Tips to Manage Migraines During Monsoon: மழைக்காலத்தில் ஒற்றைத் தலைவலி என்பது ஒரு வகையான கடுமையான தலைவலியைக் குறிக்கிறது. இது தலைவலி என்ற ஒற்றை அறிகுறியுடன் காணப்படாது. மாறாக குமட்டல், ஒலி உணர்திறன், பார்வைக் கோளாறுகள் உள்ளிட்ட பிற அறிகுறிகளுடன் இருக்கும். இந்த ஒற்றைத் தலைவலிக்கான சரியான காரணத்தை முழுமையாக புரிந்துக் கொள்வது கடினமான ஒன்று. அதிலும் வானிலை மாற்றத்தால் பருவமழை தொடர்பாக ஏற்படும் காரணிகளால் ஒற்றைத் தலைவலி உண்டாகலாம்.
மழைக்காலத்தில் ஒற்றைத் தலைவலி ஏற்பட காரணம்?
பொதுவாக மழைக்காலத்தில் ஈரப்பதம் அளவுகள், வளிமண்டல அழுத்தம் மற்றும் வெப்பநிலை ஏற்ற இறக்கங்கள் என பல காரணிகளால் ஒற்றைத் தலைவலி ஏற்படலாம். இதன் நரம்பியல் விளைவுகள் மூளையின் இரத்த நாளங்கள் மற்றும் இரசாயன அளவுகளில் ஏற்படும் மாற்றங்களுடன் தொடர்புடையதாக மாறலாம். இதில் மூளையில் உள்ள இரத்த நாளங்கள் விரிவடைந்து வலி மற்றும் அழுத்தத்தை அதிகரிக்கிறது. மேலும் இந்த நரம்பியல் கடத்திகளின் ஏற்ற இறக்கங்கள் ஒற்றைத் தலைவலியின் வளர்ச்சிக்கு பங்களிக்கிறது.
இந்த பதிவும் உதவலாம்: Betel Leaf Oil: சருமம், முடி பிரச்சனைகளைத் தீர்க்க உதவும் மந்திர எண்ணெய்! ஈஸியான முறையில் இப்படி செய்யுங்க
அதே சமயம், இந்த மழைக்கால ஒற்றைத் தலைவலியானது ஒரு தனிநபரின் மன நலனில் குறிப்பிடத்தக்க தாக்கத்தை ஏற்படுத்தலாம். இந்த தொடர்ச்சியான வலி மற்றும் அறிகுறிகள் துன்பம் மற்றும் மனக்கவலையை ஏற்படுத்தும். ஒற்றைத் தலைவலியால் பாதிக்கப்பட்டவர்களின் உளவியல் தாக்கம் மற்றும் நிச்சயமற்ற தன்மையானது உடல் அறிகுறிகளை மேலும் மோசமாக்கலாம். எனினும் மழைக்காலத்தில் ஏற்படும் ஒற்றைத் தலைவலியை சிறப்பாக நிர்வகிக்க மற்றும் அறிகுறிகளைப் போக்கவும் சில பாதுகாப்பான வழிமுறைகளைப் பின்பற்றலாம். 
மழைக்கால ஒற்றைத் தலைவலியை நிர்வகிப்பது எப்படி?
ஒற்றைத் தலைவலியை நிர்வகிப்பதற்கு தொழில்முறை உதவியை நாடுவது மிகவும் முக்கியமானது. எனினும், மழைக்காலங்களில் அனுபவிக்கும் ஒற்றைத் தலைவலி பிரச்சனையை நிர்வகிக்க தனிநபர்கள் பின்பற்ற வேண்டிய ஆரோக்கியமான நடைமுறைகளைக் காணலாம்.
நீரேற்றத்துடன் இருப்பது
ஒற்றைத் தலைவலி ஏற்படுவதற்கான முதன்மையான காரணங்களில் ஒன்று நீரிழப்பு ஆகும். எனவே நாள் முழுவதும் போதுமான அளவு தண்ணீர் குடிப்பதை வழக்கமாக்கிக் கொள்ள வேண்டும். மேலும் மழைக்காலத்தில் நோயெதிர்ப்பு மண்டலத்தை வலுவாக வைக்கவும் நீரேற்றமாக இருப்பது அவசியமாகும்.
