ICMR Dietary Guidelines For Indians: இந்திய மருத்துவ ஆராய்ச்சி கவுன்சில் (ICMR) நோயைத் தடுக்க சரியான உடல் எடையை பராமரிக்க ஊட்டச்சத்து திட்டத்தை அறிவித்துள்ளது. ஐதராபாத்தில் உள்ள ஐசிஎம்ஆரின் துணை நிறுவனமான நேஷனல் இன்ஸ்டிடியூட் ஆஃப் நியூட்ரிஷன் (NIN) இது தொடர்பான வழிகாட்டுதல்களை 'இந்தியர்களுக்கான உணவு வழிகாட்டுதல்கள்' (Dietary Guidelines for Indians) என்ற பெயரில் வெளியிட்டுள்ளது.
அறிக்கையின்படி, இதய நோய்கள் மற்றும் நீரிழிவு நோயைத் தடுக்க இந்தியர்கள் என்ன உணவு வழிகாட்டுதல்களைப் பின்பற்றலாம்? உப்பு, சர்க்கரை மற்றும் தீவிர பதப்படுத்தப்பட்ட உணவுகளை முடிந்தவரை குறைவாக உட்கொள்ள வேண்டும் என்று NIN பரிந்துரைக்கிறது. உடல் எடையை அதிகரிக்க புரோட்டீன் சப்ளிமெண்ட்ஸ் எடுத்துக் கொள்ள வேண்டாம் என்று எச்சரித்துள்ளது.
முக்கிய கட்டுரைகள்
-1751385849349.jpg)
-1745778518611.jpg)
இதில் கவனம்..!
பல அறிவியல் அம்சங்களை மதிப்பாய்வு செய்த பிறகு, அனைவரும் பின்பற்ற வேண்டிய 17 உணவு வழிகாட்டுதல்களை NIN வெளியிட்டுள்ளது. இவற்றில் புரதப் பொடிகள் முக்கியமாகக் குறிப்பிடப்படுகின்றன. புரோட்டீன் பவுடர்களை அதிகமாக உட்கொள்வது நமது எலும்புகளை சிதைத்து, சிறுநீரக பாதிப்புக்கு உள்ளாகும் அபாயம் உள்ளது என எச்சரிக்கை விடுக்கப்பட்டுள்ளது.
இதையும் படிங்க: Obesity Management: டீ, காபி குடிச்சா உடல் பருமன் குறையுமா.? அது எப்படி.?
NIN வழங்கிய வழிமுறைகள்…
- உடலுக்கு ஆற்றலை வழங்குவதில் கவனமாக இருக்க வேண்டும். சர்க்கரையிலிருந்து உடலுக்கு வழங்கப்படும் கலோரிகள் 5 சதவீதத்திற்கும் குறைவாக இருக்க வேண்டும்.
- தானியங்கள் மற்றும் தினைகளிலிருந்து 45 சதவிகிதம் கலோரிகளும், பருப்பு வகைகள், பீன்ஸ் மற்றும் இறைச்சியிலிருந்து 15 சதவிகிதம் கலோரிகளும் உடலுக்கு வழங்கப்படலாம்.
- உடலுக்குத் தேவையான மீதமுள்ள கலோரிகள் உலர்ந்த பழங்கள், காய்கறிகள், பழங்கள் மற்றும் பால் ஆகியவற்றிலிருந்து பெறப்பட வேண்டும்.
- உடலுக்கு வழங்கப்படும் மொத்த கலோரிகளில் 30 சதவீதத்திற்கும் குறைவானது கொழுப்பு தொடர்பான உணவுகள் மற்றும் உணவுப் பொருட்களிலிருந்து வர வேண்டும்.
- பருப்பு மற்றும் இறைச்சியின் விலை உயர்வால், நாட்டு மக்கள் அதிக அளவில் தானியங்களை உட்கொள்வதாக என்.ஐ.என் கூறுகிறது. இதன் காரணமாக உடலுக்குத் தேவையான கொழுப்பு அமிலங்கள் மற்றும் அமினோ அமிலங்கள் கிடைப்பதில்லை. இதன் விளைவாக, வளர்சிதை மாற்றத்தில் இடையூறு ஏற்படுகிறது. மிக இளம் வயதிலேயே, இன்சுலின் எதிர்ப்பு காரணமாக பலர் உடல்நலப் பிரசினைகளை உருவாக்குகிறார்கள்.
- நம் நாட்டில் இன்சுலின் தொடர்பான நோய்களால் பாதிக்கப்பட்டவர்களில் 56.4 சதவீதம் பேர் ஆரோக்கியமற்ற உணவுப் பழக்கவழக்கங்களே தங்கள் உடல்நலப் பிரச்னைகளுக்குக் காரணம்.
- ஆரோக்கியமான உணவு மற்றும் போதுமான உடல் செயல்பாடு இதய நோய் மற்றும் உயர் இரத்த அழுத்தம் அபாயத்தை வெகுவாகக் குறைக்கும். டைப்-2 நீரிழிவு நோயின் அபாயமும் கிட்டத்தட்ட 80 சதவீதம் குறைகிறது என்று NIN கூறுகிறது.
- ஆரோக்கியமான வாழ்க்கை முறையை பின்பற்றுவதன் மூலமும் அகால மரணங்களைத் தடுக்கலாம்.
- சர்க்கரைகள், கொழுப்புகள், பதப்படுத்தப்பட்ட உணவுகள் மற்றும் உடல் உழைப்பு இல்லாததால் உடல் பருமன் போன்ற பிரச்னைகளால் இளைஞர்கள் பாதிக்கப்படுவதாக என்ஐஎன் அறிக்கை வெளிப்படுத்தியுள்ளது.
Image Source: Freepik