Weight Gain: நீங்க ரொம்ப ஒல்லியா இருக்கீங்களா? ஒரே வாரத்தில் உடல் எடை அதிகரிக்க இதை சாப்பிடுங்க!

$

How To Consume Dry Dates For Weight Gain: இன்றைய காலகட்டத்தில் உடல் பருமன் என்பது மிகப்பெரிய பிரச்சனை. அதே சமயம் குறைந்த எடை அல்லது மெலிந்த உடலால் சிரமப்படுபவர்களுக்கும் பஞ்சமில்லை. நமது தோற்றம் நமது நம்பிக்கையுடன் தொடர்புடையது. நாம் ஒல்லியாக இருந்தால் நாம் அணியும் ஆடைகள் நமக்கு எடுப்பாக இருக்காது.

எனவே, எடை குறைவாக இருப்பவர்கள் தங்களின் எடையை அதிகரிக்க சந்தைகளில் விற்கப்படும் பல்வேறு வகையான பொடிகள் அல்லது மருந்துகளை உட்கொள்கின்றனர். இது, குறுகிய காலத்திற்கு பயனுள்ளதாக இருக்கும். ஆனால் இந்த பொருட்களை நீண்ட நாட்கள் உட்கொள்வது உடலுக்கு தீங்கு விளைவிக்கும் மற்றும் சில நேரங்களில் அவை விரும்பிய பலனைத் தராது. எனவே, உடல் எடையை அதிகரிக்க நினைப்பவர்களுக்கு பேரிச்சம்பழம் சிறந்த தேர்வு.

இந்த பதிவும் உதவலாம் : Weight Gain Tips: ஆரோக்கியமான முறையில் உடல் எடையை அதிகரிக்க இந்த 6 டிப்ஸை ஃபாலோ பண்ணுங்க!

பேரிச்சம்பழம் உடலுக்கு ஆரோக்கியமானது மற்றும் உடல் எடையை வேகமாக அதிகரிக்க உதவும். சோடியம், பொட்டாசியம், நார்ச்சத்து, கால்சியம், பொட்டாசியம் மற்றும் வைட்டமின் டி போன்ற பல வகையான ஊட்டச்சத்துக்கள் இதில் காணப்படுகின்றன. உடலை ஆரோக்கியமாக வைத்திருப்பதோடு, உடல் எடையை அதிகரிக்கவும் உதவுகிறது. ஃபிட் கிளினிக்கின் டயட்டீஷியன் சுமன், உடல் எடையை அதிகரிப்பதற்கு பேரிச்சம்பழத்தை எப்படி உட்கொள்வது என்று கூறியுள்ளார். அவற்றை பற்றி இங்கே விரிவாக பார்க்கலாம்.

பேரிச்சம்பழம் மற்றும் பால்

உடல் எடையை அதிகரிக்க பால் மற்றும் பேரிச்சம்பழம் சாப்பிடலாம். இதற்கு 2 முதல் 3 பேரிச்சம்பழங்களை 1 கிளாஸ் தண்ணீரில் 5 முதல் 6 மணி நேரம் வரை வைக்கவும். அதன் பிறகு 1 கிளாஸ் பாலை கொதிக்க வைக்கவும். இப்போது, இந்த பேரீச்சம்பழத்தை இந்த பாலில் சேர்த்து 5 நிமிடம் கொதிக்க விடவும்.

பின் அடுப்பை அனைத்து, ஆறிய பிறகு சாப்பிடவும். இந்த பாலை குடிப்பதால் உடலுக்கு பலம் கிடைப்பதுடன் உடல் எடையும் ஆரோக்கியமான முறையில் அதிகரிக்கும். சர்க்கரை நோய் உள்ளவர்கள் இந்த பாலை குடிப்பதை தவிர்க்க வேண்டும்.

இந்த பதிவும் உதவலாம் : Weight loss: இந்த 5 டிப்ஸை ஃபாலோ பண்ணுங்க ஒரே வாரத்தில் 5 கிலோ வரை எடையை குறைக்கலாம்!

ஊறவைத்த பேரிச்சம்பழம்

ஊறவைத்த பேரீச்சம்பழத்தை சாப்பிட்டு வந்தால் உடல் எடை எளிமையாக அதிகரிக்கலாம். முதலில், 2 முதல் 3 பேரிச்சம்பழங்களை ஒரு இரவு முழுவதும், தண்ணீர் அல்லது பாலில் ஊற வைக்கவும். காலையில் எழுந்தவுடன் வெறும் வயிற்றில் இவற்றைத் தொடர்ந்து சாப்பிட்டு வந்தால் உடல் எடை வேகமாக அதிகரிக்கும். இதை சாப்பிடுவதால் உடலில் ஹீமோகுளோபின் அளவு அதிகரித்து, உடல் பலவீனம் நீங்கும்.

பேரிச்சம்பழம் ஷேக்

பேரிச்சம்பழம் ஆரோக்கியமானது மட்டுமல்ல, சத்தானதும் கூட. இதைச் செய்ய, பேரீச்சம்பழத்தை 5 முதல் 6 மணி நேரம் தண்ணீரில் ஊற வைக்கவும். அதன் பிறகு ஒரு மிக்சர் ஜாரில், பேரிச்சம்பழ விதைகளை நீக்கி பேரிச்சம்பழத்தை சேர்க்கவும். 1 கிளாஸ் பால், சுவைக்கு தகுந்த தேன் சேர்த்து மிக்சியில் அரைக்கவும். இப்போது, பேரிச்சம்பழ ஷேக் தயார். இந்த ஷேக்கை காலை உணவு அல்லது மாலையில் எடுத்துக் கொள்ளலாம்.

இந்த பதிவும் உதவலாம் : Weight Gain Reasons: திடீரென்று உங்க உடல் எடை அதிகரித்துவிட்டதா? அப்போ இதுதான் காரணம்

பேரீச்சம்பழம் சாப்பிடுவதால் கிடைக்கும் நன்மைகள்:

• இரும்புச்சத்து பேரீச்சம்பழத்தில் அதிகமாகக் காணப்படுவதால் உடலுக்கு ஆற்றலை அளித்து பலவீனத்தை நீக்குகிறது.
• பேரிச்சம்பழத்தில் ஏராளமான கலோரிகள் உள்ளன, இது உடலை ஆரோக்கியமாக வைத்திருக்க உதவுகிறது.
• எலும்புகளுக்கு வலிமை தரும் பேரீச்சம்பழத்தில் கால்சியம் அதிகம் உள்ளது.
• பேரிச்சம்பழத்தில் உள்ள நார்ச்சத்து வயிற்றை சுத்தமாக வைத்திருக்க உதவுகிறது.
• கொலஸ்ட்ராலை குறைத்து இதயத்தை ஆரோக்கியமாக வைக்கிறது.

Pic Courtesy: Freepik