$
Prevention Tips For Child Dengue: பொதுவாக மழைக்காலம் என்றாலே நோய்த்தொற்றுக்களும் அதிகரித்தவாறே காணப்படும். அந்த வகையில் மழைக்காலத்தில் பரவும் நோய்த்தொற்றுக்களில் ஒன்று டெங்கு காய்ச்சல் ஆகும். மழைக்காலத்தில் கொசுக்களால் இந்த டெங்கு பரவுகிறது. இதில் டெங்கு வைரஸை சுமந்து செல்லும் ஏடிஸ் கொசுக்கள் மூலம் மக்களுக்கு டெங்கு பரவுகிறது. உலகளவில் மில்லியன் கணக்கிலான மக்கள் டெங்குவால் பாதிக்கப்பட்டுள்ளனர். இதில் குறிப்பாக குழந்தைகளே அதிக ஆபத்தில் உள்ளனர்.
டெங்கு காய்ச்சலின் அறிகுறிகள்
டெங்கு காய்ச்சலின் பொதுவான அறிகுறிகளாக அமைவது கடுமையான தலைவலி, அதிக காய்ச்சல், சோர்வு, சொறி, மூட்டு மற்றும் தசைகளில் அசௌகரியத்தை ஏற்படுத்துகிறது. டெங்கு ரத்தக்கசிவு காய்ச்சல் மிகவும் கடுமையான ஒன்றாகும். இது சில சமயங்களில் ஆபத்தானதாகும். குறிப்பாக, இளம் குழந்தைகளில் டெங்கு ஏற்படுவது மிகவும் ஆபத்தாகும். எனவே இந்த நோயிலிருந்து குழந்தைகளை பாதுகாக்க வேண்டியது அவசியமாகும்.
இந்த பதிவும் உதவலாம்: Mobile Addiction in Children: உங்க குழந்தை அதிக நேரம் செல்போன் பார்க்குதா?… உடனே இதை செய்யுங்க!
டெங்கு காய்ச்சலிலிருந்து குழந்தைகளைப் பாதுகாக்கும் முறை
டெங்கு காய்ச்சல் பாதிப்பிலிருந்து குழந்தைகளை எவ்வாறு பாதுகாப்பதில் சில ஆரோக்கியமான நடவடிக்கைகளை மேற்கொள்ள வேண்டும். குழந்தையை டெங்குவிலிருந்து பாதுகாக்க உதவும் வழிகளைக் காணலாம்.
கொசு உற்பத்தியைத் தவிர்த்தல்
டெங்குவை பரப்பக் கூடிய முக்கிய கொசுவான ஏடிஸ் ஆனது தேங்கி நிற்கும் தண்ணீரில் இனப்பெருக்கம் செய்கிறது. எனவே, கொசுக்கள் பெருகும் இடங்களைக் கண்டறிந்து அகற்றுவதன் மூலம் டெங்கு காய்ச்சலைத் தவிர்க்கலாம். மேலும் வீட்டிலேயோ அல்லது வீட்டிற்கு அருகிலேயோ வாளிகள், பூந்தொட்டிகள் மற்றும் கைவிடப்பட்ட டயர்கள் போன்றவற்றில் நீர் தேங்கி நிற்கிறதா என்பதைக் கவனித்து உடனே சுத்தம் செய்ய வேண்டும்.
பூச்சி விரட்டிகளைப் பயன்படுத்துதல்
வெளியில் தோன்றும் சருமத்திற்கு விரட்டிகளைப் பயன்படுத்துவதன் மூலம் கொசுக் கடியின் அபாயத்தைக் கணிசமாகக் குறைக்கலாம். எனவே கொசுக்கடியைத் தவிர்க்க குழந்தைகளுக்கு விரட்டிகளைப் பயன்படுத்தலாம். அதிலும் குறிப்பாக, குழந்தைகளுக்காகத் தயாரிக்கப்பட்டது என்பதை உறுதி செய்து பயன்படுத்த வேண்டும். அதன் படி, EET, picaridin, citronella மற்றும் எலுமிச்சை யூகலிப்டஸ் எண்ணெய் போன்றவை பொதுவான செயலில் உள்ள கூறுகளுக்கு எடுத்துக்காட்டுகள் ஆகும். இவை குழந்தைகளுக்கு எந்த வித பாதிப்பையும் ஏற்படுத்தாதவாறு அமைய வேண்டும்.