வழக்கமான தூக்க அட்டவணை
ஒரு நிலையான தூக்க சுழற்சியைப் பின்பற்றுவதன் மூலம் பல்வேறு நோய் அபாயங்களில் இருந்து விடுபடலாம். அதன் படி வழக்கமான தூக்க அட்டவணையைப் பராமரிப்பது ஒற்றைத் தலைவலி ஏற்படும் அபாயத்தைக் குறைக்கிறது. எனவே நாள்தோறும் குறைந்தது 7 முதல் 8 மணிநேரம் இரவு தூக்கத்தைப் பெறுவது அவசியமாகும். குறிப்பாக, உடல்நிலை சரியாக இல்லாத போது உடலுக்கு ஓய்வு தேவைப்படுகிறது.
இந்த பதிவும் உதவலாம்: Oral Hygiene: வாய்வழி சுகாதாரத்தைப் பராமரிக்க இந்த குறிப்புகளை பின்பற்றுங்க
சமச்சீர் உணவு பராமரிப்பு
மழைக்காலத்திற்கு ஏற்ற உடலில் நோயெதிர்ப்புச் சக்தியை வலுப்படுத்தக்கூடிய காய்கறிகள், முழு தானியங்கள் மற்றும் மெலிந்த புரதங்கள் போன்றவற்றைச் சேர்க்க வேண்டும். வழக்கமான மற்றும் ஆரோக்கியமான உணவு பராமரிப்பு முறைகளை மேற்கொள்வது மற்றும் ஆரோக்கியமற்ற உணவுகளைத் தவிர்ப்பது போன்றவற்றின் மூலம் ஒற்றைத் தலைவலி பிரச்சனையிலிருந்து விடுபடலாம். 
தலைவலி தூண்டும் உணவுகளைத் தவிர்த்தல்
சமச்சீரான உணவைப் பராமரிக்கும் அதே வேளையில் தலைவலியைத் தூண்டும் உணவுகளைத் தவிர்ப்பதும் அவசியம். சில நபர்களுக்கு காஃபின், சாக்லேட், சீஸ் மற்றும் ஆல்கஹால் போன்ற சில உணவுகளும், பானங்களும் ஒற்றைத் தலைவலியைட் தூண்டலாம். எனவே குறிப்பிட்ட தூண்டுதல்களைத் தரும் உணவுகளை உட்கொள்வதன் மூலம் மழைக்காலத்தில் ஏற்படும் ஒற்றைத் தலைவலி பிரச்சனையைக் கட்டுப்படுத்தவும், தவிர்க்கவும் முடியும்.
உகந்த சூழலை உருவாக்குதல்
உணவின் மூலம் மட்டும் ஒற்றைத் தலைவலி பிரச்சனை ஏற்படுவதில்லை. உரத்த சத்தங்கள், பிரகாசமான விளக்குகள் மற்றும் கடுமையான நாற்றங்கள் வெளிப்படுத்தும் சூழலும் ஒற்றைத் தலைவலியைத் தூண்டுகிறது. எனவே சத்தமில்லாத, அதிக வெளிச்சமில்லாத சூழலை உருவாக்கி ஒற்றைத் தலைவலியிலிருந்து விடுபடலாம்.
இந்த குறிப்புகளின் உதவியுடன் தனி நபர்கள் ஒற்றைத் தலைவலியிலிருந்து நிவாரணம் பெற முடியும். எனினும், இதைப் பின்பற்றிய பிறகும் இந்த பிரச்சனையைச் சந்திக்கும் நபர்கள் சுகாதார நிபுணர் அல்லது மருத்துவரை அணுகுவது நல்லது.
இந்த பதிவும் உதவலாம்: Tan Removing Remedies: பாதத்தின் கருமையை நீக்க இந்த வீட்டு வைத்தியங்களை டிரை பண்ணுங்க
Image Source: Freepik