிதில் சரியாக்க உதவும் வீட்டு வைத்தியங்கள் இதோ

ஆஸ்துமா நோயாளிகள் இரவில் நல்ல தூக்கத்தைப் பெறுவதற்கான வழிகள்

நீரேற்றமாக இருப்பது

ஆஸ்துமா நோயாளிகள் இரவில் நன்றாக தூங்க, நன்கு நீரேற்றத்துடன் இருப்பது அவசியமாகும். தண்ணீர் குடிப்பது குறைவதன் காரணமாகவும், சுவாச பிரச்சனைகள் அதிகரிக்கலாம். இந்த சூழ்நிலையில் சூப், மூலிகை தேநீர் போன்றவற்றை தண்ணீருடன் சேர்த்து எடுத்துக் கொள்ளலாம்.

கழுத்து மற்றும் தோள்களை உயர்த்தி முதுகில் தூங்குவது

தலையணைகளைப் பயன்படுத்துவதன் மூலம் முதுகில் தூங்கலாம். இது தூங்கும் போது காற்றுப்பாதைகளை திறக்க உதவுகிறது. இந்த நிலையில் தூங்குவது சுவாசத்தை எளிதாக்கலாம். இது ஆஸ்துமான நோயாளிகளுக்கு மிகவும் உதவியாக இருக்கும்.

இடது பக்கம் தூங்குவது

ஆஸ்துமா நோயாளிகள் இரவு நேரங்களில் தூங்க முடியாமல் போனால், அவர்களின் இடது பக்கத்தில் தூங்க முயற்சிக்கலாம். இவ்வாறு தூங்குவது காற்றுப்பாதையை திறந்து வைக்க உதவும். மேலும், கால்களுக்கு இடையில் ஒரு தலையணையை வைத்து படுப்பது முதுகெலும்பை உறுதிப்படுத்துகிறது. இது நன்றாக உறங்க வழிவகுக்கிறது.

இந்த பதிவும் உதவலாம்: Delay Periods Remedies: லேட் பீரியட்ஸ் பிரச்சனையா? இதெல்லாம் டிரை பண்ணுங்க.

ஈரப்பதமூட்டியைப் பயன்படுத்துவது

ஆஸ்துமா நோயாளிகள் நல்ல உறக்கத்தைப் பெற ஈரப்பதமூட்டியைப் பயன்படுத்தலாம். மேலும், காற்று சுத்திகரிப்பான்களைப் பயன்படுத்தலாம். இதில் காற்றில் உள்ள ஒவ்வாமைகளின் எண்ணிக்கையைக் குறைக்கின்றன. மேலும், ஈரப்பதமூட்டிகளைப் பயன்படுத்துவது காற்று வறண்டு போகாமல் தடுக்க உதவுகிறது. ஏனெனில், வறண்டு காற்று தொண்டை எரிச்சலை ஏற்படுத்தலாம்.

ஆரோக்கியமான உணவு

ஆஸ்துமா நோய்க்கான அறிகுறிகளைக் குறைக்க ஆஸ்துமா நோயாளிகளும் ஆரோக்கியமான உணவைத் தேர்ந்தெடுப்பது அவசியமாகும். ஆரோக்கியமான உணவை உட்கொள்வதால் பிரச்சனைகள் குறைந்து நுரையீரல் ஆரோக்கியமாக இருப்பதை உணரலாம். அதன் படி, உணவில் பச்சை மற்றும் காய்கறிகளுடன் கொட்டைகள் மற்றும் பழங்களைச் சேர்த்துக் கொள்ளலாம்.

ஆஸ்துமா நோயாளிகள் இரவில் நிம்மதியான தூக்கத்தைப் பெற இந்த நடவடிக்கைகளை மேற்கொள்ளலாம். எனினும், நடவடிக்கைகளப் பின்பற்றுவதற்கு முன் மருத்துவரை அணுகுவது நல்லது.

இந்த பதிவும் உதவலாம்: Knee Pain Oil: மூட்டு வலி டக்குனு குறைய இந்த எண்ணெயை யூஸ் பண்ணுங்க.

Image Source: Freepik