நீண்ட கை உடைய ஆடைகள் அணிவித்தல்
நீண்ட கை சட்டை, நீண்ட கால்சட்டை, சாக்ஸ் மற்றும் மூடிய காலணிகளை அணிவது குழந்தைகளுக்கு பாதுகாப்பானதாக அமையும். குறிப்பாக மழைக்காலங்களிலும், அதிகாலை மற்றும் பிற்பகல் கொசுவின் செயல்பாடு அதிகமாக இருக்கும் போது இந்த வகை ஆடைகளை குழந்தைகளுக்கு அணிவிக்க வேண்டும். இந்த வெளிர் நிற ஆடைகளை அணிவது கொசுகளை விரட்ட உதவுகிறது. தளர்வான, இலகுரக ஆடைகளை அணிவது, வெப்பத்திலிருந்து பாதுகாக்க உதவுகிறது. எனினும் வெப்பமான காலநிலையில் இது கடினமாக இருக்கலாம். இருப்பினும், குழந்தைகளின் பாதுகாப்பிற்காக இந்த ஆடைகளை அணிய வைக்க வேண்டும்.
இந்த பதிவும் உதவலாம்: குழந்தைகளை ஏன் வெளியில் விளையாடச் சொல்கிறார்கள் தெரியுமா?
வெளிப்புற நடவடிக்கைகளிலிருந்து விலகி இருப்பது
வெளிப்புறத்தில் குழந்தைகளை விளையாட செல்வதைத் தவிர்க்க வேண்டும். குறிப்பாக, ஈரமான வானிலை இருக்கும் போது மற்றும் கொசு இனப்பருக்கம் உச்சத்தில் இருக்கும் போது வெளியில் செயல்படுவதைத் தவிர்ப்பது நல்லது. ஏனெனில் மழைக்காலங்களில் பல்வேறு இடங்களில் தண்ணீர் தேங்கி டெங்குவை ஏற்படுத்தும் கொசுக்களின் இனப்பெருக்கம் செய்யும் இடமாக விளங்கலாம்.
கொசு இல்லாத சூழலை உருவாக்குதல்
குழந்தைகளிடம் கொசுக்கள் வராமல் இருக்க படுக்கை வலைகளைப் பயன்படுத்த வேண்டும். மேலும் ஜன்னல்கள், கதவுகளை மூடி வைக்க வேண்டும். குறிப்பாக, இந்த முன்னெச்சரிகைகள் தூக்கத்தின் போது கொசு கடிப்பதற்கான வாய்ப்பை வெகுவாகக் குறைக்க உதவுகிறது. கூடுதலாக, குளிர்ந்த வெப்பநிலையுடன் கொசுக்களின் செயல்பாடு குறைவதால், வீட்டைக் குளிர்ச்சியாக வைத்திருக்க மின்விசிறிகளை பயன்படுத்தலாம்.
மருத்துவ உதவி பெறுவது
கடுமையான தலைவலி, சொறி, அதிக காய்ச்சல், அல்லது தொடர்ந்து வாந்தி எடுப்பது போன்ற டெங்குவின் அறிகுறிகளை வெளிப்படுத்தினால் உடனடியாக மருத்துவ உதவியை நாடுவது நல்லது. மேலும் ஆரம்பகால நோயறிதல் மற்றும் சரியான மருத்துவ கவனிப்பு போன்றவற்றின் மூலம் டெங்குவின் கடுமையான அறிகுறிகள் முன்னேறுவதைத் தடுக்கலாம்.
இவை அனைத்தும் குழந்தைகளுக்கு டெங்கு காய்ச்சல் பரவாமல் தடுக்க உதவுகிறது.
இந்த பதிவும் உதவலாம்: Toothbrush For Children: உங்க குழந்தைக்கு டூத் பிரஸ் யூஸ் பண்றாங்களா? எப்படி தேர்வு செய்யணும் தெரியுமா?
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
